Панов, Игорь Иванович

РУВИКИ-ште тыгай тукымлӱм дене вес еҥ нерген статьям лудаш лиеш: Панов.

Игорь Иванович Панов
Шочмо кече	2 шыжа 1960(1960-10-02) (65 ий)
Шочмо вер	Орешное[d], Манский район[d], Красноярск край, РСФСР, СССР
Гражданлык	СССР →  Россий
Паша сомыл	педагог, краевед
Награде да премий	Марий Эл Республик туныктымашын сулло пашаеҥже (2010) РФ Президент Премийын лауреатше — РФ-ын эн сай туныктышыжо конкурсын сеҥышыже (2006, 2011)

И́горь Ивáнович Панóв (шоч. 2 шыжа 1960, Орешное^[d], Манский район^[d], Красноярск край, РСФСР, СССР) ― совет да российысе туныктышо, шанчым чапландарыше, краевед, Россий краевед-влак ушемын йыжыҥъеҥже. 2 №-ан Медведево кыдалаш школышто историйым туныктышо (1988 ий гыч), Марий Эл Республикысе 3 №-ан Медведево кыдалаш школ негызеш археологий тоштерым чумырышо да тудын вуйлатышыже (2003). Россий Федерацийын сулло туныктышыжо (2003), Россий калык просвещенийын отличникше (1995). Кок гана РФ Президент Премийын лауреатше — РФ-ын эн сай туныктышыжо конкурсын сеҥышыже (2006, 2011).

Илыш корныжо

1960 ий 2 октябрьыште Красноярск край Орешное посёлкышто шочын.

1971 ий марте Орешное тӱҥалтыш школышто, вара Марий АССР-ысе Руэм кыдалаш школышто тунемын. 1985 ийыште Н. К. Крупская лӱмеш Марий педагогике институтын историй факультетшым тунем пытарен. Педагогике шанче кандидат шанче степеньым налаш 1992 ийыште Москошто Российысе туныктышо-влакын шинчымашыштым нӧлтышӧ институт пелен (РИПКРО) 2-ияш курсым тунем пытарен.

1985―1987 ийлаште Марий АССР-ысе Шеклянур тичмаш огыл кыдалаш школын историй туныктышыжлан, тунемме паша шотышто директорын алмаштышыжлан тыршен. 1988 ий гыч ― Марий АССР-ын / Марий Эл Республикын 2 №-ан Медведево кыдалаш школышто историйым туныктышо. Кӱшыл категориян туныктышо (1991). 2007 ий гыч школысо археологий кружокым вуйлата: самырык археолог-влак 23 экспедицийыште, 6 археологий слётышто лийыныт.

Тидын дене пырля 1986―2014 ийлаште Марий Элысе Медведево район Йоча усталык пӧрт пелен ешартыш шинчымашым пуышо туныктышылан тыршен.

2003 ийыште Марий Эл Республикын 3 №-ан Медведево кыдалаш школ негызеш археологий тоштерым чумырен да тудын вуйлатышыже лийын.

2011 ийыште Россий краевед-влак ушемын да Пӱтынь российысе историй да обществоведений туныктышо-влак ассоциацийын йыжыҥъеҥже лийын.

Шуко ияш лектышан пашажлан 2003 ийыште «Россий Федерацийын сулло туныктышыжо» чаплӱмым пуымо. 2010 ийыште «Марий Эл Республик туныктымашын сулло пашаеҥже» чаплӱмым налын.

Кок гана РФ Президент премийын лауреатше — РФ-ын эн сай туныктышыжо-влак конкурсын сеҥышыже (2006, 2011).

Пагалымаш

• Россий Федерацийын сулло туныктышыжо (2003);
• Марий Эл Республик туныктымашын сулло пашаеҥже (2010);
• Россий Федераций калык просвещенийын отличникше (1995);
• РФ Президент премийын лауреатше — РФ эн сай туныктышыжо-влак конкурсын сеҥышыже (2006, 2011).

Палемдымаш

Литератур

• Панов Игорь Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 273. — 2032 экз. — ISBN 5-87898-357-0.
• Панов Игорь Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 610. — 872 с. — 3505 экз. — ISBN 978-5-94950-049-1.
• Мочаев В. А. Панов Игорь Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 328. — 606 с. — 1500 экз. — ISBN 978-5-905314-35-3.

Кылвер-влак

• Музей Марийского государственного университета. Панов Игорь Иванович.
• Медведевский школьный археологический музей. Панов Игорь Иванович.
• Газета «Марийская правда». 23.06.2006. Репина В. Искатель тайн.
• Медведевские школьники «путешествуют» во времени.