Крупняков, Сергей Аркадьевич
| Сергей Аркадьевич Крупняков | |
|---|---|
 | |
| Шочмо кече | 6 вӱдшор 1950 (76 ий) |
| Шочмо вер | |
| Эл | |
| Паша сомыл | серызе, драматург, журналист |
| Ача | Крупняков |
Сергей Аркадьевич Крупняков (шоч. 6 вӱдшор 1950, Бугульма[d], Татар Автоном Совет Социалистик Республик) — совет да россий писатель, драматург, журналист, Россий писатель-влак ушемын да Украинысе калыкле писатель-влак ушемын йыжъеҥже. Совет да россий писатель, Марий АССР калык писатель, МАССР кугыжаныш премийын лауреатше А. С. Крупняковын (1919—1994) эргыже.
Илыш корныжо
1950 ий 6 вӱдшорышто Татар АССР Бугульма олаште шочын. 1965 ийыште Белогорск олаште (Крым) школым тунем лектын, ешыж дене Йошкар-Олаш толын да Н. К. Крупская лӱмеш Марий кугыжаныш педагогике институтыш тунемаш пурен, тудым «англичан йылме, эртымгорно да обществоведений туныктышо» специальность дене тунем лектын. Совет Армий радамыште служитлен[1].
Армий гыч Йошкар-Олаш толын, «Сельская новь» да «Марийская правда» газет-влакын корреспондентшылан, Марий АССР Республикысе руш драмтеатрын сылнымут ужашыжым вуйлатышылан пашам ыштен[1].
1986 ийыште Украин ССР-ысе Севастополь олаш куснымеке, оласе йоча-самырык-влакын киностудийым вуйлатен[1].
Кызыт Севастополь олаште ила да пашам ышта. «Гикия» каравелла дене теҥызыште ийын коштеш — карапше шкешотан театр. Тыгай шонымаш пытартыш 15 ий жапыште «Гикия» яхтыште шкипер семын пашам ыштымыж годым шочын. Тыге «Гикия. Героиня Херсонеса», «Девочка и пират», «Зимний переход» («Мои пиратские похождения» серий гыч) пьесе-влак возалтыныт. Бард мурым йӧрата, карапыште бард-рӱдерым почаш шонымашын авторжо — бард мурым йӧратыше-влакын вашлийме верышт, автор муро концерт-влак эртат. Севастопольын пӱсӧ йодышыжым каҥашыме шотышто дискуссий клубын пашажым вӱда. Тыгак аракам ышташ да акрет грек амфор-влакын копийыштым ышташ йӧрата[2].
Еш
Ачаже — А. С. Крупняков, палыме совет да россий писатель, Марий АССР калык писатель, МАССР Кугыжаныш премийын лауреатше[3].
Аваже — Елизавета Михайловна Крупнякова (ӱдыр фамилийже — Царегородцева).
Пелашан, ватыже — Валентина Викторовна, ӱдыржӧ — Дарья, эргыже — Александр.
Сылнымут паша
Россий писатель-влак ушемын да Украинысе калыкле писатель-влак ушемын йыжъеҥже[4].
Йочалан да кугыеҥ-влаклан воза. 1986 ийыште икымше «Крылья Киприды» романым возен, шке ачажын, писатель А. С. Крупняковын, романжым шке семын умбакыже шуен[4].
1996 ийыште ачаж дене пырля возымо «Амазонки» фантастике романже лектын, тудо тора жапысе Эвкинысе Понтын эртымгорныжлан пӧлеклалтын, кунам акрет руш-влакын икымше отрядышт тудын кумдыкшым илаш келыштареныт. Тудо ийынак «Амазонки Таврийские» фантастике роман, «Амага» эртымгорно роман да моло произведений-влак савыкталтыныт[4].
Теҥыз нерген йочалык ойлымаш-влакым воза, «Золотое перо» (2010) йоча-влаклан йомакын авторжо, тудо «Удивительные встречи» сборникыш «Севастопольские писатели — детям» серий дене лектын[5].
Йочалык сылнымутшо тӱшкан погымо сборниклаште, «Алые паруса» (Симферополь ола) йоча да самырык-влаклан журналыште савыкталтыныт, Севастополь радио эфирыште йоҥгеныт[5]. «По следам Листригонов» повесть «Графская пристань» сайтыште савыкталтын[6].
Кызыт «Гикия» эртымгорно романым сера, тудо Херсонесыште Акрет Греций жапысе илышым сӱретла[3].
Драматургий аланыште пашам ышта, кинолан сценарий-влакым воза. «Акпарс» сылнысымыктыш кино сериал сценарийын да «Комбо — золотое перо» балет либреттын авторжо[7]. Крым партизан-влакын подвигышт нерген «Пламя» сериаллан киносценарийым серен.
Тӱҥ произведений-влак
Умбакыже С. А. Крупняковын тӱҥ произведенийже-влак лӱмер ончыкталтеш[8]:
- «Зимний переход» — повесть (сайт «Графская пристань»)
- «Когда проснутся боги» — фантастическая повесть для детей и юношества
- «Дети Тари» — фантастическая повесть для юношества
- «Гикия» — пьеса
- «Ботик» — пьеса для детей
- «Птица счастье и птица совесть» — пьеса для детей
- «Девочка и пират» — пьеса для детей
- «Морской Орёл» — новые сказки Русской Тавриды
- «Калхас» — исторический роман
- «По следам Листригонов» — автобиографическая повесть
- «Гикия. Жизнь и подвиги последних амазонок Тавриды» — исторический роман
Савыкталтше тӱҥ произведений-влак
С. А. Крупняковын савыкталтше тӱҥ произведений-влакын лӱмер[8]:
- Крупняков А., Крупняков С. Амазонки. — М.: «Уникум», 1996. — 864 с.
- Крупняков С. Амазонки Таврийские. — М.: «Уникум», 1996.
- Крупняков С. Крылья Киприды. — М.: «Вече», 2007. — 320 с.
- Крупняков С. Крылья Киприды. — М., 2016. — 280 с.
- Крупняков С. Морской орёл. Новые сказки Русской Тавриды. — М., 2016. — 140 с.
- Крупняков С. По следам Листригонов // Графская пристань, Севастополь. — URL:http://grafskaya.com/?p=4344.
Палемдымаш
- ↑ 1 2 3 Биография. krupnyakovsergey.narod.ru. Тергыме кече: 20 теле 2025. Архивлыме 27 шыжа 2020 ий.
- ↑ Увлечения. krupnyakovsergey.narod.ru. Тергыме кече: 20 теле 2025. Архивлыме 23 теле 2021 ий.
- ↑ 1 2 Сергей Крупняков, писатель: «Я счастлив, что Крым вернулся в Россию» (руш.). Свежие новости Марий Эл и Йошкар-Олы – Ваш новый день. Тергыме кече: 20 теле 2025. Архивлыме 23 теле 2021 ий.
- ↑ 1 2 3 Биография и книги автора Крупняков Сергей Аркадьевич. web.archive.org. Тергыме кече: 20 теле 2025.
- ↑ 1 2 Сергей Крупняков - биография, творчество, отзывы, лучшие книги. (руш.). КнигоГид. Тергыме кече: 20 теле 2025. Архивлыме 23 теле 2021 ий.
- ↑ По следам Листригонов. Повесть - Графская пристань, Севастополь (руш.). web.archive.org. Тергыме кече: 20 теле 2025.
- ↑ Век Крупнякова: интервью с сыном знаменитого писателя. www.marpravda.ru. Тергыме кече: 20 теле 2025. Архивлыме 23 теле 2021 ий.
- ↑ 1 2 Творчество. krupnyakovsergey.narod.ru. Тергыме кече: 20 теле 2025. Архивлыме 23 теле 2021 ий.
Кылвер-влак
- Крупняков Сергей. Биография
- Биография и книги автора Крупняков Сергей Аркадьевич. web.archive.org. Тергыме кече: 20 теле 2025.
- Книгогид. Сергей Крупняков
- Газета «Ваш Новый День». Сергей Крупняков, писатель: «Я счастлив, что Крым вернулся в Россию»
- Газета «Марийская правда». Век Крупнякова: интервью с сыном знаменитого писателя
- Национальный музей РМЭ им. Евсеева (руш.). Национальный музей РМЭ им. Евсеева. Тергыме кече: 20 теле 2025.