Рихтер, Кирилл Максимович

РУВИКИ — эрыкан энциклопедий гыч материал
Тергыме статья
Кирилл Рихтер
Richter by Igor Klepnev.jpg
Тӱҥ увер
Тичмаш лӱм
Шочмо кече 7 теле 1989(1989-12-07) (36 ий)
Шочмо вер Наро-Фоминск, Моско область, РСФСР, СССР
Эл

 СССР→

 Россий
Профессий композитор, пианист
Ыштыме жап 2015 — к. ж.
Семӱзгар фортепиано
Жанр неоклассике
readymag.com/u48367288/k…
Логотип РУВИКИ.Медиа РУВИКИ.Медиаште медиафайл-влак

Кирилл Максимович Рихтер (шоч. 7 теле 1989, Наро-Фоминск[d], СССР) — пианист да композитор, Российысе минимализмын да неоклассикын представительже.

Футбол дене FIFA 2018 Тӱнямбал чемпионатын музык темыжын авторжо. Тудын моло палыме композицийже-влак: «In Memoriam», «Черновик», «Мӧҥгӧ теме», тыгак «Chronos» фортепианылык пьесе[1][2].

Рихтер фортепианылан, камерный составлан да симфоний оркестрлан семым, тыгак авторлык кинолан, фантастикан блокбастер-влаклан, кызытсе хореографий спектакльл-влаклан семым воза; йот эл музыкант-неоклассик-влак дене пырля концертлаште выступатла[3][4].

Биографий

Тӱҥалтыш ий-влак

Кирилл Рихтер Подмосковьеште 1989 ий 7 декабрьыште шочын. Тудын ачаже сазе служышо, аваже — туныктышо-дефектолог, изаже компьютер дене модмо сферыште ыштыше художник лийын. Тудын ешыштыже музыкантше кугезе кочаже веле лийын, тудо кларнет дене шоктен[1].

Изиж годым Кирилл любительский манме фортепианылык триошто шоктен. Тӱҥалтыш музык тунеммашым экстерн дене налын: туныктышо дене ик ий жапыште мӧҥгыштӧ тыршен, фортепиано дене шокташ тунем шуктен да тӱҥ семлык дисциплин-влакым пален налын. Чынже дене музыклан тунеммашыже — Наро-Фоминск оласе 3-шо №-ан ДМШ-н ик классше (15 ияш пурен, ик ий гыч йошкар диплом дене пытарен). 16 ияш музыкым возаш тӱҥалын[5][6][1]

2006 ийыште МИФИ-н Обнинскысе филиалышкыже пурен (инженерлык проектироватлымаш да дизайнлык факультет) да тудым 2010 ийыште ойыртемалтме дене пытарен. Вара кок ий специальность дене пашам ыштен: журнал вёрсткым ыштен да логотип-влакым ямдылкален. 2012 ийыште Британийысе дизайнлык кӱшыл школыш (Хартфордшир Университет, Лондон) вургем дизайнлык факультетыш пурен да тудым 2016 ийыште кӱкшӧ балл дене пытарен, Великобританий виктерын грантшым да сымыктыш бакалавр тӱнямбал шанче степеньым налын. Диплом экзамен деч вара умылен: музык дене пашам ыштымашке пӧртылнеже[5][6][1].

Концерт ден альбом-влак

2013 ий гыч шке произведенийлаж гыч программан камерлык концертым пуэдаш, тыгак кылан семӱзгар-влаклан икымше сочиненийым возаш тӱҥалын. Тудын тӱҥалтыш произведенийлаже гыч иктыже — «Анна», «In Memoriam», «Ophelia» композиций-влак[7][1].

2016 ийыште, SoundCloud-ышто шкенжын возымо икмыняр вальсым луктын пыштымек, 1631 Recordings швед лейбл дене пырля «Towards The Beloved City» альбомым возаш темлымашым налын[8][1]. 2016 ий гыч музыкант Richter Trio-што (виолончелист Август Крепак да скрипачке Алёна Зиновьева дене) концертым пуэда[1].

2017 ийыште Ушем-влак Пӧртын Колоннан залыштыже Кирилл Рихтерын икымше палдарышан концертше лийын[9][3]. Идалык жапыште тудо лу дене концертым пуэн, тыгодым сольный фортепианлык концерт гыч Российысе вӱдышӧ оркестр-влак деке куснылын концерт дене выступатлен[1]. Утларак кугу концертше композиторын кылан семӱзгар-влак оркестр дене Утарыше Христосын Храмыштыже[10] да Москосо «Зарядье» залыште вытсупатлымаш лийын[1].

2019 ий апрельыште Российыште тудын икымше альбомжо лектын — «Chronos»[11], тушко тудын фортепианылан, скрипка да виолончельлан возымыжын студийлык версийышт пуреныт[4]. Альбом лекмек, Рихтер пластинкылан полшаш гастроль турыш каен[1].

Рхтер Европысо лӱмлӧ концерт площадкылаште, тидын шотыштак Лондонысо Альберт-холлышто, Гамбургысо Эльба филармонийыште да моло вереат выступатлен[12].

2021 ийыште мурызо Манижа дене пырля «Russian Woman Show» концертлык мини-альбомым луктын, тудым Угарманлан 800 ий теммым палемдыме годым нунын выступатлымыштым возен налме[13].

2023 ий 20 июльышто Шнуй-влак Петр ден Павл лӱмеш Москосо соборышто Рихтерын у симфонийжын премьерже лийын, тудо музык ден архитектурын синтезыштлан пӧлеклалтын да лӱмынак Symphony 34 илыме комплекслан возалтын. Произведенийым LS Orchestra кызытсе музык оркестр органист Владимир Скомороховын ушнымыжо дене шоктен. Композицийын тӱҥ шонымашыже традиций ден кызытсе пагытым иктыш ушымаш лийын[14].

Усталык ойыртем

Рихтер музыкым классике ден авангардын, электронлык эксперимент ден акустикан йоҥгалтмашын ушнымаштышт шочыкта. Шкеже тудын произведенийже-влаклан «неоклассике» да «минимализм» ярлык-влакым тушкымым кораҥдаш тырша, кеч «экспрессиян минимализм» термин тудын усталык пашажын тӱҥжым изишак почын пуа[15][8].

Композитор шкеже произведенийже-влак нерген тыге ойла: «Мыйын семем — илышлан саундтрек, мый денем тиде але вес семын лийше тат-влак. Мыйын каласкалыме историй моло илышыштат ала-кузе вашмутым муыт. Лач тунам шочеш шижмаш, пуйто ме чыланат ик йылме дене ойлена»[15].

М. Равель да С. Прокофьев дене кумылаҥын, музыкант пеҥгыдемден ойлен: музыкышто эн изи да йӱлаш пурышо йӧн-влак дене, академический манме семӱзгар-влак дене серлага. Моткоч сай рашлыкыш шуаш да колыштшо-влакын тӱткышыштым авалташ тыршен, музыкант тыге шотла: тиде шонымаш деке тудым лӱмынак шонен ыштыме шыгыремдымаш лишемда, а тыглай огыл семӱзгар ден электроникым кучылтмаш огыл[16].

Театрлык проект-влак

Композитор «The Frames» куштымаш перформансын соавторжо лийын «The Frames», тудыжым Художникын рӱдӧ пӧртыштыжӧ Россий ден Катарын Иканаште эртаралтше тӱвыра идалык кышкарыште ончыктымо. Балет артист Сергей Полунинын выступатлымыже «The Song of Distant Earth» сем композиций йоҥгалтме почеш эртен[17]. Произведенийым Катарын рӱдолаштыже Дохаште возымо, тушко Катарысе филармоний оркестрын музыкантше-влак ушненыт, нуно моло коклаште араб калыкын семӱзгарыштымат кучылтыныт[1].

Рихтерын театрлан моло пашаже-влак — Илья Живой дене — Мариинысе театрын куштызыжо дене — пырля ыштыме «Шонкалыше» хореографийлык номерлан сем (премьер 2016 ий сентябрьыште лийын)[15][18], да Канадысе Национальный балетлан ыштыме «In Time We Trust» пьесе[1].

Фестивальлаште участвоватлымаш

Европысо семлык индустрийлан Кирилл Рихтер тӱня мучко палыме музык фестивальлашке ушнымыжлан кӧра палыме. Нунын коклаште Reeperbahn немыч фестиваль Reeperbahn (2017, Гамбург)[19], Голландийысе Classical:Next Classical:Next (2018, Роттердам)[20], Британийысе The Great Escape The Great Escape (2018, Брайтон) [21] да молат[22].

Киношто да телевиденийыште паша

2018 ийыште Кирилл Рихтерын портфолиожо телевиденийлан да кинолан ыштыме паша-влак дене ешаралтын. Америкысе FOX Sports телекомпаний музыкантым футбол дене FIFA 2018 Тӱнямбал чемпионатын трансляцийжылан официальный темын авторжо лияш ӱжын. «Where Angels Fear to Tread — FOX Sports Original Soundtrack» лӱмым налше композиций, чынжым гын, Йӱдвел да Кечывалвел Америкысе телевизор ончышо-влаклан тӱнямбал спорт событийын гимнышкыже савырнен[23][24].

Композитор Сергей Лукьяненкон тыгаяк лӱман романже почеш сниматлыме «Черновик» шанче-фантастик блокбастерлан саундтрек-влакын авторышт лийын[25]. Иван Твердовскийын «Кинотавр» фестивальын призше-влак дене палемдалтше «Подбросы» манме драмыжлан (англ. Jumpman) композитор «Jumpman (Original Motion Picture Soundtrack)» альбомым возен, тушто классический манме кылан семӱзгар-влак квартетын механистичный манме йоҥгалтмыже «чаманыдыме йӱд олан йӱкланымыжым: трансформатор-влакын шургымыштым, люминесцент лампе-влакын гӱжлымыштым, сирене-влакын йӱкыштым» — почын пуа[26][1].

2019 ийыште композитор «Кинопоэзий» проектын кӱчык метражан ик фильмжылан сондтркын авторжо лийын. Тыгак тудо режиссёр Анна Меликянын кок пашажлан: кӱчык метражан «Мый тый декет мием» да «Фея» триллерлан — саундтрекым возен. 2020 ийыште Кириллын «Механизм-влак» композицийжым Apple шкенжын «Эрмитаж. Пеш кугу тоштерыш кинопутешествийым iPhone 11 Pro дене сниматлыме» шке роликшын рекламыштыже кучылтын[27][28].

Дискографий

Палемдымаш

  1. ↑ 1 2 3 4 5 6 7 8 9 10 11 12 13 Кирилл Рихтер. Вокруг ТВ. Тергыме кече: 12 шорыкйол 2024.
  2. ↑ Кирилл Рихтер. Last.fm. Тергыме кече: 12 шорыкйол 2024.
  3. ↑ 1 2 Гусарова Ю. Hauschka и Кирилл Рихтер на концерте SOUND UP №8. Сноб (21 кылме 2016). Тергыме кече: 12 шорыкйол 2024. Архивлыме 26 кылме 2016 ий.
  4. ↑ 1 2 Кирилл Рихтер. Новосибирская филармония. Тергыме кече: 12 шорыкйол 2024.
  5. ↑ 1 2 Рихтер Кирилл Максимович. Союз Композиторов России. Тергыме кече: 12 шорыкйол 2024.
  6. ↑ 1 2 Яковлев С. 12 апостолов: Кирилл Рихтер // Esquire : журнал. — 2017. — 15 пургыж (№ 130). Архивлыме 24 шорыкйол 2019 ий.
  7. ↑ 1 2 3 Кирилл Рихтер. 24СМИ. Тергыме кече: 12 шорыкйол 2024.
  8. ↑ 1 2 Букина Е. Кирилл Рихтер vs Павел Карманов: Мы играем музыку собственных шестеренок в мозгу. Сноб (29 пеледыш 2017). Тергыме кече: 12 шорыкйол 2024. Архивлыме 15 сорла 2018 ий.
  9. ↑ В Большом колонном зале Дома Союзов пройдет концерт Sound Up. Коммерсантъ (25 кылме 2016). Тергыме кече: 12 шорыкйол 2024. Архивлыме 24 шорыкйол 2019 ий.
  10. ↑ Гусарова Ю. Концерт Кирилла Рихтера со струнным оркестром в Храме Христа Спасителя. Сноб (16 кылме 2017). Тергыме кече: 12 шорыкйол 2024.
  11. ↑ Кирилл Рихтер, «Мальбэк», Cream Soda и другие талантливые молодые музыканты. Vogue (22 шыжа 2018). Тергыме кече: 12 шорыкйол 2024. Архивлыме 3 ага 2019 ий.
  12. ↑ Концерт Кирилла Рихтера и Richter Trio. ВДНХ. Тергыме кече: 12 шорыкйол 2024.
  13. ↑ Манижа выпустила концертный EP Russian Woman Show совместно с Кириллом Рихтером. Esquire (24 идым 2021). Тергыме кече: 12 шорыкйол 2024. Архивлыме 23 теле 2021 ий.
  14. ↑ Бобина А. Кирилл Рихтер написал симфонию по мотивам архитектуры ЖК Symphony 34. РБК (24 сӱрем 2023). Тергыме кече: 12 шорыкйол 2024.
  15. ↑ 1 2 3 Киселёва Ю. Музыка: концерт Sound Up в Доме Союзов — блиц-интервью с Кириллом Рихтером и Hauschka. Posta-magazine (30 кылме 2016). Тергыме кече: 12 шорыкйол 2024.
  16. ↑ Кирилл Рихтер. Sound Up (19 идым 2017). Тергыме кече: 12 шорыкйол 2024.
  17. ↑ Сергей Полунин: премьера перформанса The Frames. Buro 24/7 (14 теле 2018). Тергыме кече: 12 шорыкйол 2024.
  18. ↑ Петров О. Сны на пороге реальности: хореографические опыты Ильи Живого // Культура Урала : журнал. — 2020. — Октябрь (№ 8 (84)). — С. 34–39.
  19. ↑ Programmarchiv (нем.). Reeperbahnfestival. Тергыме кече: 12 шорыкйол 2024. Архивировано из оригинала 30 шорыкйол 2019 ий.
  20. ↑ Kirill Richter (англ.). Classical:NEXT. Тергыме кече: 12 шорыкйол 2024. Архивлыме 30 шорыкйол 2019 ий.
  21. ↑ Heading To The Great Escape? Here’s Who You Should Catch (англ.). Clash (18 ага 2018). Тергыме кече: 12 шорыкйол 2024. Архивлыме 30 шорыкйол 2019 ий.
  22. ↑ Kirill Richter & Richter Trio. Richter Trio. Тергыме кече: 12 шорыкйол 2024.
  23. ↑ Кирилл Рихтер написал музыкальную тему чемпионата мира по футболу для телеканала Fox Sports. Esquire (5 сӱрем 2018). Тергыме кече: 12 шорыкйол 2024. Архивлыме 25 шорыкйол 2019 ий.
  24. ↑ Andrei Savochkin. From Russia With a World Cup Theme Song (англ.). The Moscow Times (5 сӱрем 2018). Тергыме кече: 12 шорыкйол 2024. Архивировано из оригинала 24 шорыкйол 2019 ий.
  25. ↑ Черновик (2018). Кинопоиск. Тергыме кече: 12 шорыкйол 2024.
  26. ↑ «Звуки безжалостного ночного города»: у Кирилла Рихтера вышел альбом с музыкой к фильму «Подбросы». Esquire (22 кылме 2018). Тергыме кече: 12 шорыкйол 2024. Архивлыме 24 шорыкйол 2019 ий.
  27. ↑ Apple Россия. Эрмитаж. Снято на iPhone 11 Pro – 5 часов 19 минут 28 секунд одним дублем | Официальный трейлер. YouTube. Тергыме кече: 12 шорыкйол 2024. Архивлыме 23 ӱярня 2020 ий.
  28. ↑ Apple Россия. Эрмитаж. Снято на iPhone 11 Pro – кинопутешествие по великому музею. Youtube. Тергыме кече: 12 шорыкйол 2024. Архивлыме 4 вӱдшор 2020 ий.
  29. ↑ 1 2 3 Kirill Richter. deezer. Тергыме кече: 12 шорыкйол 2024.
  30. ↑ 1 2 Кирилл Рихтер. Rate your music. Тергыме кече: 12 шорыкйол 2024.
  31. ↑ Kirill Richter Official (англ.). kirillrichter.com. Тергыме кече: 3 шыжа 2025.

Кылвер-влак

"https://mhr.ruwiki.ru/w/index.php?title=Рихтер,_Кирилл_Максимович&oldid=1231474" гыч налме