Костяев, Виктор Федорович

Виктор Федорович Костяев
Виктор Федорович Костяев
Марий АССР-ын прокуроржо
	1987 — 1989
Пенза областьын прокуроржо
	1989 — 2000
Шочын	1935 ий 8 сорла; Липовка села, Жердевка район, Тамбов область, РСФСР, СССР
Колен	2021 ий 20 пеледыш (85 ий); Пенза, Россий
Образований	Саратовысо кугыжаныш юридический академий
Профессий	юрист
Службо жап	1962—2000
Шогымаш	СССР-ын прокуратурыжо; Российын прокуратурыжо
Лӱмынлык званий але классан чин
Званий	; 2 классан юстицийын кугыжаныш ойпуышыжо

Виктор Федорович Костяев (8 сорла 1935, Жердевка район^[d] — 20 пеледыш 2021, Пенза) — совет да российысе кугыжаныш пашаеҥ, юрист. 1989 гыч 2000 ий марте Пенза областьын прокуроржо. 1987 гыч 1989 ий марте Марий АССР-ын прокуроржо. 2014 гыч 2021 ий марте Пенза кугыжаныш университетын «Правосудий» кафедрын профессоржо.

СССР прокуратурын почётан пашаеҥже (1991). Россий Федерацийысе прокуратурын почётан пашаеҥже (1993). Пенза областьын сулло юристше (2009).

Илыш корныжо

1935 ий 8 августышто Тамбов областьысе Жердевка районысо Липовка селаште шочын.

1954 гыч 1958 ий марте СССР Сарзе-теҥыз флотышто срочный службым эртен.

1962 ийыште Д. И. Курский лӱмеш Саратовысо юридический институтым тунем лектын.

Институтым тунем пытарымеке, тудым Тамбов областьысе прокуратурыш пашаш колтеныт. 1962 гыч 1987 ий марте Тамбов районысо прокуратурын следовательже, Тамбов районысо прокурорын полышкалышыже, Тамбов областьысе прокуратурын судышто уголовный пашам эскерыше надзор шотышто пӧлкан прокуроржо, следствий пӧлкан прокуроржо, область прокурорын полышкалышыже, тӱшка надзор пӧлкан вуйлатышыже, Тамбов областьысе прокурорын икымше алмаштышыже лийын.

1987 гыч 1989 ий марте — Марий АССР-ын прокуроржо.

1989 ий декабрь гыч 2000 ий август марте — Пенза областьын прокуроржо.

2001 гыч 2012 ий марте — В. Г. Белинский лӱмеш Пенза кугыжаныш педагогике университетын уголовный права да уголовный процесс кафедрын профессоржо.

2007 гыч 2015 ий марте прокуратурын ветеран да пенсионер-влакын Чумыр Российысе мер организацийын Пенза областьысе регион пӧлкам вуйлатен^[1].

2014 гыч 2021 ий марте — Пенза кугыжаныш университетысе правосудий кафедрын профессоржо.

В. Ф. Костяев 2021 ий 20 июньышто колен. Пенза оласе Новозападный шӱгарлаште (руш.) (мар. тойымо^[2].

Суаптар-влак

Чап орден;
«Пашан ветеран» медаль;
«Пенза область ончылно суаплан» орденын медальже;
«Россий МВД-лан 200 ий» медаль (руш.) (мар.;
«Прокуратурын ветеранже» медаль;
Руденкон медальже;
Ягужинскийын медальже;
«Российысе прокуратурлан 290 ий» медаль;
Преподобный Сергий Радонежскийын II степенян медальже;
СССР-ын прокуратурын почётан пашаеҥже (1991);
Россий Федерацийын прокуратурын почётан пашаеҥже (1993);
Пенза областьын сулло юристше (2009);
«Пенза олам вораҥдымаште суаплан» шарнымаш пале (2010 ий 24 июнь)^[3].

Интервью

В Пензе прокурору Виктору Костяеву исполнилось 84 года, www.penzainform.ru. 08.08.2019.

Палемдымаш

↑ Ушел из жизни бывший прокурор Пензенской области Костяев Виктор Федорович (руш.). epp.genproc.gov.ru. Тергыме кече: 24 сӱрем 2025. Архивлыме 27 шыжа 2021 ий.
↑ Умер бывший прокурор Пензенской области Виктор Костяев (руш.). penzanews.ru. Тергыме кече: 24 сӱрем 2025. Архивлыме 27 шыжа 2021 ий.
↑ Награжденные памятным знаком «За заслуги в развитии города Пензы» (руш.). pgduma.ru. Тергыме кече: 24 сӱрем 2025. Архивлыме 27 шыжа 2021 ий.

Кылвер-влак

Под ред. А. Д. Гулякова, В. А. Мещерякова. Твои люди, университет. — Пенза: Изд-во ПГУ, 2018. — С. 210. — 484 с. — ISBN 978-5-907102-39-2.
Бывшему прокурору постоянно угрожали, <https://www.penzainform.ru/news/social/2004/01/12/bivshemu_prokuroru_postoyanno_ugrozhali.html>. Тергыме: 27 сӱрем 2025.

[1] Ушел из жизни бывший прокурор Пензенской области Костяев Виктор Федорович (руш.). epp.genproc.gov.ru. Тергыме кече: 24 сӱрем 2025. Архивлыме 27 шыжа 2021 ий.

[2] Умер бывший прокурор Пензенской области Виктор Костяев (руш.). penzanews.ru. Тергыме кече: 24 сӱрем 2025. Архивлыме 27 шыжа 2021 ий.

[3] Награжденные памятным знаком «За заслуги в развитии города Пензы» (руш.). pgduma.ru. Тергыме кече: 24 сӱрем 2025. Архивлыме 27 шыжа 2021 ий.

[1]

[2]

[3]