Егоров, Валериан Александрович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Егоров.
Валериан Александрович Егоров
Валериан Александрович Егоров.jpg
Шочмо кече 1954 ий 10 шыжа(1954-10-10) (70 ий)
Шочмо вер Ярамарий, Юлсер кундем, Марий АССР, РСФСР, СССР
Гражданлык  СССР →  Россий
Паша сомыл юрист, преподаватель, общественный деятель
Награде да премий
«Чумыр Российысе калыкым возен шотлымо пашам эртарымаште суаплан» медаль «СССР Сарзе Вийлан 70 ий» лӱмгече медаль I степенян «Шылталаш лийдыме службылан» медаль II степенян «Шылталаш лийдыме службылан» медаль «Шылталаш лийдыме службылан» III степенян медаль
Россий Федерацийысе кӱшыл школын сулло пашаеҥже
медаль «200 лет МВД России»

Валериан Александрович Егоров (шоч. 1954 ий 10 октябрь, Ярамарий ял, Марий АССР) — совет да российысе юрист, туныктышо, кугыжаныш да мер пашаеҥ. Н. К. Крупская лӱмеш Марий кугыжаныш педагогике институтын ректоржо (2003—2008). Марий кугыжаныш университетысе права кафедрын вуйлатышыже, юридический шанче кандидат; Юлтех кугыжаныш университетын профессоржо (2013 ий гыч). Марий Эл Республикысе икымше Тӱҥ федерал инспектор (2000―2003), Россий Федерацийын 3 классан чынле кугыжаныш ойпуышыжо.

Илыш корныжо

[тӧрлаташ | вики-текстым тӧрлаташ]

1954 ий 10 октябрьыште кызытсе Марий Эл Волжский районысо Ярамарий ялыште[1] шуко шочшан ешыште шочын[2][3].

Кыдалаш школым тунем пытарымеке, армийыш кайыме марте Марий целлюлоз-кагаз комбинатыште машинистын тунемшыжлан пашам ыштен[4].

Совет армийысе салтак службым совет-китай чекыште погран войскаште погран заставысе пӧлкан командирже семын эртен[4].

1975―1980 ийлаште ― Волжск оласе электромеханике заводышто радиоаппаратурын ругулировщикше[4].

1980 ийыште СССР КГБ-н Кӱшыл школжым тунем лектын[2][3].

1980 ий гыч ― Туркмен ССР КГБ-ын следовательже, оперуполномоченныйже, кугурак оперуполномоченныйже, 1986 ий гыч ― Марий АССР КГБ-ште поснак кӱлешан паша шотышто кугурак следователь[2][3]: политике шот дене репрессироватлыме да кулак семын шалтыл пытарыме гражданин-влакын чын лӱмыштым пӧртылтымӧ (реабилитироватлыме) пашам вуйлатен[4].

1992 ий гыч ― Марий Элысе налог полиций Федерал службын Виктем вуйлатышын алмаштышыже. Тудо ийыштак Россий ФСБ-н академийжым тунем пытарен[5][3].

1997―1998 ийлаште ― права кафедрын вуйлатышыже, Марий кугыжаныш университетысе юридический факультетын туныктышыжо[4].

1998 ий гыч ― Марий Элыште Российысе Кӱшыл суд пеленысе Суд департамент Виктем вуйлатыше[2][3].

1998―1999 ийлаште ― Москосо почылтшо социал университетын Марий филиалыштыже юридический факультетысе права кафедрын вуйлатышыже[4].

2000―2003 ийлаште ― Марий Эл Республикын тӱҥ федерал инспекторжо. Россий Федерацийын 3 классан чынле кугыжаныш ойпуышыжо (ФСБ-ын генерал-майоржо)[2][3][6].

2003―2008 ийлаште ― Н. К. Крупская лӱмеш Марий кугыжаныш педагогике институтын ректоржо[2][3], 2006―2007 ийлаште — тиде институтын гуманитар факультетысе историй да права кафедрын вуйлатышыже[4].

Институтым Марий кугыжаныш университетыш ушен пужен-чоҥымо деч вара, 2008 ийыште, Марий Элысе Нотариал палатын пашам виктарышыжлан шогалтыме[4].

2008―2011 ийлаште ― Озаҥыште права келшымаш шотышто (медиаций) Юл кундем рӱдерын вуйлатышыже[2]. РФ образований да шанче министерствын эксперт пашажым шуктен[4].

2011―2013 ийлаште ― Марий Элыште Москосо кугыжаныш виктарымаш да права институтын граждан-права дисциплине кафедрын вуйлатышыже[2][4].

2013 ий гыч ― Юлтех кугыжаныш университетын виктарымаш да права кафедрын профессоржо[2][4].

2017 ийыште Марий Эл Республикысе Конституций судын судьяжлан сайлалтын[2][7].

Тӱрлӧ кӱкшытан оҥпале да медаль-влак дене суапландаралтын[2].

Кугыжаныш да шанче-туныктыш пашаже

[тӧрлаташ | вики-текстым тӧрлаташ]

1998 ийыште «Налог преступлений да тудым ончылгоч палемдымаш» темылан кандидат диссертацийым арален, юридический шанче кандидат (1999)[5][3].

Тудо Марий Эл Республикын Тӱҥ федерал инспектор аппарат пелен мер вашлиймаш верым (приёмный), Стратегий планирований рӱдерым, Федерал орган-влакын увер рӱдержым да Увер лӱдыкшыдымылыкын шанче-метод рӱдержым почын, нуно тачат пашам ыштат[4].

Тудын темлымыж дене тӱнямбал проект-влак илышыш шыҥдаралтыныт: марий телевиденийыште «Калыкын йӱкшӧ — юмын йӱкшӧ» права интерактив шотышто видеоканалым ыштыме, Юридический клинике да Юл кундем федерал округын коммерцийдыме Тӱшка Увер йӧнын редакторжо-влакым ямдылыше кризис ваштареш программе пашам ышташ тӱҥалыныт[4].

Кум ий жап «Марий Эл» ГТРК-ште права шотышто видеоканалын вӱдышыжӧ лийын, РФ ФНС Виктемжын «Совершенно несекретно» савыктышын Марий Эл Республикысе газетыштыже «Юридическое досье» рубрикым вӱден[4].

Кугыжаныш да права, туныктымаш, осал паша да калык лӱдыкшыдымылыкым ыштен шогымо шотышто 30 утла шанче пашан авторжо, нунын коклаште: «Налог преступлений: историй да кызытсе жап» (2001), «Российыште Курым кокласе преступность» (2007), монографий-влак, автор-влак тӱшкаште «Обществознание» (2004) тунемме пособий, тудыжо 2005 ийын «Авторын эн сай книгаже» номинацийыште «Марий Элыште идалыкын эн сай книгаже» республикысе конкурсын номинантше лийын[4].

Тӱҥ шанче паша-влак

[тӧрлаташ | вики-текстым тӧрлаташ]

Умбакыже В. А. Егоровын тӱҥ шанче пашаже-влак ончыкталтыт[8][9][10]:

  • Егоров В. А. Налоговые преступления: история и современность / В. А. Егоров. ― Чебоксары, 2001. ― 189 с.; 20 см; ISBN 5-7677-0547-X.
  • Обществознание: учеб. пособие для учащихся ст. кл. и абитуриентов / В. А. Егоров, А. В. Маслихин, А. К. Рябчиков; М-во образования и науки Рос. Федерации, Федер. агентство по образованию, Мар. гос. пед. ин-т им. Н. К. Крупской. ― Йошкар-Ола, 2004 (ООО Стринг). ― 546 с.: портр., табл.; 21 см; ISBN 5-88448-113-6 (в пер.)
  • Егоров В. А. Преступность в России на рубеже веков: учебное пособие / В. А. Егоров; М-во образования и науки Российской Федерации, Федеральное агентство по образованию, ГОУ ВПО «Марийский гос. пед. ин-т им. Н. К. Крупской», Каф. истории и права. ― Йошкар-Ола: МГПИ им. Н. К. Крупской, 2007. ― 127 с.: ил., табл.; 20 см; ISBN 978-5-88448-256-2.

Суаптар-влак

[тӧрлаташ | вики-текстым тӧрлаташ]
  • РФ кӱшыл школын Почётан пашаеҥже[4]
  • РФ-ысе самырык-влакын политике аланыште пагалыме пашаеҥже[4]
  • II степенян «Чекысе вий-влакын отличникше» оҥпале[4]
  • «Россий ФСБ-н Следственный виктемлан 80 ий» оҥпале[4]
  • I степенян «Сайын служымылан» медаль[4]
  • II степенян «Сайын служымылан» медаль[4]
  • III степенян «Сайын служымылан» медаль[4]
  • «Афганистан гыч совет войска-влакым лукмылан 15 ий» медаль[4]
  • «СССР Сарзе Вийлан 70 ий» медаль[4]
  • «Россий МВД-лан 200 ий» медаль[4]
  • «Россий юстиций министерствылан 200 ий» медаль[4]
  • «Россий профсоюз-влаклан 100 ий» медаль[4]
  • «ОСОАВИАХИМ-РОСТО-лан 75 ий» лӱмгече медаль[4]
  • «М. А. Шолоховын 100 ий теммыжлан» лӱмгече медаль[4]
  • «Российысе калыкын чотшым щотлымаште тыршымылан» медаль (2002)[4]
  • «Российысе ялозанлык шотлымашым эртарымыште тыршымылан» медаль (2006)[4]

Палемдымаш

[тӧрлаташ | вики-текстым тӧрлаташ]
  1. ↑ Ярамор (Ярамарий) | Родная Вятка. rodnaya-vyatka.ru. Дата обращения: 15 сорла 2024.
  2. ↑ 1 2 3 4 5 6 7 8 9 10 11 Мочаев, 2017, с. 133.
  3. ↑ 1 2 3 4 5 6 7 8 Энциклопедия Республики Марий Эл, 2009, с. 349.
  4. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 ЕГОРОВ Валериан Александрович (неопр.). Марийская история в лицах. Дата обращения: 15 сорла 2024.
  5. ↑ 1 2 Мочаев, 2017, с. 129.
  6. ↑ "У меня никогда не было стремления к карьере". Интервью бывшего главного федерального инспектора по Марий Эл Валериана Егорова. "У меня никогда не было стремления к карьере". Интервью бывшего главного федерального инспектора по Марий Эл Валериана Егорова. Дата обращения: 15 сорла 2024.
  7. ↑ Валериан Егоров может стать судьей Конституционного суда Марий Эл (неопр.). MariUver (18 сӱрем 2017). Дата обращения: 15 сорла 2024.
  8. ↑ Валериан Анатольевич Егоров. Налоговые преступления: история и современность. — Чебоксары, 2001. — 189 с. — ISBN 978-5-7677-0547-4.
  9. ↑ Валериан Александрович Егоров. Преступность в России на рубеже веков: учебное пособие. — Йошкар-Ола: МГПИ им. Н. К. Крупской, 2007. — 127 с. — ISBN 978-5-88448-256-2.
  10. ↑ Валериан Александрович Егоров, Александр Витальевич Маслихин, Александр Кириллович Рябчиков. Обществознание: учеб. пособие для учащихся ст. кл. и абитуриентов. — Йошкар-Ола, 2004. — 546 с. — ISBN 978-5-88448-113-8.

Литератур

[тӧрлаташ | вики-текстым тӧрлаташ]
  • Егоров Валериан Александрович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 173. — 2000 экз. — ISBN 5-87898-197-1.
  • Мочаев В. А. Егоров Валериан Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 116. — 2032 экз. — ISBN 5-87898-357-0.
  • Егоров Валериан Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 349. — 872 с. — 3505 экз. — ISBN 978-5-94950-049-1.
  • Рыбакова Т. Л., Мочаев В. А., Иваков А. В. Егоров Валериан Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 133. — 606 с. — 1500 экз. — ISBN 978-5-905314-35-3.

Кылвер-влак

[тӧрлаташ | вики-текстым тӧрлаташ]
"https://mhr.ruwiki.ru/w/index.php?title=Егоров,_Валериан_Александрович&oldid=657886" гыч налме