Кооператив-влакын тӱнямбал кечышт
Кооператив-влакын тӱнямбал кечышт ( ООН-ын моло официал йылмыла дене: англ. International Day of Cooperatives, араб. اليوم الدولي للتعاونيات, исп. Día International de las Cooperativas, кит. 国际合作社日, фр. la Journée internationale des coopératives ) — 1992 ийыште ООН-ын Генеральный Ассамблейже 1995 ий июльын икымше шуматкечыжым Кооператив-влакын тӱнямбал кечышт семын (16 декабрьысе 47/90-ше №-ан резолюций) увертарен. Тиде 700 млн. утла еҥан Тӱнямбал кооператив алянсын 100 ияш лӱмгечыжым пайремлыме амал дене лийын.
1994 ийыште Генеральный Ассамблей социал-экономике вияҥмаште кооператив-влакын ик эн кӱлешан факторжо лиймым шотыш налын, (23 декабрьысе 49/115-23 №-ан резолюций) тиде кечым ий еда палемдаш темлен.
2006 ийысе шке серышыштыже ООН-ын Генеральный секретарьже 2006 ийыште кооператив-влакын кечыштым палемдымым тӱням тыныслын вияҥдымаште пеш кӱлешан ошкыллан шолтен. Пырля вияҥмаштышт негызлалтше кооператив-влак калык коклаште ӱшаным пеҥгыдемдаш полшат. ООН-ын Генеральный секретарьже правительсте ден мер толкынын еҥже-влакым кооператив пашан кӱлешлыкшым, нунын тыныс илышым чоҥымашке пыштыме надырыштым, утларак лӱдыкшыдымӧ илышым чоҥаш полшымыштым шотыш налаш йодеш.
Кечын темыже
- 2019 ий — «Кооператив да чапле паша».
- 2018 ий — «Кооператив йӧн дене пеҥгыде ушемым ышташ йӧн».
- 2017 ий — «Кооператив кажне еҥын кумылжым шотыш налшаш».
- 2016 ий — «Кооператив-влак: пеҥгыде ончыкылык лӱмеш тыршымаш».
- 2015 ий — «Кооперативым сайлена, иктӧрлыкым ойырена».
- 2014 ий — «Еҥ-влакын йӧныштым кумдаҥдаш да ӱшанле ончыкылыкым чоҥаш йӧным ыштыше механизм-влакым кучылташ».
- 2013 ий — «Кооператив предприятий-влак кризис годым виян могырыштым аралат».
- 2012 ий — «Кооператив предприятий-влак эн сай тӱням чоҥат».
- 2011 ий — «Самырык-влак — кооперативын ончыкылыкшо».
- 2010 ий — «Кооператив да ӱдырамаш-влакын праваштым кумдаҥдымаш».
- 2009 ий — «Тӱнямбал экономикым кооператив полшымо дене кумылаҥдымаш».
- 2008 ий — «Игече вашталтме ваштареш кооператив толкын дене кучедалмаш».
- 2007 ий — «Корпораций-влак ончылно кооперативын кӱлешлыкше да социал принципше-влак нерген».
- 2006 ий — «Чоҥымо службышто кооператив-влак».
- 2005 ий — «Микрофинансированийыште мемнан пашана: нужналыкым пытарыше коопераций».
- 2004 ий — «Кооператив-влак чын глобализацийлан верч: йӧным — чылаштлан иктӧр».
- 2003 ий — «Кооператив-влак вияҥаш йӧным ыштат! Тӱжем ийысе шонымашке шуашлан кооператив-влакын надырышт».
- 2002 ий — «Мер да кооператив-влак: общинын проблемыже».
- 2001 ий — «Кумшо тӱжемийыште кооператив-влакын вияҥмышт».
- 2000 ий — «Кооператив да калыклан паша вер».
- 1999 ий — «Кугыжаныш политике да кооператив тӧртык».
- 1998 ий — «Кооператив да экономикын; глобилизацийже».
- 1997 ий — «Тӱнямбал кочкыш лӱдыкшыдымылыкыш кооператив-влакын надырышт».
- 1996 ий — «Кооператив-влак да айдеме факторым шотыш налын, икшырымын вияҥдаш йӧным ыштымаш».
- 1995 ий — «Тӱнямбал кооператив алянсын лӱмгечыже да ончыкылык 100 ийыште шуктышаш кооператив паша».