Ефремова, Ирина Петровна

РУВИКИ — эрыкан энциклопедий гыч материал
Ирина Петровна Ефремова
Ирина Петровна Ефремова (Моторова).jpg
Тӱҥ увер
Тичмаш лӱм
Шочмо кече 21 пеледыш 1968(1968-06-21) (58 ий)
Шочмо вер
Эл  СССР →  Россий
Профессий филармонийын солисткыже, вокалистке
Ыштыме жап 1987 — кызыт марте
Жанр руш калык муро, эстраде муро, фолк
Коллектив «Наигрыш» калык семӱзгар ансамбль, Ирина Ефремован «Раздолье» усталык рӱдерже
Награде

Ирина Петровна Ефремова (Моторова) (шоч. 21 пеледыш 1968, Йошкар-Ола, Марий Автоном Совет Социализм Республик, РСФСР[d], СССР) — россий мурызо, руш калык муро-влакым йоҥгалтарыше да чапландарыше, семым туныктышо. Я. Эшпай лӱмеш Марий филармонийын солисткыже (1998 ий гыч). Марий Эл Республикын калык артистше (2015). Марий Эл Республикын сулло артистше (2002).

Илыш корныжо

1968 ий 21 июньышто Йошкар-Олаште шочын[1].

Музык школын баян классшым, а 1987 ийыште — И.С. Палантай лӱмеш Йошкар-Оласе сем училищым тунем пытарен[1].

10 ий жапыште «Русские узоры» йоча фольклор тӱшкам вуйлатен. Музыкант да солист семын М. Калинин лӱмеш Тӱвыра полат пеленсе (кызыт — Йошкар-Оласе Самырыктукым полат) «Наигрыш» калык семӱзгар ансамбльыште шуаралтын[1].

Гнесинмыт лӱмеш кугыжаныш музыко-педагогике институтыш тунемаш пурен, но еш амаллан кӧра, Йошкар-Олаш пӧртылын. Сарзылан марлан лектын, эргым ыштен, икмыняр жаплан Йошкар-Ола гыч каен[1].

Марий рӱдолаш пӧртылмеке, 1998 ий гыч Я. Эшпай лӱмеш Марий филармонийын солисткыже лийын[1].

2004 ий гыч — «Ирина Ефремован "Раздолье" усталык рӱдерже» АНО-н вуйлатышыже[1].

Икмыняр жап Йошкар-Олаште И. Ефремован Муро театржым вуйлатен.

Кызыт Йошкар-Олаште ила да пашам ышта.

Сем паша

Музыко училищыште тунемме ийлаште шуко кундемласе конкурслаште вийжым терген, ик гана веле огыл лауреат лийын[2].

Я. Эшпай лӱмеш Марий филармонийыште ыштыме жапыште руш калык муро  (руш.) (мар. концерт программе-влакым калыклан ончыктен: «Степь да степь кругом», «Белым снегом», «Под окном черёмуха колышется» да молат. Тудо жап гыч Москошто да Российын моло олалаштыже, Марий Элын район да олалаштыже мурен да кызытат мура[2][3].

Тыгак музыко шинчымашым пуа, йоча-влакым мураш туныкта[4]. «Славянские напевы» (Йошкар-Ола) кундемла-влак кокласе славян муро конкурсын жюри йыжъеҥже улеш[5].

Таче мурызын репертуарыштыже кызытсе жаплан келшыше аранжировкан муро-влак, фолк-стильысе композиций-влак, моло мурызо дене пырля (дуэт дене) йоҥгалтарыме муро-влак йоҥгат. Мурыжын ик соавторжо — композитор, Марий Эл Республик тӱвыран сулло пашаеҥже Л. Алексеева[2].

2023 ий майыште «Россия-1» телеканалыште Андрей Малаховын «Песни от всей души» программыштыже мурен, тушто мучашлан «Мы будем вместе» мурым йоҥгалтарен[6][7].

2002 ийыште тудлан «Марий Эл Республикын сулло артистше» лӱмым, а 2015 ийыште — «Марий Эл Республикын калык артистше» чаплӱмым пуымо. Тӱрлӧ кӱкшытан медаль да чаптанык дене палемдалтын[1][2].

Чаплӱм да суаптар

Палемдымаш

  1. ↑ 1 2 3 4 5 6 7 8 9 Мочаев, 2017, с. 144.
  2. ↑ 1 2 3 4 5 6 Народная артистка РМЭ Ирина Ефремова: «Русская песня не имеет национальности!» www.marpravda.ru. Тергыме кече: 18 пургыж 2026. Архивлыме 31 ага 2024 ий.
  3. ↑ Ирина Ефремова (руш.). МариМедиа (18 пургыж 2026). Тергыме кече: 18 пургыж 2026. Архивлыме 31 ага 2024 ий.
  4. ↑ Отчет по "Славянским напевам 2016" - 14 Апреля 2016 - Республиканский центр русской культуры - официальный сайт. centruskult.ru. Тергыме кече: 18 пургыж 2026. Архивлыме 31 ага 2024 ий.
  5. ↑ Отчет о проведении V Межрегионального конкурса славянской песни «Славянские напевы» - 23 Апреля 2018 - Республиканский центр русской культуры - официальный сайт. centruskult.ru. Тергыме кече: 18 пургыж 2026. Архивлыме 31 ага 2024 ий.
  6. ↑ Народная артистка Марий Эл Ирина Ефремова стала участницей программы Андрея Малахова. www.marpravda.ru. Тергыме кече: 18 пургыж 2026. Архивлыме 31 ага 2024 ий.
  7. ↑ Народная артистка Марий Эл выступила в программе Андрея Малахова «Песни от всей души» (неопр.). Новости Марий Эл - Новости Йошкар-Олы - ГТРК «Марий Эл» (4 пеледыш 2023). Тергыме кече: 18 пургыж 2026. Архивлыме 4 пеледыш 2023 ий.

Литератур

  • Мочаев В. А. Ефремова (Моторова) Ирина Петровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 144. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Ефремова,_Ирина_Петровна&oldid=1232710" гыч налме