Самойлов, Владислав Гурьевич
| Владислав Гурьевич Самойлов | |
|---|---|
| Владислав Самойлов | |
 | |
| Шочмо годсо лӱм | Владислав Гурьевич Самойлов |
| Шочмо кече | 1963 ий 20 шорыкйол |
| Шочмо вер | Марий АССР, Курыкмарий кундем, Чермышъял ял |
| Колымо кече | 2009 ий 10 теле (46 ий) |
| Колымо вер | Йошкар-Ола |
| Гражданлык |
 СССР Россий |
| Паша сомыл | серызе, почеламутчо |
| Награде да премий |
Россий Серызе-влак ушемын Чапкагазше (2005), Марий обком ВЛКСМ-ын Чапкагазше (1981, 1985). |
Владислав Гурьевич Самойлов (20 шорыкйол 1963, Чермышъял, Йоласал ял шотан илем[d] — 10 теле 2009, Йошкар-Ола) — курыкмарий серызе. Россий серызе-влак ушемын йыжъеҥже (1998)[1].
Илыш корныжо
Марий АССР кызытсе Курыкмарий вел Чермышъял ялысе кресаньык ешеш шочын. Картук кандашияш, Усола кыдалаш школлаште тунемын[1].
1980 ийыште Марий кугыжаныш университетыш тунемаш пурен. Кӱшыл шинчымаш нерген дипломым налмеке, Чыкмасе школ-интернатыште пашам ыштен, 1991 ий гыч — Российысе сокыр-влак ушемын Йошкар-Оласе «Карат» ыштыкверыште тыршен. Самырыкнек сокырештын[1].
Владислав Самойловын икымше почеламутшо 1979 ийыште «Ямде лий» газетыште савыкталтын. Студент улмыж годым «Проста эдемвлӓ» книгам луктын, тышке тыгаяк лӱман повесть пурен. Вес «Мырызы шӱмӓн халык» повестьше 1989 ийыште «Патыр ви» ий еда лекше альманахыште савыкталтын. Тыгодымак поэзийыште пашам ыштен. «Сӓмӹрӹк курымлан» почеламут сборник илышын эн романтике жапшылан — самырык пагытлан, йӧратымашлан — пӧлеклалтын. Ныл почеламут да прозо книган авторжо. Олыкмарлаш кусарыме почеламутшо-влак «Марий коммунышто», рушла — «Марийская правдыште», «Дружба» альманахыште савыкталтыныт. Тудо «Муян» («Коншудо») романым возен, ты пашаже 2001—2003 ийлаште «У сем» журналыште савыкталтын. Икмыняр публикацийлаштыже Курин Влад шоялӱм дене пайдаланен[1].
Владислав Самойлов ВЛКСМ Марий обкомжын (1981—1985), Российысе писатель-влак ушемын (2003) чапкагазышт дене палемдалтын. 1998 ий гыч Россий серызе-влак-влак ушемын йыжъеҥже. РФ писатель ушемын стипендиатше лийын (2000)[1].
2009 ий 10 декабрьыште Йошкар-Олаште колен[2].
Суартар
- Марий обком ВЛКСМ-ын Чапкагазше (1981, 1985).
- Россий Серызе-влак ушемын йыжъеҥже (1998).
- Россий Серызе-влак ушемын стипендиатше (2000).
- Россий Серызе-влак ушемын Чапкагазше (2005).
Тӱҥ произведенийже-влак
- Проста эдемвлӓ : повесть [Простые люди : повесть]. Йошкар- Ола, 1983. 52 с.
- Мырызы шӱмӓн халык : повесть // Патыр ви. Йошкар-Ола, 1989. С. 3—89.
- Сӓмӹрӹк курымлан : лыдышвлӓ [Молодости : стихи]. Йошкар- Ола, 1990. 64 с.
- Вӹсӓ кӓнгӹж : лыдышвлӓ, поэма [Уходит лето : стихи, поэма]. Йошкар-Ола, 1993. 136 с.
- Висӓ : лыдышвлӓ [Весы : стихи]. Йошкар-Ола, 2000. 104 с.
- Муян: роман//У сем. 2001. № 2. С. 141—157 ; № 3. С. 128—151; 2002. № 1. С. 110—148; № 2. С. 94—129; № 3. С. 136—160; 2003. № 1. С. 115—138.
- Висӓ ; Шӓлӓ : лыдышвлӓ // Мурйогын : почеламут аршаш. Йошкар-Ола, 2003. С. 55—57.
- Йӹнгӹл юкан шӱмем : лыдышвлӓ [Колокольчики души : стихи]. Йошкар-Ола, 2007. 80 с.
Палемдымаш
- ↑ 1 2 3 4 5 Владислав Самойлов (руш.). mari-lab.ru. Тергыме кече: 26 шыжа 2025.
- ↑ Марийская биографическая энциклопедия-2, 2017, с. 381.
Литератур
- Крылов В. Ӱшан вийым пурта // Ончыко. 1984. № 1. С. 112.
- Федосеева Н. «Мӹньӹн цилӓ лыдыш — изи ӹлӹмӓшем» // У сем. 2001. № 2. С. 101—ПО.
- Федосеева Н. Лирико-философские мотивы в поэзии В. Самойлова // Актуальные проблемы финно-угорской филологии. Йошкар- Ола, 2003. С. 305—309.
- Галютин Ю. «Мыйынат тендан семынак вӱрем йошкарге…» // Ончыко. 2004. № 11. С. 133—136.
- МБЭ. Йошкар-Ола, 2007. С. 315.
- Зайниев Г. З., Мочаев В. А. Самойлов Владислав Гурьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 381. — 606 с. — 1500 экз. — ISBN 978-5-905314-35-3.
Кылвер-влак
- Владислав Самойлов (руш.). mari-lab.ru. Тергыме кече: 26 шыжа 2025.