Йошкар-Оласе ТЭЦ-2
| Йошкар-Оласе ТЭЦ-2 | |
|---|---|
 | |
| Эл |
 Россий |
| Верланымаш | Йошкар-Ола, Марий Эл |
| Статус | пашам ыштыше |
| Пашаш колтымо | 1994 |
| Тӱҥ характеристике | |
| Электро куат, МВт | 195 |
| Шокшо куат | 660 Гкал/шагат |
| Тӱҥ увер | |
| Тӱҥ топливо | пӱртӱс газ |
| Резерв топливо | мазут |
| Под агрегат-влак |
2 × ТПЕ-430А, 3 × КВГМ-100/150 |
| Турбине чот да марке |
ПТ-80/100-130/13, Тп-115/125-130-1 |
| Тӱҥ сооружений-влак | |
| Шеледыше устройство | 110 кВ |
| Картыште | |
|
|
|
Йошкар-Оласе ТЭЦ-2 (руш. Йошкар-Олинская ТЭЦ-2) — Марий Эл Республикысе Йошкар-Олаште верланыше теплоэлектроцентраль, тудо оласе илыме-коммунал сектор ден йнозанлык предприятий-влаклан электрический да шокшо куатым пуа. Марий Элысе эн кугу электростанций улеш. ПАО «Т Плюс»-ын «Марий Эл да Чуваший» филиалышкыже пура. Чӱчкыдын Йошкар-Оласе ТЭЦ маныт, но тиде лӱм лугалтмашке конден кертеш, молан манаш гын олаште ТЭЦ-2 деч посна эше ик ТЭЦ уло — Йошкар-Оласе ТЭЦ-1.
ТЭЦ-2 — перестройко деч варасе жапыште чоҥымо икмыняр электростанций гыч иктыже.
Станцийын пашажым 240 еҥ утла шукта[1].
Тӱҥ паша лектышан показатель-влак
2013 ий мучашлан станцийын палемдыме электрический куатше 195 МВт лийын (Марий Эл Республикысе электростанций-влакын чумыр палемдыме куатыштын 79,1%-ше[2]), палемдыме шокшылык куатше — 660 Гкал/шагат. Станцийыште 80 да 115 МВт куатан кок паровой турбине, кок энергетике под, вӱдым ырыктыше кум под улыт. Шокшылык нагрузко утларакшым пашам ыштен пытарыше пар дене шукталтеш. Вӱдым ырыктыше под-влак пеш чот ойыртемалтше, кӱлеш годым гына пашаш ушалтыт — туткар лекме годым але уремысе юж температур чот иземме годым шокшым эн шуко пуымо пашам ситараш манын.
| Показатель[3][2][4] | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 |
|---|---|---|---|---|---|---|---|---|---|---|---|
| Электроэнергийым ыштен лукмаш, млн кВт⋅шагат | 915,1 | 969,9 | 1 109,0 | 1 016,4 | 1 025,1 | 1 025,3 | 855,7 | 917,9 | 867,1 | 756,1 | 734,7 |
| Шокшым колтымаш, тӱжем Гкал | 902,6 | 999,7 | 960,2 | 902,2 | 862,9 | 910,0 | 977,0 | 981,0 | 866,0 | 920,6 |
Историй
1977 ий 20 майыште СССР-ысе Энергетике да электрификаций министерстве Киев оласе «ВНИПИэнергопром» институтын Украине пӧлкажлан Йошкар-Оласе ТЭЦ-ын технический проектшым ямдылаш 8-530 №-ан пашам пуэн. 1978 ий 16 июньышто СССР Минэнергон кӱштыкшӧ дене Йошкар-Оласе ТЭЦ-ын технический проектшым пеҥгыдемдыме, а вич ий гыч, 1983 ий декабрьыште вӱдым ырыктыше икымше подым пашаш колтымо деч вара, СССР Минэнергон 1984 ий 2 мартысе 65 №-ан приказше дене у предприятийым — Йошкар-Оласе ТЭЦ-ым — ыштыме.
1984 ий декабрьыште вӱдым ырыктыше кокымшо подым пашаш колтымо. 1990 ийыште вӱдым ырыктыше кумшо подым пашаш колтымо. Элысе экономике ситуацийлан кӧра генерироватлыше куатым чоҥымаш паша шуйналтын. Тиде йодышым тӧрлатымаште ончык кайыме семын 1993 ий октябрьыште «ЕЭС России» РАО дене станцийым пырля чоҥымо нерген ойпидышым пеҥгыдемдымаш лийын. «ЕЭС России» РАО ден «Мариэнерго» ОАО-н (а чынжым Марий Эл Республик вел гыч) чоҥымо пашалан оксам пырля ойырымаш 1994 ий 30 июньышто Ленинградысе металлургий заводышто ыштыме 100 мегаватт куатан ПТ-80/100-130/13 маркан турбине дене икымше энергоблокым пашаш колташ йӧным пуэн.
1999 ий 16 декабрьыште ТМЗ-ште ыштыме 115 МВт куатан Тп-115/125-130-1 маркан турбине дене кокымшо энергоблокым пашаш колтымо. Тиде энергоблокыш шындыме оборудований тудо жапыште моткочак ойыртемалтшылан шотлалтын: тыгай конструкциян паровой турбине ден турбогенераторым ыштыше завод улыжат кум экземплярым гына луктын, нунын кокла гыч иктыжым Марий Элыште шындыме. Кокымшо блокым пашаш колтымашке Марий Элыш «ЕЭС России» РАО-м вуйлатыше Анатолий Чубайс толын, тудо визит годым марий энергетикын кугу сеҥымашыжым палемден[5].
2005 ий 1 январьыште Йошкар-Оласе ТЭЦ-2 «Мариэнерго» ОАО-н структурыж гыч лектын. 2005 ий 1 июльышто Йошкар-Оласе ТЭЦ-2 Марий филиал семын Удмуртий, Марий Эл, Чуваший да Киров областьысе генерироватлыше куатым ушышо «ТГК-5» ОАО-шко пурен. 2009 ий 1 январь гыч Чуваший ден Марий Эл Республикылаште верланыше ТГК-5 электростанций-влакым «Комплексные энергетические системы» ЗАО-н «Генерация Урала» дивизионын кылдыш филиалышкыже ушымо.
Тӱҥ оборудований-влак списке
| Агрегат | Тӱрлылык | Ыштыше | Чот | Пашаш колтымаш | Тӱҥ характеристике-влак | Источник-влак | |
|---|---|---|---|---|---|---|---|
| Параметр | Значений | ||||||
| Паровой турбинан установко-влакын оборудованийышт | |||||||
| Паровой под | ТПЕ-430А | — | 2 | 1994 ий 1999 ий |
Топливо | газ | [6] |
| Ыштен лукмаш | 500 т/шагат | ||||||
| Парын параметрже | 140 кгс/см2, 560 °С | ||||||
| Паровой турбине | ПТ-80/100-130/13 | — | 1 | 1994 ий | Палемдыме куат | 80 МВт | [6] |
| Шокшылык нагрузко | — Гкал/шагат | ||||||
| Паровой турбине | Тп-115/125-130-1 | — | 1 | 1999 ий | Палемдыме куат | 115 МВт | [6] |
| Шокшылык нагрузко | — Гкал/шагат | ||||||
| Вӱдым ырыктыше оборудований | |||||||
| Вӱдым ырыктыше под | КВГМ-100/150 | — | 3 | 1983 ий 1984 ий 1990 ий |
Топливо | газ | [6] |
| Ыштен лукмаш | 100 Гкал/шагат | ||||||
Палемдымаш
- ↑ КЭC-Холдинг: Новости компаний. web.archive.org. Тергыме кече: 16 шорыкйол 2026.
- ↑ 1 2 Программа перспективного развития электроэнергетики в Республике Марий Эл на 2015—2019 годы, утверждённая постановлением Правительства Республики Марий Эл от 30 апреля 2014 г. № 208
- ↑ КЭС Холдинг. Годовые отчеты | ТГК-5 (руш.). ТГК-5. Тергыме кече: 16 шорыкйол 2026.
- ↑ Основные показатели | ТГК-5 (руш.). ТГК-5. Тергыме кече: 16 шорыкйол 2026.
- ↑ КЭC-Холдинг: Публикации о компании. web.archive.org. Тергыме кече: 16 шорыкйол 2026.
- ↑ 1 2 3 4 Схема теплоснабжения городского округа «Город Йошкар-Ола» до 2027 года. Информационный портал города Йошкар-Олы. Тергыме кече: 16 шорыкйол 2026. Архивлыме 5 теле 2018 ий.