Ковалевская, Наталия Викторовна

РУВИКИ — эрыкан энциклопедий гыч материал
Наталия Викторовна Ковалевская
Ковалевская, Наталия Викторовна.png
Шочмо кече 14 ӱярня 1961(1961-03-14) (65 ий)
Шочмо вер
Гражданлык  СССР →  Россий
Паша сомыл мурызо, туныктышо
Награде да премий

Ната́лия Ви́кторовна Ковале́вская (ӱдыр фамилийже — Ко́нева) (шоч. 14 ӱярня 1961, Йошкар-Ола) — совет да российысе эстраде мурызо, туныктышо. 1970—1980-ше ийлаште Марий АССР-ысе эстраде мурын ончыл коллективше — «Сувенир» ден «Мари» мурышо-семӱзгар ансамбль-влакын (ВИА-н) мурызыжо. Россий Федерацийысе тӱвыран сулло пашаеҥже (2021), Марий Эл Республикысе тӱвыран сулло пашаеҥже. Эстраде-джаз вокал дене кӱшыл категориян туныктышо[1]. Россий Армийын Тӱвыра полатысе художественный вуйлатышыже (Йошкар-Ола).

Илыш корныжо

1961 ий 14 мартыште Марий АССР-ысе Йошкар-Олаште шочын. Йошкар-Оласе музык училищын дирижёр-хор пӧлкажым, вара Н. К. Крупская лӱмеш Марий кугыжаныш педагогике институтым тунем лектын. 1975 ийыште Сеҥымашын XXX идалыкше лӱмеш тӱвыра полатым ыштыме дене тунеммыж годымак «Сувенир» мурышо-семӱзгар ансамбльыште мурен[2][3].

Утларакше 1970—1980-ше ийлаште Марий АССР-ысе эстраде мурын ончыл коллективше, Я. Эшпай лӱмеш марий кугыжаныш филармонийыште пашам ыштыше «Мари» ВИА-н мурызыжо семын палыме[2][3].

Шуко ий Йошкар-Оласе Сеҥымашын XXX идалыкше лӱмеш тӱвыра полатыште художественный вуйлатышылан пашам ыштен, тыште шкетынат мурен да тӱрлӧ вокал студийым вӱден[2][3].

Туныктымо пашаште тыршен: И. С. Палантай лӱмеш Марий республикысе тӱвыра да сымыктыш колледжыште эстраде вокалым туныктен[2][3][4].

Кызыт Йошкар-Олаште ила да пашам ышта[2][3]. 2016 ий гыч Йошкар-Олаште Россий Армий тӱвыра полатын художественный вуйлатышыже улеш, тыште шке негызлыме Наталия Ковалевскаян эстраде вокал школжо пашам ышта[2][3][5][6].

Усталык паша

1970—1980-ше ийласе Марий АССР-ысе «Сувенир» да «Мари» мурышо-семӱзгар ансамбль-влакын мурызышт семын палыме лийын[2][3].

Марий республикыште икымше эстраде мурызо лийын, кудыжо калык шот дене марий лийын огыл, а марла муро-влакым мурен. Тудо жап гыч тудын репертуарыштыже — патриот муро-влак, рушла да марла эстраде муро-шамыч, тыгак южо йотэлласе мурызо-влакын хитышт йоҥга. Тудын йоҥгалтарыме «Роза-Розмари» марла муро поснак кумдан палыме лийын[2][3].

«Мари» мурышо-семӱзгар ансамбль еҥ-влак пелен гастроль дене уло Совет Ушемым, Хабаровск гыч Ташкент да Украине марте, коштын савырнен. Муслим Магомаев, Тамара Синявская, Валерий Леонтьев, Надежда Чепрага, Ирина Понаровская, Стас Наминын «Цветы» тӱшкаже, В. Полунин вуйлатыме «Лицедеи» клоунаде Театр да моло шуко палыме мурызо да коллектив дене ик сценыште мурен[2][3].

Тудын тыршымыж дене И. С. Палантай лӱмеш Марий республикысе тӱвыра да сымыктыш колледжын вокал пӧлкажым почмо, тушто тудо эстраде вокалым туныктен. Марий Элын кызытсе эстрадын у шӱдыр-влак тукымым ылыжтен (К. Павловская, Э. Токташева, Р. Искакова, И. Соболева, В. Решта, К. Астапов да молат)[2][3].

«Российын шӱдыржӧ» Россий кӱкшытан патриот муро фестивальын республикысе этапшын ик эртарышыже да жюрин йыжыҥъеҥже улеш[7][8].

Чаплӱм ден суаптар-влак

Палемдымаш

  1. ↑ Состоялся II Всероссийский фестиваль-конкурс исполнителей эстрадно-джазового вокала «Голоса» (руш.). culture.cap.ru. Тергыме кече: 3 теле 2025.
  2. ↑ 1 2 3 4 5 6 7 8 9 10 11 Ковалевская (Конева) Наталия Викторовна (руш.). Марийская история в лицах. Тергыме кече: 3 теле 2025. Архивлыме 3 шорыкйол 2022 ий.
  3. ↑ 1 2 3 4 5 6 7 8 9 10 11 С песней по жизни / Известная в Марий Эл певица Наталья Ковалевская: «Я до сих пор учусь петь». yoshkarola.bezformata.com. Тергыме кече: 3 теле 2025. Архивлыме 3 шорыкйол 2022 ий.
  4. ↑ Детская школа искусств колледжа | История. web.archive.org. Тергыме кече: 3 теле 2025.
  5. ↑ Наши сотрудники | МАУК (руш.). dkra12.ru. Тергыме кече: 3 теле 2025.
  6. ↑ Школа эстрадного вокала ЗРК РМЭ Наталии Ковалевской | МАУК (руш.). dkra12.ru. Тергыме кече: 3 теле 2025.
  7. ↑ В ноябре пройдет патриотической песни «Звезда России»: интервью с Натальей Ковалевской, <https://web.archive.org/web/20220103065632/https://metr12.ru/telekanal-metr/news-mari-el/12772-v-nojabre-projdet-patrioticheskoj-pesni-zvezda-rossii-intervju-s-natalej-kovalevskoj.html>. Тергыме: 3 теле 2025. 
  8. ↑ V Всероссийский патриотический фестиваль-конкурс «Звезда России - 2021», <https://web.archive.org/web/20220103065632/https://dkra12.ru/meropriyatiya/v-vserossiyskiy-patrioticheskiy-festival-konkurs-zvezda-rossii-2021/?sphrase_id=518>. Тергыме: 3 теле 2025. 
  9. ↑ Александр Евстифеев представил доклад о результатах деятельности Правительства Марий Эл в 2021 году (руш.). ИА МедиаПоток (23 теле 2021). Тергыме кече: 3 теле 2025. Архивлыме 3 шорыкйол 2022 ий.

Кылвер-влак

"https://mhr.ruwiki.ru/w/index.php?title=Ковалевская,_Наталия_Викторовна&oldid=1233229" гыч налме