Инвалид еҥ-влакын тӱнямбал кечышт

Инвалид тисте инвалид-влаклан правам пуэн

Инвалид еҥ-влакын тӱнямбал кечышт ( ООН-ын моло официал йылмыла дене: англ. International Day of Disabled Persons, араб. اليوم الدولي للأشخاص ذوي الإعاقة, ‎исп. Día Internacional de las Personas con Discapacidad, кит. 世界残疾人日, фр. Journée internationale des personnes handicapées ) — Генеральный Ассамблей 1992 ийыште 47-ше сессийыштыже (A/RES/47/3 № резолюций) 3 декабрьыште пайремлаш палемден. Генеральный Ассамблей чыла кугыжанышым да тӱнямбал организаций-влакым тиде кечым эртараш, пырля пашам ышташ ӱжын.

Варарак, тудо сессийыштак, A/RES/47/88 № резолюцийыште Генерал Ассамблей ООН-ышто улшо чыла кугыжаныш-влакым Инвалид-влакын тӱнямбал кечыштым инвалид-влакым мер илышышке интегрироватыме шонымаш дене эртараш ӱжын.

Инвалид еҥ-влакын тӱнямбал кечыштын темыже-влак

1998 — «Сымыктыш, тӱвыра да эрыкан илыш-йӱла»
1999 — «У тӱжем ийыште чылаштлан пайдаланаш»
2000 — «Информаций технологийым ыштымаш, чылаштлан паша»
2001 — «Тӱрыснек ушнаш да иктӧрлык: прогрессым аклымаште у йодыш да лектышым аклымаш»
2002 — «Шкесемын илымаш да ӱшанле пашадар»
2003 — «Мемнан шкенан йӱкна»
2004 — «Мемнан нерген мемнан деч посна огыл»
2005 — «Инвалидын праваже: вияҥмаште паша»
2006 — «Электрон йӧн дене пайдаланымаш»
2007 — «Инвалид-влаклан шотан паша»
2008 — «Инвалид-влакын правашт нерген Конвенций: лӱмым аралымаш да чынлык»
2009 — «Тӱжемийлан декларацийын чылаштлан келшен толшо цельжым илышыш пуртымаш: тӱнямбалсе инвалид ден общинын праваштым да илен кертме йӧныштым кумдаҥдымаш»
2014 — «Пеҥгыдын вияҥмаш: технологийын куатше»
2015 — «Келшымашын кӱлешлыкше: тӱрлӧ йӧн дене илыше еҥ-влакын праваштым кумдаҥдымаш»
2017 — «Чылаланат икшырымын пеҥгыдын илаш йӧным ыштымаш»
2018 — «Инвалид-влакын йӧныштым кумдаҥдымаш да инклюзивность ден тӧрлыкым шарымаш»
2019 — «Инвалид-влаклан мер илышыште чолган тыршаш йӧным ыштымаш — 2030 ий марте икшырымын вияҥме шотышто кечаш пашам илышыш шыҥдарымаш»
2020 — «Пандемий деч вара инклюзив да ӱшанле тӱняшке кайыме корнышто, инвалид-влакын йодмашыштым шотыш налын»
2021 — «Инвалид-влаклан мер илышыште чолган тыршаш йӧным ыштымаш — 2030 ий марте икшырымын вияҥме шотышто кечаш пашам илышыш шыҥдарымаш»

Тыгак ончо

Кылвер-влак