Константин Степановын сӱретше (скульптур портрет)

РФ-ын тӱвыра министерствыже

Россий Федерацийын тӱвыра министерствыже

Медведев, Анатолий Васильевич

Константин Степановын сӱретше. 1991

Номенклатур почеш: Портрет Константина Степанова. Скульптурный портрет

пушеҥге, пӱчкедымаш[d]

Республикысе сӱретсымыктыш тоштер

(инв. С-58)

Константин Степановын сӱретше (руш. Портрет Константина Степанова) — тиде пушеҥге гыч кӧпчеклен лукмо йӧн дене ыштыме скульптур сӱрет. Произведенийым скульптор Анатолий Васильевич Медведев 1991 ийыште ыштен. Арверын номенклатур лӱмжӧ: Константин Степановын сӱретше. Скульптур портрет (руш. Портрет Константина Степанова. Скульптурный портрет).

Сылныпогын сынже

Арвер кумвисышан (трёхмерный) сӱрет, пӧръеҥым чурийже могыр гыч ончыктымо. Вуйым тура кучымо. Бюст ӱлнӧ чуяка оҥго сынан пӱчкышыште верланен. Чурий поро шӱлышан, почылтшо кумылан. Нугыдо ӱп ярым пылышым тичмашнек петыра, кумда саҥгам почын ончыкта. Изирак ӧрыш кӱшыл тӱрвым петырен, умша сыным рашын ужын шукташ полша. Пӱгӧ сынан аҥысыр шинчапунжо (шинчасал) йыргешке шинчажым утларак рашемден палемда. Сылныпогын (произведенийын) кугытшо 49×26×21,5 см.

Материал да ыштыме йӧн

Арверым пушеҥгым кӧпчеклен (пӱчкеден тӧремдыме) йӧным кучылт ыштыме. Пушеҥгым кӧпчеклен ыштымаш изи ойыртемымат раш ончыкташ полша, тиде чурий сыным сӱретлыме годым поснак пайдале йӧн. Посна айдемын (модельын) шке ойыртемжым посна ончыктымаш мастаръеҥ деч кӱкшӧ моштымашым йодеш.

Сылныпогын верже

Скульптур пого Республикысе сӱретсымыктыш тоштерыште аралалтеш. Йошкар-Олаште верланыше тоштерым 1981 ий сорла тылзын 17-ше кечынже Ончер кумдык семын негызлыме да 1990 ийыште тоштерын тичмаш лӱмжым пуымо. Тоштерын погыпоянлыкше (фондшо) россий да совет графикын сылныпогыжым чумырен, тыгак тыште марий сӱретче-влакын пашашт аралалтыт.

Палемдымаш