Вӱтла-Аҥысе шӱгарла
| Могильник | ||
| Усть-Ветлужский (Юринский) могильник | ||
|---|---|---|
 | ||
| 56°17′49″ с. ш. 46°21′57″ в. д.GЯO | ||
| Эл |
 Россий |
|
| Местоположение | Марий Эл, Юрино район | |
| Статус |
 Россий калыкын тӱвыра югыпого объектше - федерал кӱкшытан. Рег. № 121741308920006 (ЕГРОКН). Объект № 1200000586 (БД Викигида) |
|
|
|
||
 |
||
 РУВИКИ.Медиаште медиафайл-влак | ||
Вӱтла-Аҥысе (Юринысе) шӱгарла (руш. Усть-Ветлужский (Юринский) могильник) — археологий шарныктыш (памятник), той курымысо мланде шӱгарла, сеймысе-турбинысе сынан. Юл эҥерын шола серыштыже, Вӱтла эҥерын Юлыш йоген пурымо верыште, Юрино марий илем воктене верланен. Краевед Евгений Геннадьевич Шалахов 2000 ий шыжым эртарыме археологий кычал погымо пашам шуктымо годым почмо. Икмыняр ужашыже Чебоксарысе вӱдаралымверлан кӧра шаланен.
Шӱгарла кок ужаш гыч шога: Юл эҥерын серыштыже верланыше, Чебоксар вӱдаралымверын абразив вашталтышлан кӧра, икмыняр шаланыше, серысе кумдык; тыгак 2004 ийыште мумо, серысе кумдык деч йӱдвел-эрвелне верланыше, кӱкшакасе шӱгарла, утларак поян ӱзгар-влак дене ойыртемалтеш. Тудым «князь» але «сарзым» тойымо радамыш пуртат.
Кӱнчымӧ годым вӱргене-той да тулгӱ артефакт ӱзгар-влакым мумо (вурс вуян умдо, кельт сынан товар, кӱзӧ-влак, кӱртньым таптен сӱретлыме арвер, кӧргынчаш йӧршӧ кадыр товар, умдывуй-влак, кидшоло да молат). Шӱгарым шымлен лекме почеш иктешлыме: тиде кумдыкыште сеймысе-турбинысе йӱлам кучышо, тыгак абашев-покровысо калык-влак иленыт. Нунын лишыл вашкылышт у синкретике сынан калыкын шочмыжым ончыкта[1].
Палемдымаш
- ↑ Культурные компоненты Усть-Ветлужского могильника (неопр.). КиберЛенинка. Тергыме кече: 24 пеледыш 2025.
Кылвер-влак
- Соловьев Б. С., Шалахов Е. Г. Воинское погребение Юринского могильника // Исследования по древней и средневековой археологии Поволжья. Чебоксары, 2006.
- Шалахов Е. Г. К истории изучения древностей Приветлужья. Молодой ученый. — 2010. — № 1-2. Т. 2. — С. 49-51.
- Соловьев Б. С. Культурные компоненты Усть-Ветлужского могильника. Поволжская Археология. № 2(4). 2013 г.
- Шалахов Е. Г. О кремневых наконечниках Усть-Ветлужского могильника сейминско-турбинского типа. Гуманитарные научные исследования. № 2. 2013 г.
- Шалахов Е. Г. Металлокомплекс могильника Усть-Ветлуга: о неизвестных находках 2001—2002 гг.. Альманах современной науки и образования. Тамбов: Грамота, 2013. № 4 (71). C. 205—207.