Ешын тӱнямбал кечыже
| Ешын тӱнямбал кечыже | |
|---|---|
 | |
| Ыҥ | Пайрем уло тӱнясе еш-влакын проблемыштлан тӱткышым ойырымо шонымаш дене ышталтын. |
| Ышталтын | 1993 ий 20 сентябрь (A/REC/47/237 №-ан резолюций) |
| Ыштыше | ООН-ын Генерал Ассамблейже |
| Палемдат | Тӱня мучко |
| Кече | 15 ага |
Ешын тӱнямбал кечыже ( ООН-ын моло официал йылмыла дене: англ. International Day of Families, араб. اليوم الدولي للأسر, исп. Día Internacional de las Familias, кит. 国际家庭日, фр. Journée internationale des familles ) — ий еда 1994 ий гыч 15 майыште палемдалтеш. Генерал Ассамблей Ешын тӱнямбал идалыкше нерген пунчалыштыже (1993 ий 20 сентябрьысе A/REC/47/237-ше №-ан резолюцийже) увертарен. Тиде кечым палемдымаш элласе мер калыкын тӱткышыжым еш проблемылан утларак ойыраш шонымаш дене эртаралтеш.
ООН-ын Генеральный секретарьын Ешын тӱнямбал кечыж вашеш идалыкысе теме дене кылдалтше серышыже ий еда савыкталтеш. 2005 ийысе серышыште, мутлан, ВИЧ дене черле еш-влаклан кугу полышыж нерген палемдыме, черле ача-ава-влакым ончышо икшыве-шамылан полышым пуымо нерген каласыме.
Йӱла
Ешын тӱнямбал кечыжлан посна теме ойыралтеш:
- 2022 ий — «Еш-влак да урбанизаций»
- 2021 ий — «Еш да у технологий»
- 2020 ий — «Вияҥше еш-влак: Копенгаген ден Пекин +25»
- 2019 ий — «Еш-влак да игече весемме дене кучедалмаш»
- 2018 ий — «Еш да инклюзив ушем»
- 2017 ий — «Еш, тунеммаш да суаплык»[1]
- 2016 ий — «Еш, таза илыш-йӱла да ӱшанле ончыкылык»
- 2015 ий — «Пӧръеҥ-влак вуйын шогат? Гендер иктӧрлык, кызытсе ешыште йоча-влакын правашт»
- 2014 ий — «Вияҥме цельыш шумаште еш-влакын верышт; Ешын тӱнямбал идалыкше +20 ий»
- 2013 ий — «Тукым-влакым социал интеграций ден татулыклан кумылаҥдымаш»
- 2012 ий — «Паша ден ешыште порысым шуктымаште иктӧрлык, еш да мер илышын суапше верч»
- 2011 ий — «Нужна еш ден социал изоляцийын йодышыжым тӧрлымаш»
- 2010 ий — «Пӱтынь тӱняште миграций — ешлан»
- 2009 ий — «Ава ден еш-влак: вашталтышан тӱнян азапше»
- 2008 ий — «Ача ден еш: порыс да азап»
- 2007 ий — «Еш ден инвалид-влак»
- 2006 ий — «Вашталтше еш-влак: азап да йӧн»
- 2005 ий — «ВИЧ ден СПИД-ын еш порылыклан влиянийже»
- 2004 ий — «Ешын тӱнямбал идалыкшылан лу ий: ыштышаш паша программе»
- 2003 ий — «Ешын тӱнямбал идалыкшылан 10 ий темме лӱмгечылан ямдылалтмаш да пайремлымаш»
- 2002 ий — «Еш да шоҥгылык — йӧн да ыштышаш паша»
- 2001 ий — «Еш да шке кумылын ыштыме паша: иктеш лиймым пеҥгыдемдымаш»
- 2000 ий — «Еш-влак: субъект ден бенифициарийым вияҥдымаш»
- 1999 ий — «Чыла ийготан еҥ-влаклан еш»
- 1998 ий — «Еш-влак: айдемын праважым шуктымаш да пропаганде»
- 1997 ий — «Партнёр йӧн дене ешым ыштымаш»
- 1996 ий — «Еш-влак — нужналык да суртдымо-влакын икымше жертвышт»
- 1995 ий — «Еш-влак: этносоперник лийын кертме лӱдыкшым кораҥдаш да чыташ кумылаҥдаш сравоч»
- 1994 ий — «Айдеме вияҥме процессыште ешын тӱҥ рольжо»
Тыгак ончо
Палемдымаш
- ↑ Международный день семей (15 мая) (руш.). www.un.org. Тергыме кече: 15 ага 2016. Архивлыме 3 пеледыш 2016 ий.