Матвеев, Геннадий Константинович

РУВИКИ-ште тыгай тукымлӱм дене вес еҥ нерген статьям лудаш лиеш: Матвеев.

Геннадий Константинович Матвеев
Шочмо кече	21 сорла 1908
Шочмо вер	Какшанмучаш, Яранский уезд, Виче губерний, Россий империй
Колымо кече	23 шорыкйол 1996
Колымо вер	Киев Украина
Эл	Россий империй  СССР →  Украине
Шанче алан	юриспруденций
Паша вер	Озаҥысе юридический институт, Киевысе кугыжаныш университет
Образований	Озаҥысе университет
Шанче степень	юридический шанче доктор
Шанче званий	профессор
Награде ден премий-влак

Генна́дий Константи́нович Матве́ев (укр. Геннадій Костянтинович Матвєєв); 21 сорла 1908, Пектубай, Виче губерний — 23 шорыкйол 1996, Киев) — совет да украин шанчызе, юридический шанче доктор (1951), профессор (1953). Граждан, еш да тӱнямбал частный права проблемым шымлен. 100 утла шанче пашан, тыгак монографий-влакын, авторжо лийын.

Илыш корно

8 сорла 1908 ийыште Виче губернийысе Пектубаево ялеш, кызыт Марий Эл Республикысе У Торъял кундем, шочын.

1918 ийыште, ачажын колымыж деч вара, рвезе йоча пӧртыш логалын. 1925 ийыште кыдалаш школым тунем пытарен, икмыняр жап тӱрлӧ пашаште тыршен.

Шинчымаш

1928 ийыште Озаҥысе университетын юридический факультетышкыже тунемаш пурен, тудым 1933 ийыште тунем пытарен да тиде университетынак аспирантурыштыжо тунеммым шуен. 1935 ийыште аспирантур гыч Озаҥысе юридический институтын гражданский права кафедрышкыже туныктымо пашаш ӱжыктеныт (1931 ийыште Озаҥысе университетын юридический факультетше гыч Совет права институт семын ышталтын, 1952 ийыште расформироватлыме лийын). 1939 ийыште гына Всесоюзный юридический шанче институтышто «Договорной эҥгекым петырымаш» теме дене кандидатлык диссертацийым арален. 1951 ийыште СССР Шанче академийын Кугыжаныш да права институтышто «Титак совет права шотышто гражданско-правовой ответственность негыз семын» теме дене докторлык диссертацийым арален

Пашаже

1938 ий сентябрьыште Геннадий Константиновичым Киевысе кугыжаныш университетыш (кызыт Тарас Шевченко лӱмеш Киев национальный университет) пашаш кусареныт. Кугу Ачамланде саре лийын, тушечын 1946 ийыште демобилизоватлалтын. Киевыш пӧртылмеке, Киев университетыште пашажым шуен, юридический факультетын деканже лийын (1949). КПСС член-влак коклаште лийын. Сулен налме канышыш лекмеке, Киевысе кугыжаныш университетлан 50 ий утла илышыжым пӧлеклымек, профессор-консультант должностьышто туныктымо пашам шуяш кодын. Тӱнямбал кыл да тӱнямбал права факультетыш куснен, тушто йот элысе студент-влак дене пашам ыштен. Краковышто, Прагыште, Лейпцигыште, Римыште, Флоренцийыште лекций ден доклад-влакым лудын, Парижыште да Гаагыште тӱнямбал конференцийлаште участвоватлен.

Тӱнямбал частный праван киев школлан негызым пыштен. СССР союз республикыласе гражданский законодательствын негызшылан, Украинысе ССР-ын Гражданский кодексшылан да УССР-ын еш да мужыр илыш нерген кодексшылан проект-влакым ямдылымаште участвоватлен.

Г. К. Матвеев мер пашамат вӱден. 1947 ийыште Украин ССР Кӱшыл судын гражданский коллегийын членжылан сайлалтын, тудын составыштыже, туныктымо пашам кодыде гыч, 1952 ий марте пашам ыштен. Медаль-влак дене палемдалтын, тыгак Сарзылык суаплан медаль денат.

1996 ий 23 январьыште Киевыште колен. Тудын эргыже — Матвеев Юрий Геннадьевич, шанчызе-правовед лийын.

Палемдымаш

Литератур

• Генадій Костянтинович Матвєєв — вірний лицар цивілістики (укр.) // Право Украины (журнал) : журнал. — 2011. — № 5. — С. 309—312. — ISSN 0132-1331.

Кылвер-влак

• МАТВЄ́ЄВ Геннадій Костянтинович (укр.)
• Профессор Г. К. Матвеев. 100 лет со дня рождения
• Истинный профессор от юриспруденции