Вияҥме да тыныс верч спортын тӱнямбал кечыже
Вияҥме да тыныс верч спортын тӱнямбал кечыже ( ООН-ын моло официал йылмыла дене: англ. International Day of Sport for Development and Peace, араб. االيوم الدولي للرياضة من أجل التنمية والسلام, исп. Día Internacional del Deporte para el Desarrollo y la Paz, кит. 体育促进发展和和平国际日, фр. Journée internationale du sport au service du développement et de la paix ) — 6 апрельыште палемдалтеш. ООН-ын Генерал Ассамблейже 2013 ий 23 августышто 96-шо пленар мутланымаште увертарен (A/RES/67/296 резолюций)[1]. Генерал Ассамблей вияҥме да тыныс верч Тӱнямбал спорт кечым эртарымаште, тудым палемдымаште да ты кече нерген шинчымашым шарымаште кумылан еҥ-влаклан пырля пашам ышташ темлен.
ООН-ын Генерал секретарьже Пан Ги Мун 2014 ийысе шке серышыштыже ӱжын:
Тений ме историйыште икымше гана тыныслык да вияҥме шотышто Тӱнямбалысе спорт кечым палемдена.
Мыланна ООН-ышто раш пале: спорт — тиде еҥ-влак тӱшкам да нацийым ушен шогышо, келшыдымаш лийме годымат, иктеш ыштыше универсал йылме.
Спорт самырык-влаклан йӧным кумдаҥда да тазалыкыштым пеҥгыдемдаш, Ушнышо Калык-влакын Организацийыштыже иктӧрлык, ваш пагалымаш да чын улмо нерген умылымаш-влакым илышыш шыҥдараш полша. Спорт мыланна тыныслык нерген шонымашым шараш, илышйӧным вашталташ да Тӱжемийысе декларацийыште ончыктымо ончыко вияҥме шотышто шонымашке шуаш полша.
Тӱнямбал кечым эртарыме жапыште посна тӱткышым тыгай татлан ойырыман: кузе спорт айдемын праважым аралымаште, глобал кумдыкышто улшо чаракым кораҥдымаште, иктеш улмо кумылым пеҥгыдемдымаште полша.
Мемнан шонымашке шуашлан чыла «модшо-влак» иктеш лийшаш улыт — виктем-влак, тӱнямбал организаций-влак, спорт сектор, граждан общество да ятыр моло-влакат.
Мый тӱнян чыла гражданже-влакым тиде кушшо толкыным авалташ да спортын йӧнжым илышым саемдышаш верч кучылташ ман, мемнан радамыш шогалаш ӱшандарен ӱжам.
Палемдымаш
- ↑ Резолюция, принятая Генеральной Ассамблеей 23 августа 2013 года. Дата обращения: 9 шорыкйол 2020. Архивировано 6 вӱдшор 2020 года.