Россий Федерацийын Сар вийысе тылын кечыже
| Россий Федерацийын Сар вийысе тылын кечыже | |
|---|---|
 Россий Сар вийысе тылын тистыже | |
| Тӱрлылык | профессионал пайрем |
| Вес семын | Тыловикын кечыже |
| Ышталтын | 1998 ийыште Россий обороно министерстве |
| Палемдат | Россий Федерацийыште |
| Кече | 1 Сорла |
| Пайремлымаш | 1 сорла |
| Кылдалтын | «Йошкар Армийын тылже шотышто тӱҥ виктерым ыштыме нерген» 0257 №-ан СССР Обороно наркомын кӱштыкше дене |
Россий Федерацийын Сар вийысе тылын кечыже — Россий Федерацийын тыл дене пырля улшо подразделенийлаж дене кылдалтше чыла саръеҥ да граждан-влакын профессий пайремышт.
Ий еда, 1 августышто палемдалтеш. Каныш кечылан ок шотлалт[1].
Историй ден пайрем
«Россий Федерацийын Сар вийысе тылын кечыже» ондак Россий обороно министрын 225-ше №-ан Кӱштыкше дене пеҥгыдемдыме улмаш. А кызыт пайрем «Россий Федераций Президентын 2006 ий 31 майысе 549-ше №-ан «Россий Федерацийын сарвийыште профессионал пайрем-влакым да шарныктыш кечым палемдыме нерген» Кӱштыкше дене келшышын палемдалтеш[2].
Тиде кечым тыглай ойырен налме огыл. Тылысе формирований-влакын историйышт 1700 ий 18 февраль гыч тӱҥалеш гынат, тунам Россий империйын императоржо «О заведовании всех хлебных запасов ратных людей Окольничему Языкову, с наименованием его по сей части Генерал-Провиантом» кӱштыкеш кидпалым пыштен, Россий Сарвийын тыл войскан шке палемдыме кечыже 1941 ий 1 августышто лийын. Лач тунам, И. В. Сталин СССР-ын обороно комиссар С. К. Тимошенкон 0257-ше № «Йошкар Армийын тылже шотышто тӱҥ виктерым ыштыме нерген» кӱштыкше йымалан кидпалыжым пыштен. Тиде документ тыл штаб начальникым, тылысе Йошкар Армий начальникын автокорно управлений ден инспекцийжым, ВОСО, тӱҥ интендант, горючий дене снабжений шотышто, Санитар да Ветеринар управлений-влакым иктеш ушен, тидлан кӧра РККА тылын вуйлатышыже должность шочын. Тылын икымше вуйлатышыжлан СССР Оборонын Калык Комиссаржын алмаштышыже, интендант службын генерал-лейтенантше А. В. Хрулёвым шогалтеныт. «Калык онын» шонымыж почеш снабжатлыме, медицине да транспорт структур-влакым иктеш ушен вӱдымаште РККА-м тыл гыч йӧндартымаште эн кугу пайдале лектышым пуышаш. Тыгак тыл начальникын у должностьшым чыла фронтышто да армийыште пуртеныт[3].
Российын президентше В. В. Путин 2000 ий 29 июльышто «Сар Вий Тыллан 300 ий темме нерген» кӱштыкеш кидпалым пыштен, тиде текстыште ойлалтеш: «Армийлан да флотлан тыл гыч полышын кӱлешлыкшым шотыш налын, Ачамланде ончылно Сарвийын тылысе личный составын, ветеран-влакын суапыштым палемден да 300 ий темме лӱмгече лӱмеш, кӱштем: Сарвийысе Тылын шочмыжлан 300 ий темме лӱмеш шарныктыш кечым увертарш да тудым 2000 ий 1 августышто палемдаш»[4].
Тыгак ончо
- Ачамландым аралышын кечыже
- Сухопут войскан кечыже
- Авиаций кече
- Сар-теҥыз флотын кечыже
Палемдымаш
- ↑ [www.calend.ru/holidays/0/0/63/ День тыла вооруженных сил России — 1 августа. История и особенности праздника в проекте Календарь Праздников 2010]
- ↑ Собрание законодательства РФ, 2006, № 23, ст. 2455.
- ↑ День Тыла Вооруженных Сил Российской Федерации Архивная копия от 22 сорла 2009 на Wayback Machine
- РИА Новости (1 сорла 2006). Дата обращения: 13 сорла 2010. Архивировано 12 вӱдшор 2012 года.