Ӱдырамаш-влак шотышто ӧкымлымашым пытарышаш верч тӱнямбал кече

Ӱдырамаш-влак шотышто ӧкымлымашым пытарышаш верч тӱнямбал кече (ОНН-ын официал йылмылаж-влак дене: англ. International Day for the Elimination of Violence against Women, араб. اليوم الدولي للقضاء على العنف ضد المرأة, ‎исп. Dia Internacional de la Eliminacion de la Violencia contra la Mujer, кит. 消除对妇女的暴力行为国际日, фр. la Journée internationale pour l'élimination de la violence à l'égard des femmes) ий еда 25 ноябрьыште палемдалтеш.

Историй

Ӱдырамаш-влак шотышто ӧкымлымашым пытарышаш верч тӱнямбал кечым ООН-ын Тӱҥ Ассамблейже 2000 ийыште пеҥгыдемден (A/RES/54/134 № пунчал). Ты кечым 1960 ий 25 ноябрьыште Доминикан Республикыште пуштмо ака-шӱжар Мирабаль-влакым шарныме лӱмеш ойырен налме.

Тӱҥ Ассамблей шке пунчалыштыже ООН кышкарысе правительстве, тӱнямбал да правительствыдыме организаций-влакым ты кечын ӱдырамаш-влак шотышто виешлымашым чарымашке виктаралтше мероприятийым эртараш темлен.

ООН-ын Тӱҥ секретарьже 2004-2005 ийысе серышыштыже палемден: ӱдырамаш-влак шотышто ӧкымлымаш моткоч кумдан шарлен, кажне тӱвыраште гаяк, нунын могай раса, еш гыч улмыштым, поянлык да илышйӧныштым шотыш налде, тургыжландара. Ӱдырамаш-влак права шотыштат, тыглай илышыштат ӧкымлымӧ дене тӱкнылыт. ОНН-ын Тӱҥ секретарьже палемда: «2005 ийыште Тӱнямбал саманыште эл-влакын ончылъеҥышт ӱдырамаш ден ӱдыр-влак шотышто чыла тӱрлӧ виешлымашым пытарыме шотышто вийым кок пачаш кугемдаш лийыныт».

A/RES/54/134 № пунчалым негызлыме документ-влак нерген статья-влак

Айдемын праваж нерген чумыр деклараций
Экономике, социал да тӱвыра права нерген тӱнямбал пакт
Граждан ден политик права нерген тӱнямбал пакт
Ӱдырамаш шотышто чыла тӱрлӧ дискриминацийым пытарыме нерген конвенций
Индырыме да моло тӱрлӧ, айдеме лӱмым пытарыше шӱмдымӧ осаллык ваштареш Конвенций

Южо тӱнямбал документ-влак, кудыжлан A/RES/54/134 № пунчал эҥерта

Ӱдырамаш-влак шотышто виешлымашым пытарыме нерген деклараций, 1993 ий

Тыгак ончо

Ӱдырамаш-влакым виешлымаш

Кылвер-влак