Келшымашын тӱнямбал кечыже
| Келшымашын тӱнямбал кечыже | |
|---|---|
 | |
| Кече | 30 сӱрем |
 РУВИКИ.Медиаште медиафайл-влак | |
Келшымашын тӱнямбал кечыже ( ООН-ын моло официал йылмыла дене: англ. International Friendship Day, араб. اليوم الدولي للصداقة, исп. Día Internacional de la Amistad, кит. 国际友谊日, фр. Journée internationale de l’amitié ) — тиде икмыняр элласе пайрем кече, келшымашлан пӧлеклалтын, 30 июльышто пайремлалтеш. 2011 ий 27 апрельыште ООН-н Генерал Ассамблейже 65-ше сессийыштыже увертарен (Резолюций A/RES/65/275)[1].
Тӱҥалтыште ты пайремым саламлымашан открытке индустрий вияҥден шоген. Кечывалвел Азийыште ты пайрем йӱлам кучышо-влак йолташлан пӧлеклыме кечым США-ште 1935 ийыште шочшылан шотлат.
Историй
ООН-ын Генеральный секретарьже Пан Ги Мун 2014 ий 27 октябрьысе шке посланийыштыже ойлен:
Тений Келшымашын тӱнямбал кечыже тыгай жапыште толын, кунам тӱнян шуко ужашыштыже кугу сар кая, ӧкымламаш да еҥ кокласе ӱшаныдымаш шарла. Еҥ-влак, кудышт ондак келшен иленыт, шке пошкудышт денак кутырен келшыдымашке шуыныт, еҥ-влак, кудыштын пырля иквереш илыде моло йӧнышт уке, утларак да утларак икте-весышт деч торлат.
Тушман ончымашын да сарланен ӧкымлымашын амалже кеч-могай лийже, нунын шеҥгелне кеч-могай виян вий шогыжо, айдемын чон шӱлышыжӧ ятырлан виян лийын кертеш. Мемнан шнуй парымна, ты чон шӱлышын пайремжым арален кодаш.
Тыгай неле да ончыкылыкым умылен мошташ лийдыме жапыште моткочак кӱлеш ваш кидым шуялташ, тыге ваш умылдымашым шочыкташ огыл да тыныс тӱнялан пеҥгыде негызым пышташ.
Келшымашын тӱнямбал кечынже, расым, юмыйӱлам, пӧрьеҥ але ӱдырамаш улмым, секс ориентирым, чекым ончыде, айста шарналтена: мо мемнам ушен шога. Айста икте-весе дене келшен илымым вияҥдаш пижына, вет ме ик планетыште илыше ик айдеме еш улына. Айста чын да пеҥгыде келшымаш верч тыршаш тӱҥалына.
Пайрем йӱла
Пайремым тӱнямбалсе шуко элыште палемдымылан кӧра, верысе тӱвыралан келшышын, нунын дене кылдалтше йӱлажат кажне кугажанышыште ойыртемалтеш.
Российыште Келшымаш кечын калык-влак коклаште кылым пеҥгыдемдаш шонымаш дене меропритяий-влак эртаралтыт[2][3]. Оласе площадьлаште, келыштарыме сценылаште самырык актёр-влак театрализованный представленийлам ончыктат, конкурс ден викторине-шамыч эртаралтыт[4].
Тыгак ончо
Палемдымаш
- ↑ Резолюция, принятая Генеральной Ассамблеей 4 мая 2011 года. Тергыме кече: 14 сӱрем 2022. Архивлыме 3 вӱдшор 2019 ий.
- ↑ Акция «Международный день дружбы». «Цифровая культура» (30 сӱрем 2024). Тергыме кече: 3 сӱрем 2024.
- ↑ Международный день дружбы. «Культура.РФ» (30 сӱрем 2024). Тергыме кече: 3 сӱрем 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Тергыме кече: 3 сӱрем 2024.