Шӱвырзӧ (скульптур)

РФ-ын тӱвыра министерствыже

Россий Федерацийын тӱвыра министерствыже

Кононов, Иван Алексеевич

Шӱвырзӧ. 1985

Номенклатур почеш: Волынщик. Из триптиха "Пеледыш". Скульптура

пушеҥге, пӱчкедымаш[d]

Республикысе сӱретсымыктыш тоштер

(инв. С-94/2)

Шӱвырзӧ (руш. Волынщик) — скульптур сылнӱзгар, тудым пушеҥгым кӧпчеклыме йӧн дене ыштыме. Сылнӱзгарым 1985 ийыште скульптор Иван Алексеевич Кононов ыштен. Сылнӱзгар шӱвырым шоктышо самырык пӧръеҥым сӱретла. Арверын номенклатур лӱмжӧ: Шӱвырзӧ. «Пеледыш» триптих гыч (руш. Волынщик. Из триптиха «Пеледыш»).

Арверын сынже

«Шӱвырзӧ» скульптур самырык пӧръеҥын кумвисышан (трехмерное) сӱретшым ончыкта. Капше тичмашын ончыкталтын, изишак пурла велыш савынен. Кидше кугун ончыкталтын, шоктымо шӱвыржым тӱрвыж пелен кучен. Шӱргыжым тыгыде ойыртем-влаклан тӱткышым ойырен ончыктымо. Вияш ӱпшӧ саҥгажым петырен, а шинчаже пеле петыралтше. Скульптурын кугытшо 57×26×27 см.

Материал да ыштыме йӧн

Скульптур пушеҥгым кӧпчыклыме йӧн дене ыштыме. Пушеҥым кӧпчеклыме йӧн утларак рашын тыгыде ойыртем-влакым ончыкташ, сылныӱзгарлан пӱртӱс койышым пуаш йӧным почеш. Тиде йӧн, чурийым да кид ойыртемым раш ончыкташлан, мастар еҥ деч кӱкшӧ моштымашым йодеш.

Арверын верланымыже

Арвер Республикысе сӱретсымыктыш тоштерыште аралалтеш, тудо Йошкар-Олаште верланен. Тоштерым 1981 ийыште негызлыме, а 1990 ий гыч тичмаш тӱвыра тӧнеж семын пашам ышта, тудын пого поянлыкышкыже россий да совет сӱретче-влакын, тыгак марий мастар-влакын югыпогышт пурат.

Палемдымаш