Эсаулова, Светлана Николаевна

РУВИКИ — эрыкан энциклопедий гыч материал
Светлана Николаевна Эсаулова
Эсаулова, Светлана Николаевна.jpg
Шочмо кече 15 шыжа 1954(1954-10-15)
Шочмо вер
Колымо кече 13 шорыкйол 2011(2011-01-13) (56 ий)
Колымо вер
Эл
Паша сомыл серызе, почеламутчо, журналист

Светла́на Никола́евна Эсау́лова (Тане́рова; 15 шыжа 1954, Чӱксола, Марий Автоном Совет Социализм Республик — 13 шорыкйол 2011, Йошкар-Ола) — марий поэт, журналист, туныктышо. 1991 ий гыч СССР серызе-влак ушемын йыжыҥъеҥже[1].

Илыш корныжо

Светлана Эсаулова (Танерова) 1954 ий 15 октябрьыште Марий Эл Республикын кызытсе У Торъял кундем Чӱксола ялысе кресаньык ешеш шочын. У Торъял кыдалаш школым тунем пытарымеке, туштак музык туныктышылан пашам ышташ тӱҥалын. Марий кугыжаныш университетыште тунемын, но пелашыжым Байконурыш служитлаш колтымылан кӧра, тунеммым мучашлен огыл. 1992 ийыште А. М. Горький лӱмеш Сылнымут институтым тунем пытарен. Марий радиошто, «Марий коммуна», «Кугарня» республикысе газет да «Кече» журнал редакцийлаште журналистлан пашам ыштен.

Светлана Эсаулован «Шочмо мланде» икымше почеламутшо 1972 ийыште «Марий коммуна» газетыште савыкталтын. 1982 ийыште тудын почеламут аршашыже «Кинде-шинчал» тӱшка сборникыш пурен. 1990 ийыште «Молодая гвардия» савыктышыште руш йылмыш кусарыме «Целительница — память» почеламут книгаже савыкталтын[1].

Лудшо-влак «Кидшер» сборникымат шокшын вашлийыныт. Тудын произведенийже-влак рушла «Литературная Россия», «Литературная газета» рӱдӧ газетлаште, «Поэзия» альманахыште, «Россияне», «Дружба» журналлаште, эстонла — Таллинныште (1998) лектыныт. Поэтессын икмыняр почеламутшо калыкыште кумдан палыме мурыш савырнен[1].

Сергей Григорьевич Чавайнын шочмыжлан 100 ий темме лӱмеш конкурсышто Светлана Эсаулован серыме почеламут цикллан кумшо премийым пуымо[1].

1991 ий гыч СССР серызе-влак ушемын йыжыҥъеҥже[1].

Библиографий

Тӱҥ произведений-влак
  • Почеламут-влак // Кинде-шинчал. Йошкар-Ола, 1982. С. 7—32.
  • Кидшер: почеламут-вл. [Пульс: стихи]. Йошкар-Ола, 1991. 64 с.
  • Почеламут-влак // Ныл йӱкан кумылсем. Таллинн, 1998. С. 10—87.
Моло йылмылаш кусарыме
  • Целительница — память. / пер. на рус. И. Тюленина. М., 1990.
  • Земля весенняя прогрета…; Сентябрь; Гуслярше: стихи // Братство песенных сердец / пер. на рус. В. Панова. Йошкар-Ола, 1990. С. 93—94.
  • Стихи / пер. на рус. Г. Пирогова // Сомнения. Йошкар-Ола, 1993. С. 102—109.
  • Почеламут-влак // Neli Marilannat / пер. на эстон. А. Валтона. Таллинн, 1998. С. 10—87.
  • Гуслярша : стихи / пер. на рус. В. Суховского // Встреча. 2001. № 3. С. 44.
  • Я весь путь не глянула назад…; Нет, тёмный пол мне действует на нервы…; Скрипка; Ни в среду теперь, ни в другую…; * Последняя встреча: стихи // Пирогов Г. Тринадцатый апостол. Йошкар-Ола, 2007. С 307—311.

Шарнымаш

Поэтесса лӱмеш «Светлана» сылнымут премийым ыштыме[2].

Палемдымаш

  1. ↑ 1 2 3 4 5 Светлана Эсаулова (англ.). mari-lab.ru. Тергыме кече: 20 шыжа 2025.
  2. ↑ Они прославили наш край. Поэтесса из Чуксолы Светлана Эсаулова (1954-2011) | Национальная библиотека имени С.Г. Чавайна Республики Марий Эл (руш.). nbmariel.ru. Тергыме кече: 17 шыжа 2025.

Литератур

  • Матюковский Г. Сукен, йӧратымашлан кумалам // Марий коммуна. 1991. 1 июнь.
  • Иванов И. Мурызын сылне йӱкшӧ // Кугарня. 1991. 29 нояб.
  • Беспалова Г. «Мый поро чон дене киндем шуйынем…» // Ончыко. 1992. № 1. С. 140—144.
  • Писатели Республики Марий Эл : автобиобиблиогр. сборник. Йошкар-Ола, 2004. С. 73.
  • Манаева-Чеснокова С. Современный мир и человек в творчестве Светланы Эсауловой // Художественный мир современной марийской поэзии. Йошкар-Ола, 2004. С. 99—113.
  • Светлана Эсауловалан 50 ий // Ончыко. 2004. № 10. 138 с.
  • Илибаева М. Пегасетын тӧргым жап гына // Марий Эл. 2004. 15 окт.
  • МБЭ. Йошкар-Ола, 2007. С. 413.

Кылвер-влак

"https://mhr.ruwiki.ru/w/index.php?title=Эсаулова,_Светлана_Николаевна&oldid=1232980" гыч налме