Мландаван тӱнямбал кечыже
| Мландаван тӱнямбал кечыже | |
|---|---|
 Мландын тистыже | |
| Тӱрлылык | Экологий |
| Ыҥ | Мландын экокышкарже каура манын айдемылан тӱткӧ да туддек перегыше лияш тараташ. |
| Ышталтын | 2009 ийыште |
| Ыштыше | ООН-ын Генерал Ассамблейже |
| Кече | 22 вӱдшор |
| Кылдалтын | Пушеҥгым шындыме кече дене (очыни) |
Мландаван тӱнямбал кечыже — ( ООН-ын моло официал йылмыла дене: англ. International Mother Earth Day, араб. اليوم الدولي لأمنا الأرض, исп. Día Internacional de la Madre Tierra, кит. 国际地球母亲日, фр. Journee internationale de la Terre nourriciere ) 2010 ий гыч тӱҥалын, ий еда 22 апрельыште палемдалтеш. ООН-ын Генерал Ассамблейже 2009-ше ийыште пеҥгыдемден (A/RES/63/278 № резолюций).
Резолюцийыште палемдыме: «Мландаава» терминым шуко эллаште палат, тиде планете, тудын экокышкарже да еҥ-влак коклаште пеҥгыде кыл улмым ончыкта.
Генерал Ассамблей ООН-ышто улшо чыла кугыжаныш-влаклан, тӱнямбал да правительствысе огыл организаци-влаклан Мландаван тӱнямбал кечыжым пайремлаш темлышыла, тӱткышым тидлан ойыра: Мланаван пайрем кечыже ятыр эллаште ий еда палемдалтеш.
Южо увер почеш, тиде тӱнямбал кече, ондак США-ште палемдалтше, Пушеҥгын кечыже негызеш шочын.
Мланаван тӱнямбал кечысе теме-влак
- 2019 ий — «Арален налза мемнан сыннам»
- 2016 ий — «Пушеҥге-влак Планетылан»
- 2015 ий — «Жап тӱҥалтышым шке кидыш налаш»
Тыгак ончо
- Мландын шагатше
- Симон кече але Мландын шочмо кечыже