Кочкыш сатун тӱнямбал кечыже
| Кочкыш сатун тӱнямбал кечыже | |
|---|---|
| Файл:Word food day poster FAO.gif | |
| Тӱрлылык | ООН-ын тӱнямбал кечыже |
| Официал | ООН-ын моло официал йылмыла дене: англ. World Food Day, араб. يوم الأغذية العالمي, исп. Día Mundial de la Alimentación, кит. 世界粮食日, фр. la Journée mondiale de l'alimentation |
| Ыҥ | ООН-ышто кочкыш сату да ялозанлык организацийым почмо кече (FAO) |
| Ышталтын | 1979 ий |
| Палемдат |
 ООН |
| Кече | 16 октябрь |
 Медиафайлы на РУВИКИ.Медиа | |
Кочкыш сатун тӱнямбал кечыже ( ООН-ын моло официал йылмыла дене: англ. World Food Day, араб. يوم الأغذية العالمي, исп. Día Mundial de la Alimentación, кит. 世界粮食日, фр. la Journée mondiale de l'alimentation ) — ООН-ын тӱнямбал кечыже, ий еда 16 октябрьыште палемдалтеш.
Шарныме кече нерген 1979 ийыште Ушымо Калык-влак Организацийысе кочкыш сату да ялозанлык организацийын конференцийыштыже (FAO) увертарыме. Шарныме датын цельже — тӱнямбал кочкыш сату проблеме шотышто калыкын шинчымаш кӱкшытшым нӧлталаш да шужымаш, нужналык ваштареш кучедалмаште ваш кутырен келшымашым пеҥгыдемдымаш. Тиде кече 1945 ийыште FAO почмо дене кылдалтын.
1980 ийыште ОНН-ын Тӱҥ Ассамблейже лӱмын пунчалым (№ A/RES/35/70) луктын да ий еда Кочкыш сату кечым эртарымым пеш сайлан шотлен.
ОНН-ысо Тӱҥ секретарьын 2005 ий Сатулык тӱнямбал кече лӱмеш колтымо серышыштыже, мутлан, ойлалтеш: кочкыш сату ситышын уло гынат, тӱняште 850 000 000 еҥ шужен орлана. Тудо Тӱжемийысе Декларацийын икымше цельышкыже шушашлан вийым кок пачаш утларак пышташ ӱжын — шужен да нужнан илыше орлыкан калыкын чотшым кок пачаш иземдаш.
Тӱнямбал кечын ий еда темыже-влак
- 1999 — «Молодёжь шужен илыш ваштареш»
- 2000 — «Шужымо деч утарыме Тӱжемий»
- 2001 — «Нужналыкым чарен, шужен илышым сеҥена»
- 2002 — «Вӱд: кочкыш лӱдыкшыдымылыкын памашыже»
- 2003 — «Шужен илымаш ваштареш тӱнямбал альянс »
- 2004 — «Кочкыш сатум ышташлан биотӱрлылык»
- 2005 — «Ялозанлык да тӱвыра диалог»
- 2006 — «Кочкышсату лӱдыкшыдымылыклан йӧн ялозанлыкыш инвестиций»
- 2007 — «Кочкыш сатулан права»
- 2008 — «Тӱнямбал кочкыш лӱдыкшыдымылык: климат ден биоэнергийын вашталтме йӱксавышышт»
- 2009 — «Кризис годым кочкыш лӱдыкшыдымылыкым аралымаш»
- 2010 — «Шужымо ваштареш кучедалмаште икоян лиймаш»
- 2011 — «Кочкыш сатулан ак — кризис гыч ӱшанле пеҥгыдылыкыш»
- 2012 — «Ялозанлык кооператив-влак тӱням пукшат»
- 2013 — «Пеҥгыде кочкыш сату кышкар кочкышвундо лӱдыкшыдымылык да сатум ситарымаште ӱзгар семын»
- 2014 — «Еш фермер озанлык-влак: тӱням пукшаш — планетым перегаш»
- 2015 — «Социал аралымаш да ялозанлык: ялысе нужналыкын языкан тыртышыжым кӱрыштмаш»
- 2016 — «Климат вашталтеш, а тудын дене пырля кочкыш сату ден ялозанлык вашталтыт»
- 2017 — «Миграций йогын-влакын ончыкылыкыштым вашталтена. Кочкыш лӱдыкшыдымылык да ялозанлыкым вияҥдымашке инвестиций дене»