Кузьмин, Евгений Петрович

РУВИКИ — эрыкан энциклопедий гыч материал
Евгений Петрович Кузьмин
Кузьмин, Евгений Петрович.jpg
Марий Эл Республик виктер председательын икымше алмаштышыже
2022 ий 1 июль — 2024 ий 9 октябрь
Шочын 3 шорыкйол 1977(1977-01-03) (49 ий)
Шинчымаш
Награде

Евге́ний Петро́вич Кузьми́н (шоч. 3 шорыкйол 1977, Усурт, Марий Автоном Совет Социализм Республик) — россий кугыжаныш пашаеҥ, историк. 2022 ий 1 июль гыч 2024 ий 9 октябрь марте Марий Эл Республик виктер председательын икымше алмаштышыже. Юл кундемысе кугыжаныш технологий университетын вуйлатымаш да права факультетын вуйлатымаш да права кафедрын профессоржо, Марий кугыжаныш университетыште ачамланде истоорий кафедрын доцентше. Историй шанче кандидат.

2025 ий 25 сентябрь гыч — «Йошкар-Ола» ола округ вуйлатышын сомылжым жаплан шуктышо.

Илыш корныжо

1977 ий 3 январьыште Марий АССР Морко кундем Усурт ялеш шочын. 2000 ийыште Марий кугыжаныш университетын историй пӧлкажым, 2003 ийыште аспирантурым тунем пытарен[1][2][3].

2004 гыч 2007 ий марте Йошкар-Оласе историй тоштерын шанче пашаеҥжылан пашам ыштен, 2007 гыч 2009 ий марте В. М. Васильев лӱмеш Йылмым, сылнымутым да историйым шымлыше марий институтышто тыгаяк должностьышто лийын. 2009 ийыште МарНИИЯЛИ директорын алмаштышыжлан шогалтыме[1][2].

2014 ий гыч Евгений Кузьмин Марий Эл Республикын Марий Эл Республикысе Т. Евсеев лӱмеш калыкле тоштерыште шанче паша шотышто директорын алмаштышыже лийын[1][2].

2017 ийыште В. М. Васильев лӱмеш Йылмым, сылнымутым да историйым шымлыше марий институтын директоржылан шогалтыме[1][2]. Тиде пашам 2022 ий 30 июнь марте шуктен[1].

2019 ийыште Марий Эл Республикысе Кугыжаныш Погын  (руш.) (мар. председательын алмаштышыжлан сайлалтын[1][2].

2022 ий 1 июль гыч 2024 ий 9 октябрь марте Марий Эл Республик виктер председательын икымше алмаштышыже лийын[1][2][4].

2024 ий 10 октябрьыште Марий Эл Вуйлатышын Российын у кумдыкшо-влак дене вашкыл кучымо шотышто ойпуышыжлан шогалтыме.

2025 ий 25 сентябрьыште «Йошкар-Ола» ола округ вуйлатышын сомылжым жаплан шукташ ӱшаныме[5].

«Единая Россия» партийын йыжыҥъеҥже, 2022—2024 ийлаште «Единая рОссия» партийын Марий кундемысе пӧлкаштыже секретарьлан тыршен[1][6].

Мер паша

Евгений Кузьмин Йошкар-Олан «Они защищали Родину» (2002—2005) да Йошкар-Олан «Они ковали Победу» (2007—2010) Шарнымаш книга-влакым ямдылыше пашаче тӱшкам вуйлатен. Марий Эл Республикыште Российысе сарзе-историй ушемын регионысо пӧлкажын председательже[1].

Тыгак Кузьмин регионысо икмыняр комиссий ден каҥашын йыжыҥъеҥже улеш:

  • Марий Эл Республик вуйлатыше пелен политике репрессийлан кӧра эҥгекыш логалше-влакын праваштым аралыме шотышто комиссий;
  • Марий Эл Республик вуйлатыше пелен инноваций разработко ден технологий-влакым илышыш шыҥдарыме шотышто каҥаш;
  • Марий Эл Республик вуйлатыше пелен юмыйӱла ушем-влак дене кылым кучымо шотышто каҥаш;
  • Марий Эл Республикысе вуз ректор-влакын каҥашышт;
  • Марий Эл Республикын Калыкле кугыжаныш политикын концепцийжым илышыш пуртымо шотышто виктерысе комиссийже;
  • Российысе историк-архивист-влак ушемын Марий кундемысе пӧлка правлений;
  • Марий Эл Республикын вуйлатышыж пелен Марий Эл Республикын сылнымут, сымыктыш, архитектур, шанче да техник аланыште Кугыжаныш премий-влак шотышто комиссий[1].

Суаптар-влак

  • Марий Эл Республик Виктерын Чаптаныкше;
  • Марий Эл Республик президентын таумутшо;
  • Марий Эл Республикысе Кугыжаныш премийын лауреатше;
  • «Калыклан служитлымаш» шарныктыш медаль;
  • Марий Эл Республикысе Кугыжаныш Погынын Чапкагазше;
  • «Йошкар-Ола» ола округ администрацийын Чаптаныкше;
  • Марий Эл Республикын Тӱвыра, печать да калык-влак пашашт шотышто министерствын Чапкагазше;
  • «Сар да сарзе ветеран-влакын Пӱтынь российысе мер толкыныштлан 50 ий» лӱмгечылык мер медаль[1].

Палемдымаш

  1. ↑ 1 2 3 4 5 6 7 8 9 10 11 Директор МарНИИЯЛИ Е.П Кузьмин назначен первым заместителем председателя правительства Республики Марий Эл. Чувашский государственный институт гуманитарных наук (4 сӱрем 2022). Тергыме кече: 2 шыжа 2025.
  2. ↑ 1 2 3 4 5 6 Кузьмин Евгений Петрович, 2022-06-30, <https://kidsher.ru/ru/dossier/37698/>. Тергыме: 2 шыжа 2025. 
  3. ↑ Официальный сайт Госсобрания Республики Марий Эл. old.gsmari.ru. Тергыме кече: 2 шыжа 2025.
  4. ↑ Инна Ямщикова (30.06.2022), Врио Главы Марий Эл Юрий Зайцев подписал Указ о назначении Евгения Кузьмина первым заместителем Председателя Правительства республики, <https://www.marpravda.ru/news/sociym/vrio-glavy-mariy-el-yuriy-zaytsev-podpisal-ukaz-o-naznachenii-evgeniya-kuzmina-pervym-zamestitelem-p/>. Тергыме: 2 шыжа 2025. 
  5. ↑ Евгений Кузьмин назначен врио главы городского округа «Город Йошкар-Ола», <https://metr12.ru/telekanal-metr/news/39982-evgenij-kuzmin-naznachen-vrio-glavy-gorodskogo-okruga-gorod-joshkar-ola.html>. Тергыме: 2 шыжа 2025. 
  6. ↑ Кузьмин Евгений Петрович, <https://mari-el.er.ru/person/e627ce0f-b89a-4b5f-9036-82b24d073c8e>. Тергыме: 2 шыжа 2025. 
"https://mhr.ruwiki.ru/w/index.php?title=Кузьмин,_Евгений_Петрович&oldid=1138299" гыч налме