Марий Эл Телерадио
| Государственное автономное учреждение культуры Республики Марий Эл «Марий Эл Телерадио» | |
|---|---|
| ГАУК «МЭТР» | |
 | |
| Официал йылме-влак | руш, марий |
| Вуйлатыше | |
| Директор | Фоминых Ирина Алексеевна |
| Отрасль | телевидений[d] да радиовещаний[d] |
| Сайт | metr12.ru |
 |
|
Мари́й Эл Респу́бликысе «Марий Эл Телера́дио» кугыжа́ныш автоно́м тӱвыра́ тӧне́ж (кӱчыкын «МЭТР» ГАУК) — Марий Эл Республикыште радио да телевещаний аланыште пашам ыштыше кугыжаныш тӧнеж.
Историй
«Марий Эл Телерадио» республикысе телеканал 2018 ий 16 апрельыште вещанийым тӱҥалын. Тудо «Регион 12» телеканалым алмаштен[1].
Тӧнежым Марий Эл Республикысе тӱвыра, печать да калык-влакын пашашт шотышто министерстве негызлен[2].
Паша
Марий Эл Телерадио Марий Эл Республикын илышыжым ончыкта, калык-влак кокласе икоян улмылан, шӱлыш поянлыклан, шочмо верым йӧратымашлан, патриотизмым пеҥгыдемдымылан да историй шарнымашым аралымылан посна тӱткышым ойыра.
«Марий Эл Телерадион» структуржо
- «МЭТР» телеканал — Марий Эл Республикын кумдыкыштыжо чыла кабель телевидений оператор-влакын сетьыштышт 21-ше телевизионный каналыште йӱдшӧ-кечыже пашам ыштыше телевещаний. «МЭТР» тӱрлӧ программым темла: увер выпуск да мер-политике теме дене вашмутланымаш-влак гыч тӱҥалын тӱвыра-сотемдарыше передаче да куандарыше контент марте[3].
- «МЭТР FM» радиостанций — Pop Rock форматан музык радиостанций. Тест режим дене вещанийым 2019 ий сентябрьыште тӱҥалын[4]. 2020 ий февраль гыч штат режим дене пашам ышта.
- «Марий Эл Радио» радиостанций — марий тӱвырам аралыме да вияҥдыме шонымаш дене платформым темла, марий йылме дене музык произведенийым, фольклор программым, сылнымут лудмашым да увер блок-влакым транслироватла. Эфир вещанийым 2005 ийыште тӱҥалын[5].
Вуйлатыше-влак
- Талова Светлана Геннадьевна (2017—2019);
- Фоминых Ирина Алексеевна (2019 ий гыч)[5].
Адрес
- Россий, Марий Эл Республик, Йошкар-Ола, Царьградский проспект, 37.
Суаптар-влак
- «Диво России» турист видеопрезентаций-влакын конкурсыштышт «Телевизионный репортаж» категорийыште II степенян диплом (2023);
- «Мый марий улам» документал фильм дене «Телевидение» номинацийыште XV Россий кӱкшытан «СМИротворец-2023» конкурсын шӧртньӧ медальже[6];
- «Марий Эл Республикыште тӱвыра илышым ончыктымо аланыште эн сай паша» номинацийыште Марий Элысе виктерын премийже (2024)[7];
- «Кугыжаныш калыкле политикым информаций велым эскортироватлымашке надырлан» номинацийыште VI Россий кӱкшытан «Гордость Нации — 2025» мер премийын округысо этапшын сеҥышыже (2025)[8].
Палемдымаш
- ↑ Телеканал «Марий Эл Телерадио» начал вещание в Марий Эл, 2018-04-16, <https://kidsher.ru/ru/news/15332/>. Тергыме: 26 кылме 2025.
- ↑ «МЭТР» станет обязательным круглосуточным региональным телеканалом Марий Эл, <https://www.marpravda.ru/news/vsja-respyblika/metr-stanet-kruglosutochnym-regionalnym-kanalom-mariy-el/>. Тергыме: 26 кылме 2025.
- ↑ Жители Марий Эл смогут увидеть передачи МЭТРа на федеральном телеканале, <https://www.marpravda.ru/news/vsja-respyblika/zhiteli-mariy-el-smogut-uvidet-peredachi-telekanala-metr-na-federalnom-telekanale/>. Тергыме: 26 кылме 2025.
- ↑ В Марий Эл начнет вещание новая радиостанция "МЭТР-FM", <https://www.marpravda.ru/news/gorod/v-mariy-el-nachnet-veshchanie-novaya-radiostantsiya-metr-fm/>. Тергыме: 26 кылме 2025.
- ↑ 1 2 Марий Эл Телерадио (телерадиокомпания), 2023-10-17, <https://kidsher.ru/ru/dossier/22852/>. Тергыме: 26 кылме 2025.
- ↑ Телеканал «МЭТР» из Марий Эл завоевал золото во Всероссийском конкурсе «СМИротворец-2023», <https://www.marpravda.ru/news/vsja-respyblika/telekanal-metr-iz-mariy-el-zavoeval-zoloto-vo-vserossiyskom-konkurse-smirotvorets-2023/>. Тергыме: 26 кылме 2025.
- ↑ Телеканал МЭТР получил премию правительства Марий Эл за лучшее освещение культурной жизни республики, <https://metr12.ru/telekanal-metr/news/29410-telekanal-mjetr-poluchil-premiju-pravitelstva-marij-jel-za-luchshee-osveschenie-kulturnoj-zhizni-respubliki.html>. Тергыме: 26 кылме 2025.
- ↑ Три проекта из Марий Эл стали победителями и призерами премии «Гордость Нации – 2025», <https://www.marpravda.ru/news/zhizn-v-mariy-el/tri-proekta-iz-mariy-el-stali-pobeditelyami-i-prizerami-premii-gordost-natsii-2025/>. Тергыме: 26 кылме 2025.