Питателев, Александр Владимирович
| Александр Владимирович Питателев | |
|---|---|
| Гражданство |
 СССР  Россий |
Александр Питателев (Александр Владимирович Питателев) (Берёзово ял) — 1979—1989 ийласе Афган сарын участникше, «Афганистан ветеран-влакын Российысе ушемышт» МРО-н председательже да «Армийлан полшымо верч толкын МРО»-н председательже.
Илыш корныжо
Александр Питателев Берёзово ялеш шочын. 1976 ийыште Йошкар-Оласе 7-ше №-ан кыдалаш школым, 1978 ийыште Озаҥысе суворовский, вара Бакусо военный училищым (1982) пытарен. 1982 гыч 1984 ий марте Афганистаныште служитлен. 1988 ийыште СССР КГБ-н военный контрразведкыжын Кӱшыл школжым, 1998 ийыште Озаҥ университетым пытарен. 1999 ий марте военный службышто лийын. Кызыт мер пашаште тырша, «Афганистан ветеран-влакын Российысе ушемышт» МРО-н председательже да «Армийлан полшымо верч толкын МРО»-н председательже.
А. Питателевын усталык дебют манмыже 2002 ийыште лийын, тунам тудын «Кандагарская бригада» сылнымутан да документан повестьше савыкталтын. Афганистанысе сар нерген теме «Гордиев узел Афганистана» очеркыштыже, «Центурионы кровавого Афганистана» повестьыштыже шуйнен.
Йошкар Шӱдыр, «За заслуги перед Родиной и Отечеством» орден-влак, военный службышто да мер пашаште чолгалыкым ончыктымылан ятыр медаль дене, тыгак «За отвагу и мужество» медаль дене, чап пале да грамот-влак дене, нунын коклаште Просвещений министерствын (1987), СССР Кӱшыл Каҥаш Президиумын (1988), РМЭ Кугыжаныш Погынын (2008) да молынат грамотышт дене палемдалтын.
Тӱҥ произведенийже-влак
- Кандагарская бригада : повесть. Йошкар-Ола, 2002. 200 с.
- Гордиев узел Афганистана : худож.-док. очерк. Йошкар-Ола, 2003. 108 с.
- Центурионы кровавого Афганистана : ист. повесть. Йошкар-Ола, 2007. 344 с.
Илышыже да творчествыже нерген литератур
- Соловьёв Ю. Офицер да писатель А. Питателев // Марий Эл. 2003. 14 февр.
- Салтанова О. Перед прошлым — склони голову, перед будущим — засучи рукава // Йошкар-Ола. 2003. 12 февр.
Чап
- IV степенян «Ачамландыште суаплыклан» орден.
- Йошкар Шӱдыр орден.
- СССР Туныктымаш министерствын Чапкагазше (1987).
- РСФСР Президиум Верховный Советын Чапкагазше (1988).
- Марий Эл Республикын Кугыжаныш Погынын Чапкагазше.