Вӱд-куп олмын тӱнямбал кечыже
| Вӱд-куп олмын тӱнямбал кечыже | |
|---|---|
 Соловец отро - Российын «Рамсар угодий» гыч иктыже | |
| Тӱрлылык | экологий |
| Ыҥ | Кӱлешлыкше: вӱдан-купан олмо проблемылан айдемын тӱткышыжым ойыраш |
| Ышталтын | 1997 ийыште |
| Кече | 2 пургыж |
| Кылдалтын | «Рамсар конвенциеш» кидпалым пыштыме дене кылдалтше |
 Медиафайлы на РУВИКИ.Медиа | |
Вӱд-куп олмын тӱнямбал кечыже (англ. World Wetlands Day) - планете мучко ий еда, 2 февральыште палемдалтеш[1].
Историй
«Вӱд да куп олмо-влакын тӱнямбал кечышт» тӱняште 1997 ий гыч палемдалтеш.
Тиде кечым палемдаш жапым тыглай ойырен налме огыл: лач тиде кечын, 1971 ий 2 февральыште, Рамсар иран олаште (Мазендеран провинций) «Вӱд-куп олмо нерген конвенциеш» (англ. Convention on Wetlands) кидпале пышталтын. Тиде документ «Рамсарысе конвенций» лӱм дене утларак палыме. «Вӱдан-купан олмо нерген конвенциеш» тӱнямбал кӱкшытан вӱдан-купан верлам аралаш, тӱҥ шотышто вӱдыштӧ илыше кайык-влакын илыме верыштым) аралаш манын кидпале пышталтын.
2006 ий 18 январьлан тиде конвенцийыш 150 кугыжаныш ушнен. Рамсар конвенцийыш ушнымо ик йӧнжылан тиде шотлалтеш: кугыжаныш шке кумдыкыштыжо кеч ик «Рамсар олмым» почшаш. Тыге, Россий Федерацийын 21 кундемыштыже «Рамсар кумдыклан» 35 вӱдан да купан вер шотлалтеш, нунын кумдыкышт лу миллион утла гектар лиеш.
Тиде тӱнямбал кечым увертарыше-влак, тӱрло пашам шуктен, мер калыкын да эл вуйлатыше-влакын тӱткышыштым вӱд-купышто илыше шулдыран-влакын илышыштым аралыме пашашке виктарат, Мландысе экокышкарыште вӱдан-купан кумдыкын кӱлеш улмыжым шарныктат[2].
Тыгак ончо
- Вӱд поянлыкын тӱнямбал кечыже
- Океан-влакын тӱнямбал кечышт
- Теҥызын тӱнямбал кече
- Йырым-йырысе йырвелын тӱнямбал кечыже
- Вӱд-купан олмо
Палемдымаш
- ↑ Всемирный день водно-болотных угодий — 2 февраля. История и особенности праздника в проекте праздники 2010 год. Дата обращения: 2 пургыж 2010. Архивировано 22 кылме 2009 года.
- ↑ [www.calend.ru/holidays/0/0/1868/ Всемирный день водно-болотных угодий — 2 февраля. История и особенности праздника в проекте Календарь Праздников 2010]
Кылвер-влак
- [www.calend.ru/holidays/0/0/1868/ «Всемирный день водно-болотных угодий» в «Календаре праздников»]
- 2 февраля - Всемирный день водно-болотных угодий (Беларусь)