Океан-влакын тӱнямбал кечышт
| Океан-влакын тӱнямбал кечышт | |
|---|---|
 | |
| Тӱрлылык | Экологий |
| Ыҥ | Океан-влакын проблемыштлан тӱткышым ойыраш. |
| Ышталтын | 2008 ий 12 февральысе A/RES/63/111 №-ан резолюций дене |
| Ыштыше | ООН-ын Генеральный Ассамблейже |
| Палемдат | Тӱнямбал пайрем |
| Кече | 8 июнь |
 РУВИКИ.Медиаште медиафайл-влак | |
Океан-влакын тӱнямбал кечышт (ООН-ын моло официал йылмылаж дене: англ. World Ocean Day, араб. اليوم العالمي للمحيطات, исп. Día Mundial del Océano, кит. 世界海洋日, фр. Journée mondiale de l’océan) — 2009 ий гыч ий еда 8 юньышто палемдалтше экологий дене кылдалтше тӱямбал пайрем.
Пайрем историй
Икымше гана официальнын, кугыжанышын эн кӱшыл кӱкшытыштӧ «Океан-влакын тӱнямбал кечыштым» эртарышаш нерген ой 1992 ийыште Тӱнямбал саммитыште йоҥгалтын, тудо Бразилийыште Рио-де-Жанейро олаште эртен.
Тудо жап гыч Океан-влакын тӱнямбал кечыштым Тӱнямбал океан дене кылдалтше чыла еҥ кумдан пайремла. Тиде кечын шанчыеҥ-эколог, ихтиолог, аквариумласе, зоопаркысе пашаеҥ, дельфинарийым кучышо-влак пӧртылташ лийдыме океанысе флор ден фауным эн кугу азап деч — айдемын опкынлыкше деч — арален кодаш манын тыршат.
Паша теме
- 2018 ий — «Пластике гыч шӱкшак дене кучедалмаш да океан-влакын тазалыкыштым аралышаш пунчал-влак»
- 2017 ий — «Мемнан океан-влак, мемнан ончыкылыкна»
- 2015 ий — «Таза океан-влак, таза планете»
- 2014 ий — «Ик планете, ик океан»
- 2013 ий — «Океан ден еҥ-влак»
- 2012 ий — «Самырык-влак: вес вашталтыш толкын»
- 2011 ий — «Мемнан океан-влак: ончыкылыкнам шочыктен»[1]
- 2010 ий — «Мемнан океан-влак: йӧн да ӱжмаш»
- 2009 ий — «Мемнан океан-влак, мемнан муткучышна»
Тыгак ончо
- Теҥызын тӱнямбал кечыже
- Вӱд поянлыкын тӱнямбал кечыже
- Йырым-йырысе йырвелын тӱнямбал кечыже
- Кит-влакын тӱнямбал кечышт
Палемдымаш
- ↑ Всемирный день океанов. Справка. Веб-сайт Российского агентства международной информации «РИА Новости» (8 пеледыш 2011). — «Тема Дня в 2011 году». Тергыме кече: 8 пеледыш 2015. Архивлыме 8 пеледыш 2015 ий.