Российысе савыктыш кече
| Российысе савыктыш кече | |
|---|---|
| Ышталтын | 1991 ийыште |
| Палемдат | ий еда |
| Кече | 13 шорыкйол |
Российысе савыктыш кече 13 январьыште палемдалтеш. Россий Федерацийын Кӱшыл Совет Президиумжын 1991 ий 28 декабрьысе пунчалже дене тӧнежлыме да историйысе кече дене, Петр Великийын кӱштымыж почеш «Ведомости» икымше газетым савыкташ тӱҥалме дене (кызытсе тыгаяк лӱман «Ведомость» газет дене нимогай кылжат уке) кылдалтын. 1703 ий 2 январьыште (у шот дене 13 январь) Москошто рушла савыктыме газетын икымше номерже лектын, тудо тунам «Санкт-Петербургысо ведомость» маналтын: «Москосо Кугыжанышыште да моло кундемыште лийше сар да моло паша нерген, сай шинчымаш да шарнымаш нерген ведомость-влак»[1]. Петр Первый газетым ондак шкеже ончен, тудым Россий Империйын реформо верч кучедалмаште, тудын куатшым нӧлтал колтымаште виян йӧнлан шотлен.
Россий Федерацийыште 2009 ий тӱҥалтышлан 33 000 савыктыш-влак регистрацийым эртеныт. Кокла шот дене, кече еда, 20 миллион утла экземпляр калык коклаште шарла.
2016 ий 12 январьыште РФ Дмитрий Медведев Россий правительствын премийжын лауреатше-влаклан 2015 ийысе массовый информаций средство шотышто дипломым кучыктен. Пайремле церемоний Россий печать кечылан палемдалтын. 10 премий гыч иктыже правительствым вуйлатышын инициативыж почеш пуалтеш. Тиде гана тудым МГУ-сго журналистике факультетын президентше СМИ-м вияҥдымаште персон надырлан Ясен Засурский сулен. Медведев палемден: Засурский ятыр ий ынде ачамланде журналистикын тӱҥ корныжым вӱден шога. Правительствын председательже тыгак «Аргумент и факты» редакцийын 1941–1945-ше ийласе дневниклан пӧлеклалтше спецпректшым палемден. Премьер мутшо почеш, «АиФ» журналист-влак лу дене сар ийласе йоча-влакын серымыштым иктеш погымо дене кугу пашам шуктеныт. Медведев моло лауреат-влакын суапыштымат палемден. «Кызытеш чылан мӧҥгыштӧ» телепрограммым ыштыше-влак «Йочан видеопаспортшо» проект дене, а «Коммерсантын» спецкоржо Ольга Алленован эргылыкеш налме да поро кумылым ончыктымо нерген статья цикллан палемдалтыныт. Премийым кумдан палыме сылнымут критик Лев Иванов-Аннинскийлан — руш литератур критикын йӱлажым аралымаште да вияҥдымаште надырлан, Телерадиовещанийын калыкле ассоциацийжын президентше Эдуард Сагалаевлан — ачамланде телевиденийым вияҥдымашке надырлан кучыктеныт. «Заря» Брест кундемысе (Белоруссий) газетын тӱҥ редакторжо Александр Логиновичат «вес эл-влак да кӧргӧ политикын, экономикын да культурын йодышыштым чын волгалтарымылан» палемдалтын. «Новый мир» журналын ешыже ачамланде сылнымутым вияҥдымашке, сотемдарыме пашам кумдан вӱдымылан да кызытсе автор-влаклан кугу полышым пуымылан6 суапландаралтын. 2015 ийысе премийым кундемысе кок СМИ — «Сургут Информ-ТВ» да Воронеж область гыч «МОЁ » газет-влакын ӱшанъеҥышт налыныт. РФ виктерын премийже «тӱшкаувер йӧн-влакым вияҥдаш да профессий паша лектышлан кумылаҥдаш» манын, 2005 ийыште тӧнежлалтын. Варажым нунын деке электрон СМИ да телепроект-влак ешаралтыныт. Кажне премийын кугытшо — 1 миллион теҥге, чыла наградым 10 лауреатлан (посна журналист але коллектив-влаклан) пуымо[2].
Совет печать кече
Савыктыш-влакын профессионал пайремышт икымше гана СССР-ыште тӧнежлалтыныт. РСФСР Кӱшыл Советын 1991 ий 13 январьысе кӱштыкшӧ дене 5 майысе «Совет печать кече» олмеш, кудыжо «Правда» большевик газетын икымше номерже лекме лӱмеш келыштаралтын, у лӱман пайремым ыштыме.
Белоруссийыште Печать кечым 5 майыште палемдат.
1994 ий гыч ий еда 3 майыште Тӱнямбал прессын кечыжым палемдат.
Тыгак ончо
- Всемирный день свободы печати
Источник-влак
Палемдымаш
- Лисовский Н. М. Санкт-Петербургские Ведомости // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ ТАСС: Общество — Медведев вручил дипломы лауреатам премии правительства в области СМИ за 2015 год
 | Тиде статьям тӧрлашлан:
|