Воронина, Зинаида Борисовна
| Зинаида Воронина | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||||||||||||||||||||
| Лӱмал увер | |||||||||||||||||||||||||||||||||||||||||||||||||||||||
| Пӧръеҥ / ӱдырамаш | ӱдырамаш | ||||||||||||||||||||||||||||||||||||||||||||||||||||||
| Тичмаш лӱм | Зинаида Борисовна Воронина | ||||||||||||||||||||||||||||||||||||||||||||||||||||||
| Эл |
 СССР |
||||||||||||||||||||||||||||||||||||||||||||||||||||||
| Специализаций | спорт гимнастике[d] | ||||||||||||||||||||||||||||||||||||||||||||||||||||||
| Клуб | «Динамо» (Моско область) | ||||||||||||||||||||||||||||||||||||||||||||||||||||||
| Шочмо кече | 1947 ий 10 теле | ||||||||||||||||||||||||||||||||||||||||||||||||||||||
| Шочмо вер | Йошкар-Ола, Марий АССР, СССР | ||||||||||||||||||||||||||||||||||||||||||||||||||||||
| Колымо кече | 2001 ий 17 ӱярня (53 ий) | ||||||||||||||||||||||||||||||||||||||||||||||||||||||
| Колымо вер | Балашиха, Моско область, Россий | ||||||||||||||||||||||||||||||||||||||||||||||||||||||
| Кӱкшыт | 164 | ||||||||||||||||||||||||||||||||||||||||||||||||||||||
|
Награде ден медаль-влак
|
|||||||||||||||||||||||||||||||||||||||||||||||||||||||
 РУВИКИ.Медиаште медиафайл-влак | |||||||||||||||||||||||||||||||||||||||||||||||||||||||
Зинаида Борисовна Воронина (Дружинина) — (1947 ий 10 декабрь, Йошкар-Ола, Марий АССР, СССР — 2001 ий 17 март, Балашиха, Моско кундем, СССР) — совет гимнастка, олимпиадын чемпионкыжо (1968), тӱнямбал чемпионко (1970), СССР спортын сулло мастарже (1968).
Илыш корныжо
Марий АССР Йошкар-Олаште шочын. Ачаже — Йошкар-оласе, аваже — Молдавий гыч. 1 №-ан школышто тунемын. 1956 ийыште Зинаида Дружининам тренер Антонина Михайловна Левшевич ужын, тудо гимнастике дене икымше тренерже лийын. 1961—1964 ийлаште — МАССР-ын чемпионкыжо. 1964 ийыште Зинаида Моско кундемыш куснен, тушто «Динамо» клуб кышкарыш пурен. Тренерже — Владимир Шелковников[1].
1966-1970-шо ийлаште — СССР сборныйын йыжъеҥже. 1968 ий — многоборьеште СССР кубокым налын, эрыкан упражнений да туртыш гоч тӧрштымаште СССР чемпионко лӱмым сулен[2].
1968 ий — Мехикосо олимпиадыште: команде первенствыште — шӧртньӧ, шке многоборьеште — ший, туртыш гоч тӧрштымаште да брусышто — той[2].
Тӱнямбал официал таҥасымашлаште 13 медальым сеҥен налын (2 шӧртньӧ, 3 ший, 8 той).
Тӱнямбал чемпионатлаште:
- 1966 ий — команде первенствыште — ший, эрыкан упражненийыште — той медаль-влак.
- 1970 ий — команде первенствыште — шӧртньӧ, шке многоборьеште, брусышто, эрыкан упражненийыште — той.
Европысо чемпионатыште:
- 1967 ий — шке многоборьеште — ший, пырняште, эрыкан упражненийыште — той.
Эн мотор гимнастке семын официалдыме тыгай титулжо-влак лийыныт: «Мисс гимнастка СССР 1966», «Мисс Грация». 1968 ий гыч лӱмлӧ совет гимнаст, кок гана олимпиаде чемпион Михаил Воронинын пелашыже.
Спорт пашам мучашлымеке, Воронина Балашихысе литейно-механике заводышто формым велыше пашазылан пашам ыштен[2].
Йошкар-Оласе Туруново шӱгарлаште тойымо. Йошкар-Оласе Олимпий модмашлан шапашым ямдылыше йоча да самырык-влаклан лӱмын ыштыме гимнастике школллан Зинаида Воронинан лӱмжым пуымо. 2003 ий гыч Йошкар-Олаште тудын лӱмеш пӱтынь российысе турнир эрта. 2008 ийыште М. Шалагинын йодмыж почеш скультор-влак А. Ширнин да С. Яндубаев тудын сынжым гипс дене веленыт[2].
Спорт сеҥымаш
Олимпий модмаш
| Ий | Абсолют | Командысе | Туртыш гоч тӧрштымаш | Брусья | Пырня | Эрыкан упражнений |
|---|---|---|---|---|---|---|
| 1968 | 2 | 1 | 3 | 3 | 15 | 4 |
Тӱнямбал да Европо чемпионатлаште да СССР первенствыште таҥасымаш[3]:
| Ий | Первенство | Абсолют | Командысе | Туртыш гоч тӧрштымаш | Брусья | Пырня | Эрыкан упражнений |
|---|---|---|---|---|---|---|---|
| 1966 | Тӱнямбал чемпионат | 10 | 2 | 3 | |||
| СССР чемпионат | 5 | 3 | 5 | 2 | |||
| СССР кубок | 3 | ||||||
| 1967 | Европо чемпионат | 2 | 6 | 4 | 3 | 3 | |
| СССР чемпионат | 3 | 3 | 3 | ||||
| 1968 | СССР чемпионат | 2 | 1 | 2 | 5 | 1 | |
| СССР кубок | 1 | ||||||
| 1970 | Тӱнямбал чемпионат | 3 | 1 | 3 | 3 | ||
| СССР чемпионат | 2 | 2 | 3 | 3 | 3 | ||
| СССР кубок | 2 |
Чаплӱм ден суаптар-влак
- СССР спортын сулло мастарже (1968)
- Марий АССР Кӱшыл Каҥаш президиумын Чапкагазше (1968)
- «Почёт пале» орден (1969)
Палемдымаш
- ↑ Публика стонала от восторга, когда на гимнастический помост выходила богиня Зинаида Дружинина Архивысе копий 24 пургыж 2016 гыч
- ↑ 1 2 3 4 Марийская биографическая энциклопедия-2, 2017, с. 89.
- ↑ Воронина (Дружинина) Зинаида Борисовна. Тергыме кече: 1 ага 2016. Архивлыме 12 сӱрем 2016 ий.
Литератур
- Воронина Зинаида Борисовна // Большая олимпийская энциклопедия: В 2 т. / Автор-составитель В. Л. Штейнбах. — М.: Олимпия Пресс, 2006.
- Мочаев В. А., Соколов А. В. Воронина (Дружинина) Зинаида Борисовна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 79. — 2032 экз. — ISBN 5-87898-357-0.
- Воронина (Дружинина) Зинаида Борисовна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 292. — 872 с. — 3505 экз. — ISBN 978-5-94950-049-1.
- Мочаев В. А., Соколов А. В. Воронина (Дружинина) Зинаида Борисовна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 89. — 606 с. — 1500 экз. — ISBN 978-5-905314-35-3.
Кылвер-влак
- Зинаида Воронина — олимпийская статистика на сайте Sports-Reference.com (англ.)
- На 101-ом километре. Зинаида Воронина
- А. Борисова Красная королева // lenta.ru
 | |
|---|---|
| Мутер да энциклопедий-влак | |
| Генеалогий да некрополистике | |
| Библиографий каталоглаште |
|
