Лебедев, Аркадий Григорьевич

Аркадий Григорьевич Лебедев
Аркадий Григорьевич Лебедев
Шочмо кече	19 шыжа 1933
Шочмо вер	Пекшиксола, Медведево район, Марий Автоном Совет Социализм Республик, РСФСР[d], СССР;
Колымо кече	21 шорыкйол 2018 (84 ий)
Колымо вер	Моско, Россий;
Гражданстве	СССР → Россий
Жанр	батальный жанр, портрет, пейзаж, натюрморт, графике
Тунеммаш	Кубаньысе кугыжаныш университет; В. И. Ленин лӱмеш Сар-политике академий
Чаплӱм

Аркáдий Григóрьевич Лéбедев (19 шыжа 1933, Пекшиксола, Марий Автоном Совет Социализм Республик — 21 шорыкйол 2018, Моско) ― совет да российысе сӱретче, сӧрастарыше сӱретче, график-сӱретче. В. И. Ленин лӱмеш Сар-политике академийын тӱвыра да сымыктыш кафедрыжым ыштыше-влак кокла гыч иктыже, тудын кугурак туныктышыжо (1974―1988), СССР / РФ Сарзе Вийын Рӱдӧ тоштержын тӱҥ сӱретчыже (1988―1997). РСФСР тӱвыран сулло пашаеҥже (1976), Россий Федераций сымыктышын сулло пашаеҥже (1997).

Илыш корныжо

1933 ий 19 октябрьыште кызытсе Марий Элын Медведево район Пекшиксола ялысе^[1] кресаньык ешеш шочын^[2]^[3].

1952 ийыште Марий тӱвыра да шинчымаш школым, 1954 ийыште ― Ленинградысе 1-ше артиллерий училищым тунем лектын. 1956 ий гыч ― Совет Армийыште тӱвыра пашаеҥ: Арменийыште, Турций чек воктене, вара Польшышто служиен, лейтенант. Арменийыште ончыкылык пелашыже Тамара Никитична дене палыме лийын, тудо Брянск область гыч лийын да Ленинаканысе кӱртньыгорно техникумышто тунемын^[4].

1966 ийыште Кубаньысе кугыжаныш университетым (руш.) (мар. тунем лектын^[2]^[3].

1972 ийыште В. И. Ленин лӱмеш Сар-политике академийым тунем пытарен, 1974 ий гыч ― тиде академийын тӱвыра да сымыктыш кафедрыжым ыштыше-влак кокла гыч иктыже да кугурак туныктышыжо, подполковник^[2]^[3].

1988 ий гыч СССР / РФ Сарзе Вийын Рӱдӧ тоштерыштыже тӱҥ сӱретчылан пашам ыштен^[2]^[3].

2018 ий 21 январьыште Моско олаште колен. Марий Элысе Медведево район Пиясир шӱгарлаште тойымо^[5].

Сӱретсымыктыш усталыкше

Икымше сӱретлыме урок-влакым палыме марий сӱретче Б. Осипов деч налын^[2]^[3].

Тӱҥ шотышто баталист-сӱретче, портретым да пӱртӱс сӱретым сӱретлыше семын пашам ыштен. Икмыняр лу сарзе тоштерым сӧрастарен, нунын коклаште 1995 ийыште ― Москошто маршал Г. Жуковын тоштержым. Армийысе савыктышлан, тыгодым «Красная Звезда» газетлан ыштыме график пашаже-влак дене палыме лийын^[2]^[3].

Сӱретсымыктыш усталыкше книга ден шымлымаш пашалаште, мутлан, «Идейные и художественные принципы наглядной агитации» книгаште ончыкталтыныт^[6].

СССР-ын ятыр олаштыже, тидын шотыштак Москошто, шуко ончерын авторжо да участникше. Тудын пашаже-влак Моско, Рязань, Калининград, Белгород, Йошкар-Оласе сарзе тоштерлаште аралалтыт. 2001 ийыште Брюссельысе Cылне сымыктыш кугыжа тоштерын йодмо почеш «Курская битва. Уроки истории» радынам ыштен^[2]^[3].

Тунемше да почешыже кайыше тукымым куштен: тудын кум тукым шольыжо шке илышыжым монументальный скульптур ден живописьлан пӧлеклен. Нунын кокла гыч иктыжын — архитектор Сергей Сухоруковын — пашаже Михаил Архангеллан кугу монумент Сочин рӱдӧ площадьыштыже шога.

Пагалымаш

РСФСР тӱвыран сулло пашаеҥже (руш.) (мар. (1976)^[2]^[3];
Россий Федераций сымыктышын сулло пашаеҥже (1997)^[2]^[3].

Палемдымаш

↑ Информационный ресурс Республики Марий Эл "12rus.ru" :: Медведевский район (неопр.). www.12rus.ru. Тергыме кече: 15 идым 2025. Архивлыме 12 вӱдшор 2023 ий.
↑ ¹ ² ³ ⁴ ⁵ ⁶ ⁷ ⁸ ⁹ Мочаев, 2007, с. 209.
↑ ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 478.
↑ Сто Личность :: Художник и его муза (неопр.). www.100lichnost.ru. Тергыме кече: 15 идым 2025. Архивлыме 12 вӱдшор 2023 ий.
↑ [https://web.archive.org/web/20191217041732/https://painters.artunion.ru/2-12-1.htm Единый реестр профессиональных художников Российской империи, СССР, «русского зарубежья», Российской Федерации и республик бывшего Советского Союза (XVIII–XXI вв.) | живописцы, графики, плакатисты, театральные художники, батичисты, иллюстраторы, мультипликаторы, скульпторы, ювелиры, керамисты, фарфористы, авторы инсталляций и др. | Профессиональный союз художников России. Председатель - академик С.В. Заграевский / Ла – Ле] (неопр.). web.archive.org. Тергыме кече: 15 идым 2025.
↑ Идейные и художественные принципы наглядной агитации - Лебедев Аркадий Григорьевич. — 1979. Архивировано 12 вӱдшор 2023 года.

Литератур

Колесников А. Ю. Лебедев Аркадий Григорьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 209. — 2032 экз. — ISBN 5-87898-357-0.
Лебедев Аркадий Григорьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 478. — 872 с. — 3505 экз. — ISBN 978-5-94950-049-1.
Мочаев В. А. Лебедев Аркадий Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 249. — 606 с. — 1500 экз. — ISBN 978-5-905314-35-3.

[1] Информационный ресурс Республики Марий Эл "12rus.ru" :: Медведевский район (неопр.). www.12rus.ru. Тергыме кече: 15 идым 2025. Архивлыме 12 вӱдшор 2023 ий.

[_594f1e2b566bd60a-2] ¹ ² ³ ⁴ ⁵ ⁶ ⁷ ⁸ ⁹ Мочаев, 2007, с. 209.

[_a0dd23b7b8a57d6d-3] ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 478.

[4] Сто Личность :: Художник и его муза (неопр.). www.100lichnost.ru. Тергыме кече: 15 идым 2025. Архивлыме 12 вӱдшор 2023 ий.

[5] [https://web.archive.org/web/20191217041732/https://painters.artunion.ru/2-12-1.htm Единый реестр профессиональных художников Российской империи, СССР, «русского зарубежья», Российской Федерации и республик бывшего Советского Союза (XVIII–XXI вв.) | живописцы, графики, плакатисты, театральные художники, батичисты, иллюстраторы, мультипликаторы, скульпторы, ювелиры, керамисты, фарфористы, авторы инсталляций и др. | Профессиональный союз художников России. Председатель - академик С.В. Заграевский / Ла – Ле] (неопр.). web.archive.org. Тергыме кече: 15 идым 2025.

[6] Идейные и художественные принципы наглядной агитации - Лебедев Аркадий Григорьевич. — 1979. Архивировано 12 вӱдшор 2023 года.

[1]

[2]

[3]

[4]

[5]

[6]