Мироносице монастырь

РУВИКИ — эрыкан энциклопедий гыч материал
Монастырь
Мироносице ӱдыр монастырь
Мироносице пустынь
Tserkovezhovo.jpg
56°42′44″ с. ш. 48°07′10″ в. д.GЯO
Эл  Россий
Республик Марий Эл,
Медведево вел, Ежово
Конфессий Православий
Епархий Йошкар-Оласе
Тӱрлылык Ӱдыр
Негызлалтын 1647 ий
Тӱҥ дате-влак
  • 1647 — негызлыме
  • 1652 — кӱ черкым чоҥымо
Статус Объект культурного наследия народов РФ (Марий Эл) Россий калыкын тӱвыра югыпого объектше. Объект № 1210005000 (БД Викигида)
Состояний пашам ышта
Логотип РУВИКИ.Медиа РУВИКИ.Медиаште медиафайл-влак

Мироносице ӱдыр монастырь — (Мироносице пустынь, тыгак Ежово-Мироносицкий монастырь) — Марий Элысе ӱдыр монастырь. Руш православий черкын Йошкар-Оласе епархийжын кучемыштыже улеш. 1647 ийыште негызлыме.

Верланымаш

Монастырь Марий Эл Республикысе Медведево вел Ежово селан рӱдыштыжӧ, Йошкар-Ола воктен, Йошкар-Ола — Шернур корно деч 1,5 уштыш ӧрдыжтӧ верланен.

Эртымгорно

Марий кундемыште черке-влакым чоҥымо пашам 1552 ийыште, Озаҥым сеҥен налме деч вара, тӱҥалме. Чарла уездысе Ежово селаште Ежово-Мироносицк монастырьым чоҥымаш Алексей Михайлович кугыжан кӱкшӧ кӱштыкшӧ почеш шукталтын да ончыкылык чоҥымо верыште Тамле пуш ден тынысым кондышо вате-влаклан (руш. жёны-мироносицы) пӧлеклалтше юмоҥан кончымыж нерген калык ой дене кылдалтын. Юмоҥам 1647 ийыште Моско кугыжа деке кондымо, вараже монастырьын черкыштыже вераҥдыме. Кажне ийын 23 июньышто да 21 июльышто (у стиль дене 6 июльышто да 3 августышто) монастырьыште ырес дене кумал коштмаш эрта: 23 июньышто — Ежово селасе часамлаште, а 21 июльышто — монастырьысе юкуатан юмоҥа дене Чарлаште (кызыт — Йошкар-Ола). Юмоҥа олаште 23 август (5 сентябрь) марте кодын[1].

Монастырь 1647 ийыште ондак пӧръеҥ илем (монастырь, пустынь) семын негызлалтын[2].

Тамле пуш ден тынысым кондышо шнуй вате-влакын, Утарышын кид дене огыл ыштыме Сынже да Архангел Михаил лӱмешышт шелыкан кӱ черкым 1719 ийыште чоҥен шуктеныт.

1764 ийыште, Екатерина II-ын черке погым поген налме реформыж годым Мироносице пустынь штатдыме (шке окса кӱшеш илыше) монастырь радамыш пурталтын.

Октябрь революций деч вара монастырьым петыреныт, тудым Марий совхоз-техникумын ачалыше мастерскойжо семын кученыт[3].

1994 ий 1 ноябрьыште ӱдыр монастырь семын уэш почылтын.

Архитектур

Мироносице монастырьын кумдыкыштыжо тыгай черке да оралте-влак верланеныт:

  • Тамле пуш ден тынысым кондышо шнуй вате-влакын черкышт[4] — 1652 ийыште кӱ дене чоҥымо, кок пачашан ныл престолан черке, уэмден чоҥымо огыл, Марий кундемыште аралалт кодшо кокла гыч эн тошто;
  • Монах-влакын оралтышт;
  • Часамла;
  • Игуменьян пӧртшӧ.

Аралыме паша

Ежово-Мироносиц монах-влакын илемыштышт 1652 ийыште чоҥымо черке федерал ыҥан тӱвыра поянлыкын (историй да тӱвыра шарныктыш) погыжо улеш[5]. Аралышаш статусым 04.12.1974 кечын 624 №-ан РСФСР-ысе Министр-влак Каҥашын пунчалже дене пуымо[3][6].

Верым кучышо оза-влак

Пӧръеҥ монастырь[7][8]
  • Нафанаил, игумен (—1712)
  • Иоасаф, игумен (1713—1720—)
  • Пимен, игумен (1727—1735)
  • Макарий, игумен (1735—1738)
  • Дорофей, игумен (1738—1744)
  • Самуил, игумен (1744—1749)
  • Герасим, игумен (1749—1760)
  • Димитрий, игумен (1762—1765)
  • Гедеон, игумен (—1844—)
  • Пантелеимон[9] (—1903—)
  • Сергий, игумен
  • Варсонофий, архимандрит (1944 ий 24 июньышто колен), илемын пытартыш озаже. Яраҥысе Вознесений шӱгарлаште тудын тойыдымо шӱгарже (кенотафше) уло.
Ӱдыр монастырь
  • Варнава (Колчина), игумения

Палемдымаш

  1. ↑ Поповицкий Е.А. Православные русские обители: Полное иллюстрированное описание всех православных русских монастырей в Российской империи и на Афоне. — СПб.: Издательство Сойкина П.П., 1909. — 712 с.
  2. ↑ ЭСБЕ, 1890—1907.
  3. ↑ 1 2 Объект культурного наследия № 1210005004 // Реестр объектов культурного наследия Викигида. Дата обращения: 2017-03-09.
  4. ↑ Справочная книга Казанской епархии. — Казань: Казан. духов. консистория. — 1904 г. — С. 760—761.
  5. ↑ Постановление Правительства Республики Марий Эл от 22.01.2013 № 14 «Об утверждении границ территории и границ зон охраны объекта культурного наследия (памятника истории и культуры) народов Российской Федерации федерального значения „Церковь Ежово-Мироносицкого монастыря, 1652 г.“, режимов использования земель и градостроительных регламентов в границах данных зон».
  6. ↑ Постановление Совмина РСФСР от 04.12.1974 № 624 «О дополнении и частичном изменении Постановления Совета Министров РСФСР от 30 августа 1960 г. № 1327 „О дальнейшем улучшении дела охраны памятников культуры в РСФСР“».
  7. ↑ Пегенеева И. А. Монастырское хозяйство в Марийском крае в XVIII веке (По данным приходно-расходных книг Мироносицкой пустыни Царевококшайского уезда) // Археографический вестник.— № 11.— Йошкар-Ола, 2001.— С.23.
  8. ↑ Иванов А. Г., Пегенеева И. А. Приходно-расходные книги Мироносицкой пустыни Царевококшайского уезда 1712—1723 гг. // Археографический вестник.— № 9.— Йошкар-Ола, 1999.— С.159—169 и № 10.— Йошкар-Ола, 2000.— С.159—201.
  9. ↑ Николай (Касаткин), святитель. Дневник святого Николая Японского: в 5 т. / Составитель Кжноскэ Накамура. — М.,: ГИПЕРИОН, 2004. — С. 789. — 976 с. — ISBN ISBN 5-89332-094-8 (IVт.).

Литератур

  • Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 543—544. — 872 с. — 3505 экз. — ISBN 978-5-94950-049-1.
  • Мироносицкая пустынь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Малов Е. А. Мироносицкая пустынь Казанской епархии: История пустыни и современное её состояние. — Казань: изд. Мироносицкой пустыни, 1896.
  • Строев П. М. Списки иерархов и настоятелей монастырей Российской Церкви.- С.-Петербург, 1877

Кылвер-влак

"https://mhr.ruwiki.ru/w/index.php?title=Мироносице_монастырь&oldid=1232587" гыч налме