Спорт журналистын тӱнямбал кечыже
| Спорт журналистын тӱнямбал кечыже | |
|---|---|
 2019 ийыште Будапештыште Спорт прессын тӱнямбал ассоциаций премийын сеҥышыже-влак | |
| Ыҥ | спорт вияҥмаште, таза илыш-йӱла нерген палдарымаште да тӱнямбал диалогым пеҥгыдемдымаште спорт журналист-влакын надырыштым палемдымаш |
| Ышталтын | 1924 ий 2 июльышто Парижыште эртаралтше тӱнямбал конгрессыште Спорт прессын тӱнямбал ассоциацийжым ыштыме лӱмеш |
| Ыштыше | Спорт прессын тӱнямбал ассоциацийже (AIPS) |
| Палемдат | тӱня мучко |
| Кече | 2 сӱрем |
 РУВИКИ.Медиаште медиафайл-влак | |
Спорт журналистын тӱнямбал кечыже — ий еда 2 июльышто палемдалтше профессионал пайрем.
Пайремын шочмыжо
Спорт журналистын тӱнямбал кечыже спорт прессын темлымыж почеш 1995 ий гыч палемдалтеш.
Пайремлан тыглай огыл кечым ойыреныт: 1924 ийыште Парижыште Спорт прессын тӱнямбал ассоциацийже (АИПС) ышталтын, тудыжо кызыт шӱдӧ витле наре калыкле ушемым чумырен[1]. Тиде 2 июльышто лийын, садланак ты кече тӱнямбал пайремыш савырнен.
Пайрем ойыртем
Спорт журналистын тӱнямбал кечынже АИПС ден Спорт журналист-влакын калыкле ассоциацийышт пайремле мутланымашым эртарат. Ты кечын шуко элыште спорт шотышто тӱшка уверым пуышо-влак гыч эн сайже суапландаралтыт. Российыште тиде кечын газет, журнал редакцийлаште, телевизор каналлаште, информаций агентстве ден радиостанцийлаште эн сай спорт журналист-влакым чеслат.
Cавыктыш-влак 2 июльышто лӱмын тӱрлӧ спорт модышым, таҥасымашым эртарат, тыгодым журналист-влак пашам ыштен моштымыштым мут дене веле огыл, пашашт денат пеҥгыде кап-кыл, спорт да таза илыш йӱла верч ӱшанле улмыштым ончыктат.
Тыгак ончо
Палемдымаш
- ↑ [www.calend.ru/holidays/0/0/58/ Международный день спортивного журналиста — 2 июля. История и особенности праздника в проекте Календарь Праздников 2010]