Гуманитар полышын тӱнямбал кечыже
Гуманитар полышын тӱнямбал кечыже ( ООН-ын моло официал йылмыла дене: англ. World Humanitarian Day, араб. اليوم العالمي للعمل الإنساني, исп. Dia Mundial de la Asistencia Humanitaria, кит. 世界人道主义日, фр. la Journee mondiale de l’aide humanitaire ) ООН-ын Генерал Ассамблейже 2008 ий 11 декабрьыште (A/RES/63/139 резолюций) увертарен. 19 августышто палемдалтеш. Тиде кечын 2003 ийыште ООН-ын Багдадысе пачер-штабыштыже пудештмылан кӧра 22 еҥ колен, нунын коклаште ООН-ын лӱмлӧ еҥже Сержиу Виейра Ди Меллу лийын.
Генерал ассамблейысе резолюцийыштыже тыге каласыме:
 |
Гуманитар полышын тӱнямбал кечыже тӱнямбал мер калыкым гуманитар полышын кӱлешлыкше да ты шотышто ваш кутырен келшыме пӱтынь гуманитар полышым шуктен шогышо-влакым, ООН-ын пашаеҥже-влакым, нунын дене кылдалтше моло еҥ-влакым суапландараш. Нуно гуманитар идеалым илышыш шыҥдарымаште поро пашам шуктеныт, шке порысыштым шуктышыла илышыштымат чаманен огытыл…
|
 |
ООН-ын генерал секретарьже Гуманитар полышын тӱнямбал кечыж нерген серышыштыже палемден, «тиде кече нужнан илыше-влак нерген, нунылан полышым пуымо нерген шарныктышаш, тек нуно тиде сулымо полышым налын кертыт».
2009 ийыште икымше гана палемдыме Гуманитар полышын кечыже утарыме годым колышо-влакым шарнымылан пӧлеклалтын.
Ий еда увертарыме теме
- 2009 ий — Гуманитар полышын тӱнямбал кечыжым икымше гана пайремлыме;
- 2010 ий — кокымшо пайрем;
- 2011 ий — «Икте-весылан полшаш»;
- 2012 ий — «Мый тыште лийынам»;
- 2013 ий — «Тӱнялан шукырак кӱлеш»;
- 2014 ий — «Тӱнялан шукырак кӱлеш»;
- 2015 ий — «Тӱнямбал айдеме тукымым кумылаҥден;
- 2016 ий — «Ик айдеме тукым»;
- 2017 ий — «Граждан калык» цельлан ок шотлалт»;
- 2018 ий — «Граждан чурий #NotAMilitaryTarget»;
- 2019 ий — «Ӱдырамаш-влак гуманитар полыш дене" #гуманитар пашаеҥ-влак»;
- 2020 ий — «Чын илышын талешкыже-влак»
- 2021 ий — «Айдеме тукым верч тыршымаш».