Илларионова, Галина Александровна
| Галина Александровна Илларионова | |
|---|---|
 | |
| Шочмо кече | 1950 ий 10 сӱрем (76 ий) |
| Шочмо вер | Пӧртылга, Морко район, Марий АССР, РСФСР, СССР |
| Гражданстве |
 СССР →  Россий |
| Профессий | курчакым модыктышо артист |
| Усталык жап | 1969—2005 |
| Амплуа | курчакым модыктышо |
| Театр | Республикысе курчак театр |
| Суаптар |
Марий Эл Республикын калык артистше(1992) Марий АССР-ын сулло артисткыже (1979) |
Галина Александровна Илларионова (шоч. 10 сӱрем 1950, Пӧчерга, Марий Автоном Совет Социализм Республик) — совет да российысе театр актриса. Курчакым модыктышо артист, Республикысе курчак театрыште (Йошкар-Ола) режиссёрын полышкалышыже (1969―2005). Марий АССР-ын сулло артисткыже (1979). Марий Эл Республикын калык артисткыже (1992).
Илыш корныжо
1950 ий 10 июльышто Марий АССР-ысе Морко кундем Пӧртылга ялыште шочын[1][2][3].
1969 ийыште Угарманысе театр училищым тунем пытарен[1][2].
1969―1979 ийлаште — актриса, 1979―2005 ийлаште — Йошкар-Оласе Республикысе курчак театрыште режиссёрын полышкалышыже[1][2][4][5][6].
Театр паша
Марий Эл Республикысе курчак театрыште 70 утла рольым модын. Курчак театрыште чӱчкыдын рвезе-влакын рольыштым модын: Фёдор коча, Мальчиш-Кибальчиш, Чиполлино, Буратино. Тидын годымак актриса кова да моло персонаж-влакын рольыштым устан чоҥен. Тудын репертуарыштыже — «Йогывай» спектакльыште Пиригын рольжо, «Канде пеледыш» спектакльыште Витя рвезын, «Кече да лумъеҥ-влак» спектакльыште Лумъеҥын, «Дамай сонарзын приключенийлаштыже» Дамайын оръеҥжын, «Принцесса да сӧснам ашнаше» спектакльыште кован, «Ший кӱч» спектакльыште Пире аван, «Колышо кугыжавате нерген йомакыште» Кугыжаватын рольжо да т.м. Ик эн устан модмо роль-влак гыч иктыже — марий драматургийын классикше М. Шкетанын ойлымашыж-влак почеш кугыеҥ-влаклан шындыме «Ораде каче» спектакльыште кантон исполком инструкторын рольжо[5].
Актёр паша дене пырля театрлан самырык артист-влакым ямдылыме пашам вӱден[5].
Чаплӱмжӧ
- Марий АССР-ын сулло артисткыже (1979)[1][2]
- Марий Эл Республикын калык артисткыже (1992 ий 11 ноябрьыште)[1][2] — театр сымыктышым вияҥдымаште посна суапшылан да кӱкшӧ мастарлыкым ончыктымыжлан[6]
Палемдымаш
- ↑ 1 2 3 4 5 Мочаев, 2017, с. 176.
- ↑ 1 2 3 4 5 Энциклопедия Республики Марий Эл, 2009, с. 394.
- ↑ Информационный ресурс Республики Марий Эл "12rus.ru" :: Моркинский район. www.12rus.ru. Тергыме кече: 19 пургыж 2025.
- ↑ Республиканский театр кукол — Министерство культуры, печати и по делам национальностей Республики Марий Эл (руш.). Тергыме кече: 19 пургыж 2025.
- ↑ 1 2 3 Илларионова Галина Александровна – Театральные архивы России и русского зарубежья. theatre-museum.ru. Тергыме кече: 19 пургыж 2025.
- ↑ 1 2 Илларионова Галина Александровна (руш.). Марийская история в лицах. Тергыме кече: 19 пургыж 2025.
Литератур
- Терехова А. В. Илларионова Галина Александровна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 151. — 2032 экз. — ISBN 5-87898-357-0.
- Илларионова Галина Александровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 394. — 872 с. — 3505 экз. — ISBN 978-5-94950-049-1.
- Терехова А. В. Илларионова Галина Александровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 176. — 606 с. — 1500 экз. — ISBN 978-5-905314-35-3.
- Илларионова Галина Александровна // Энциклопедия театров Марий Эл: иллюстрированное научно-популярное издание. ― Йошкар-Ола, 2019. — С. 128. — ISBN 978-5-6043759-4-5.