Гусев, Геннадий Петрович
| Геннадий Петрович Гусев | |
|---|---|
 | |
| Шочмо кече | 1947 ий 2 кылме (77 ий) |
| Шочмо вер | Медведево ял, Чебаркуль район, Челябинск область, РСФСР, СССР |
| Гражданлык |
 СССР →  Россий |
| Паша сомыл |
хореограф, балетмейстер, туныктышо |
| Награде да премий |
|
Геннадий Петрович Гусев (1947 ий 2 октябрь, Медведево ял, Чебаркуль вел, Челябинск кундем, РСФСР, СССР) — совет да россий балетмейстер, туныктышо. «Марий Эл» мурышо да куштышо кугыжаныш ансамбльын хореографше (1972—1993). Москосо тӱвыра да сымыктыш кугыжаныш университетын профессоржо (2005 ий гыч). РСФСР сымыктышын сулло пашаеҥже (1990). Марий АССР сымыктышын сулло пашаеҥже (1980).
Илыш корныжо
1947 ий 2 октябрьыште Челябинск кундем Чебаркуль вел Медведево ялыште шочын[1].
1965 ийыште Челябинскысе культпросветучилищым[2], 1970 ийыште — Москосо тӱвыра институтым тунем пытарен[1].
1972—1993 ийлаште — «Марий Эл» мурышо да куштышо кугыжаныш ансамбльын хореографше[1].
1993 ий гыч — доцент, 2005 ий гыч — Москосо кугыжаныш тӱвыра да сымыктыш университетын калык куштымаш кафедрын профессоржо[1].
Моско кундемысе Люберцы оласе Люберецы районысо тӱвыра полатыште йоча куштымаш школын туныктышыжо улеш[3][4].
Хореографий пашаже
Калык куштымашлан туныктымо методике шотышто книга-влакын авторжо улеш[1]. Тудын, ик гана веле огыл савыкталтше, калык куштымашлан туныктымо пособийыштыже, стан воктенсе да зал покшелнысе куштымо йолтошкалтыш-влак да капым модыктымо йӧн-влак ончалтыт. Тӱҥ да кокымшо планан тарванылмаш-влакым (движений) ойырен, автор нуным куштылгылык шот дене радамла. Книгаже калык куштымаште неле технике йӧн-влакын тӱрлӧ улмыжым ужаш полша. Тыште неле технике йолтошкалтыш-влакат (элемент-влак) раш ончыкталтыныт[5].
Куштымо таҥасымаш да фестиваль-влакын жюри йыжъеҥже[6], ты шотыштак йоча да самырык-влаклан «Арт-Поколение» тӱнямбал усталык конкурс-фестивальын аклышыже[7].
1990 ийыште тудлан «РСФСР сымыктышын сулло пашаеҥже» чаплӱмым пуымо[1]. ВЛКСМ премийын лауреатше улеш. Медаль-влак дене суапландаралтын[7].
Пагалымаш
- РСФСР сымыктышын сулло пашаеҥже (26 январь 1990)[1]
- Марий АССР сымыктышын сулло пашаеҥже (1980)[1]
- «Пашан ветеранже» медаль (1985)[7]
- ВЛКСМ премийын лауреатше[7]
Палемдымаш
- ↑ 1 2 3 4 5 6 7 8 Мочаев, 2007, с. 117.
- ↑ Отделение хореографического творчества | ЮУрГИИ. uyrgii.ru. Дата обращения: 29 идым 2024.
- ↑ Педагогический состав | Детская хореографическая школа городского округа Люберцы (неопр.). Дата обращения: 29 идым 2024.
- ↑ Персональный сайт - Главная. lubdanceschool.narod.ru. Дата обращения: 29 идым 2024.
- ↑ Методика преподавания народного танца. Танцевальные движения и комбинации на середине зала : Учеб. пособие для студентов хореограф. фак. вузов культуры и искусств / Г.П. Гусев. — 2004.
- ↑ О проекте. festrussia.ru. Дата обращения: 29 идым 2024.
- ↑ 1 2 3 4 Жюри. xn--80akaligpebhky.xn--p1ai. Дата обращения: 29 идым 2024.
Литератур
- Макарова Н. А. Гусев Геннадий Петрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 102. — 2032 экз. — ISBN 5-87898-357-0.
- Макарова Н. А. Гусев Геннадий Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 117. — 606 с. — 1500 экз. — ISBN 978-5-905314-35-3.