Воляпашаеҥын кечыже
| Воляпашаеҥын (фрилансерын) кечыже | |
|---|---|
 | |
| Тӱрлылык | Профессионал |
| Ышталтын | 2005 |
| Палемдат | ий еда |
| Кече | 14 ага |
| Пайремлымаш | лекций, семинар, ончер-влак |
Воляпашаеҥын (фрилансерын) кечыже — Российыште ий еда 14 майыште палемдыме пайрем. Тиде интернет йӧн дене тора гыч пашам ыштыше еҥ-влаклан пӧлеклалтше кече.
Воляпашаеҥын кечыже элыште да тӱнямбалне тиде пашан куштылгылыкшым да чолган вияҥмыжым ончыкташ виктаралтын.
Профессий нерген
Фрилансер эрыкан пашаеҥ улеш, тудо еҥ-влаклан лӱмын ыштыме онлайн-ресурс, газет увер, шке палымыж гоч полыш-суаплыкшым темла[1]. Тудо журналистике, юриспрудений, программироватлыме, дизайн, кусарыме, фотографийым ыштыме, видеом войзымо пашам ыштен кертеш. Воляпашаеҥ семын пашам сайын шукташлан профессий шинчымаш да моштымаш кӱкшӧ лийшаш, ыштышаш пашан радамжым шке семын чоҥен виктарыман.
Воляпашаверын сай могыржо: пашаеҥ пашам, тыгак пашам пуышо еҥым шке ойыра, паша жапым шке семын палемда, пашам шуктышыжла, тӱнян кеч-могай верыштыжат илен кертеш, пашаш коштмо да офисыште лияш ок кӱл. Воляпашаверын ситыдымашыжат уло: пашам пуышым шке кычалман, шкан шке сай оза лийман, паша лектыш шотышто шоныман, налогым тӱлымӧ йодышым шкан вӱдыман[2].
Пайрем историй да йӱла
Икымше гана мӧҥгӧ гыч пашам шуктымаш 1970-ше ийлаште шочын. Жап эртыме дене, технологий да интернет вияҥмылан кӧра, воляпашавер Российыштат чапланен. Воляпашавер офис паша деч коарҥаш тӧчышӧ еҥлан сай йӧн, вуйлатыше-влакын кӱштыкыштым шуктымо, паша корнылан жапым ойырымо ок кӱл. Ятыр еҥлан, поснак самырык-влаклан, мӧҥгыштӧ пашам ыштымаш, икшырымын толын шогышо пашадар да официаллын пашам шуктымо деч утларак келша.
2005 ий 14 майыште Россий Федерацийысе икымше фрилансер FL.ru бирже (бывший Free-lance.ru) почылтын[3].
Тудо дизайнер, программист, менеджер, оптимизатор да копирайтер-влаклан мероприятийлам эртара. Ий еда бирже воляпашаеҥ-влакым тӱрлӧ мастарлык классыш, погынымашке чумыра. Тушко копирайтер, программист, менеджер, оптимизатор, дизайнер да воляпашавер йӧн дене илыше моло специалист-влакат ушнен кертыт[4].
Тиде кечын тыгак воляпашам вияҥдаш полшышо, ты пашан сай могыржым ончыктышо мероприятий-влак эртаралтыт. Блогер ден коуч-влак туныктымо пашашлан акым волтат, маркетолог ден амалкалче-влак сатуштым, полышыштым шулдештарат[5].
Тыгак ончо
Палемдымаш
- ↑ 14 мая день фрилансера в России. Муниципальное бюджетное учреждение "Централизованная библиотечная система" (14 ага 2020). Дата обращения: 3 ага 2024.
- ↑ Ольга Бондаренко. День фрилансера 2024: история и традиции праздника. Комсомольская правда. Дата обращения: 3 ага 2024.
- ↑ Салтанова Светлана Васильевна. День фрилансера. НИУ ВШЭ (13 ага 2022). Дата обращения: 3 ага 2024.
- ↑ День фрилансера отмечают в России сегодня. Сетевое издание «Псковское агентство информации» (14 ага 2023). Дата обращения: 3 ага 2024.
- ↑ 14 мая – День фрилансера в России. МГТУ (30 ага 2023). Дата обращения: 3 ага 2024.
Литератур
- Воробьёва Ирина Владимировна. Социально-трудовое положение самозанятых работников // Уровень жизни населения регионов России. — 2023.
- Харченко Вера Сергеевна. Культура фриланса: компоненты и принципы организации // Метеор-Сити. — 2016.
- Таран Ю.Е., Саванович С.В. Проблемы организации и управления работой фрилансеров посредством дистанционного менеджмента в России // Вестник молодёжной науки. — 2016.
- Аширова А.Л. Особенности ценностей и норм современных Российских фрилансеров // Социальные и гуманитарные науки: теория и практика. — 2019.
- Бурлуцкая Мария Георгиевна, Харченко Вера Сергеевна. Фрилансеры: специфика социального статуса, стратегии карьеры и профессионального развития // Журнал социологии и социальной антропологии. — 2013.