Иванов, Геннадий Сергеевич
| Геннадий Сергеевич Иванов | ||
|---|---|---|
 | ||
| Шочмо кече | 11 кылме 1940 (85 ий) | |
| Шочмо вер |
|
|
| Эл | ||
| Паша вер | Москосо авиаций институт, Н. Э. Бауман лӱмеш МГТУ | |
| Шанче степень | технике шанче доктор | |
| Шанче званий | профессор | |
| Награде ден премий-влак |
|
|
Геннадий Сергеевич Иванов (шоч. 11 кылме 1940, Санарпоси[d], Чуваш АССР) — совет да российысе шанчызе, технике шанче доктор, профессор.
Илыш корныжо
1940 ий 11 ноябрьыште Чуваш АССР-ысе Санарпоси ялеш шочын.
1962 ийыште Йошкар-Оласе Юл кундемысе чодыра технике институтым (ПЛТИ, кызыт Юл кундемысе кугыжаныш технологий университет) тунем лектын. 1962 ий сентябрь гыч 1965 ий марте шочмо вузшын начертательный геометрий да графике кафедрын ассистентшылан пашам ыштен. 1965 гыч 1968 ий марте Москосо чодыра технике институтын (кызыт Н. Э. Бауман лӱмеш МГТУ-н Мытищи филиалже) начертательный геометрий да черчений кафедрыштыже аспирантурышто тунемын. 1969 ий сентябрь гыч 1980 ий марте Геннадий Иванов Москосо авиаций институтышто (МАИ) прикладной геометрий кафедрын доцентшылан пашам ыштен. 1968 ийыште «Прикладная геометрия и инженерная графика» специальность дене кандидатлык диссертацийым арален. Тиде специальность дене 1977 ийыште «Поверхности и кривые расслояемых нелинейных преобразований в начертательной геометрии и технике» теме дене докторлык диссертацийым арален[1]
1980 гыч 2007 ий марте Г. С. Иванов — МАИ-н прикладной геометрий кафедрын профессоржо[2]. 2007 ий февраль гыч Москосо кугыжаныш чодыра университетын начертательный геометрий да черчений кафедрын профессоржылан пашам ышта да тыгодымак тиде ийын апрельже гыч — Н. Э. Бауман лӱмеш МГТУ-н РК-1 «Инженерный графике» кафедрын профессоржо.
Иванов Геннадий Сергеевич — «Нелинейный начертательный геометрий» шанче школым негызлыше. 1 доктор да 35 технике шанче кандидатым ончен куштен. Тыгак шанче-организатор пашам вӱда, прикладной геометрий дене Калык-влак кокласе да Россий кӱкшытан конференцийлам организацийлымаште да эртарымаште участвоватла. Российыште кӱшыл техник образованийым вияҥдыме аланыште пашам ышта, Начертательный геометрий, инженерный да компьютер график дене Шанче-методике каҥашын йыжыҥъеҥже, начертательный геометрий да инженерный графике дене шанче-методике статья-влакын сборникыштын редколлегий йыжыҥъеҥже да редакторжо улеш. «Геометрий да графике» журналын Редакций каҥашыжын йыжыҥъеҥже[3].
Чаплӱм ден суаптар
- Россий Федерацийын сулло шанче пашаеҥже (2006).
Библиографий
200 утла шанче пашан авторжо, тидын коклаште 5 монографий, тыгак вуз-влаклан учебник да тунемме пособий-влак[4].
Палемдымаш
- ↑ Диссертация доктора технических наук. Тергыме кече: 2 теле 2025. Архивлыме 8 кылме 2021 ий.
- ↑ Иванов Геннадий Сергеевич. Тергыме кече: 2 теле 2025. Архивлыме 8 кылме 2021 ий.
- ↑ Иванов Геннадий Сергеевич. Тергыме кече: 2 теле 2025. Архивлыме 8 кылме 2021 ий.
- ↑ Иванов Геннадий Сергеевич - Список публикаций. www.elibrary.ru. Тергыме кече: 2 теле 2025.
Кылвер-влак
 | |
|---|---|
| Библиографий каталоглаште |
|
