Карачаров, Александр Иванович
| Александр Иванович Карачаров | ||
|---|---|---|
 | ||
| Шочмо кече | 11.1893 | |
| Шочмо вер | ||
| Колымо кече | 1970 ий 22 сӱрем | |
| Колымо вер | Горький, РСФСР, СССР | |
| Гражданлык |
 Россий империй →  СССР |
|
| Паша сомыл | НКВД пашаеҥ | |
| Награде да премий |
|
|
Александр Иванович Карачаров (ноябрь 1893, Инютино (Угарман кундемысе Угарман губерний) — 22.07.1970, Горький) — НКВД пашаеҥ, СССР I созывысе Кӱшыл Каҥашын депутатше. СССР НКВД-ын посна тройко тӱшкаштыже лийын.
Илыш корныжо
1893 ий ноябрьыште Угарман губернийысе Угарман уездысе Инютино ялыште шочын. Калык шот дене — руш. 1917 ий ноябрь гыч РСДРП(б) йыжъеҥ.
1914—1918 ийлаште руш флотышто, Йошкар Гвардийыште лийын (Финляндий). 1918 ийыште Абов совет (Финляндий) исполкомын еҥже. 1918—1919 ийлаште РККФ-ште. 1919—1923 ийлаште Угарман уездысе кочкыш сату комитетыште, Симбилей волостьысо военком.
1923 ий гыч ВЧК органын пашаеҥже, бандит-влак дене кучедалме шотышто Угарман уезд комиссийысе председательын алмаштышыже, Угарман уездысе Исполком секретарь. 1923—1928 ийыште Угарман ГПУ губпӧлкан Сормовысо, Павловысе уездласе кертыжаҥдыме ӱшанъеҥже, Угарман ГПУ губпӧлкан секрет пӧлкажым вуйлатыше.
1928—1931 ийлаште — Пошкырт ГПУ облпӧлкан секрет-оператив управлений начальникын полышкалышыже, Секрет пӧлкан начальникше. 1931—1934 ийлаште Иваново Йӧнозанлык кундем шотышто ОГПУ-н секрет-оператив управленийысе тичмаш ӱшанвер начальникын полышкалышыже, Кинешма НКВД райпӧлкан начальникше (Иваново Йӧнозанлык кундем).
1934—1937 ийлаште Марий ГПУ кундемысе пӧлкан начальникше, Марий автоном область шотышто НКВД управленийын начальникше. 25.12.1935 — кугыжаныш лӱдыкшыдымылык шотышто кугурак лейтенант. 30.7.1937 — 17.01.1939 — Марий АССР-ын элгӧргӧ паша шотышто нарком. Тиде пагыт гыч СССР НКВД-ын кӱштыкшӧ почеш посна тройкын тӱшкаштыже, тудым СССР НКВД 30.07.1937, 00447 № кӱштыкшӧ дене пуртымо[1] да сталин репрессийыште чолган тыршымыж дене ойыртемалтын[2].
Мучаш корно
1939 ий январьыште арестоватлыме. 31.05.1939 — судитлыме. Пунчалым лукшо — СССР ВКВС. 20 ийлан эрык деч посна кодаш пунчалме.
1956 ий 12 апрельыште Коми АССР-ысе Кӱшыл судын палемдымыж почеш Воркута ИТЛ гыч утарыме. Реабилитироватлыме огыл.
1970 ий 22 июльышто Горькийыште колен. Бугровысе шӱгарлаште тойымо[3].
Лӱмпале
- кугыжаныш лӱдыкшыдымылык шотышто кугурак лейтенант (25.12.1935)
Суаптарже
- «Почёт Знак» орден (19.12.1937)
Палемдымаш
- ↑ Составы троек в 1937−1938 годах // Сайт Nkvd.memo.ru. Тергыме кече: 2 сӱрем 2022. Архивлыме 1 ӱярня 2022 ий.
- ↑ Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева. Тергыме кече: 10 ӱярня 2017. Архивлыме 13 сорла 2017 ий.
- ↑ Карачаров Александр Иванович. Тергыме кече: 26 ага 2021. Архивлыме 26 ага 2021 ий.
Литератур
- Петров Н., Скоркин К. Кто руководил НКВД, 1934—1941: справочник. — М.: Звенья, 1999.
- Востриков В. Г., Колесников А. Ю., Сануков К. Н. Карачаров, Александр Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 192. — 606 с. — 1500 экз. — ISBN 978-5-905314-35-3.