Коми республикысе кугыжаныш службо да виктем академий

РУВИКИ — эрыкан энциклопедий гыч материал

Рецензироватлыме статья

Финн-угор университет-влакын ассоциацийышт
Перейти
Aprove.svg

Рецензироватлыме статья

Arrow-Right.png
Финн-угор университет-влакын ассоциацийышт
Перейти
Коми республикысе кугыжаныш службо да виктем академий
Коми республиканская академия государственной службы и управления.jpg
Негызлыме ий 18 вӱдшор 1996
Ректор Квашнёва, Алёна Егоровна[d]
Сайт krags.ru

Коми республикысе кугыжаныш службо да виктем академий (КРАГСиУ) — Коми Республикысе Сыктывкарыште верланыше Российысе кӱшыл тунемме тӧнеж[1]. 1992 ийыште негызлалтын.

Учредительлан Коми Республикын образований да науко Министерствыже шотлалтеш[2].

Тичмаш лӱмжӧ: Кӱшыл шинчымашым пуышо туныктымо кугыжаныш тӧнеж «Коми республикысе кугыжаныш службо да виктыш академий»[2].

Историй

Коми ССР министр-влак Советын 1992-ше ий 9-ше мартысе 112-шо № - ан «Коми АССР-ысе кугыжаныш служащий, вуйлатыше пашаеҥ да рынке экономикын специалистше-влакым ямдылыме пашам виктарен колтымо нерген» пунчалже дене Коми республикысе отрасль-влак кокласе кадр рӱдерын Уставшым да тудын пашам ыштыме механизмжым пеҥгыдемдыме. Рӱдер республикысе да муниципал кучем орган-влаклан управленец-влакым ямдылыме вичияш программым шуктен[3].

Вес этапыште кадр рӱдерым весемдымаш лийын: тудым кумда специальность да специализаций дене у типан специалист-влакым ямдылыше, кызытсе материально-технический базан образовательный структурыш савыреныт, тидыже  Коми Республик Вуйлатышын 1996-шо ий 18-ше апрельысе 107-ше №-ан Указше дене Коми Республик Вуйлатыше пеленсе кугыжаныш службо да управлений Коми республике академийыш реформироватлаш йӧным ыштен[3][4]. Академийын икымше ректоржо философий шанче кандидат Валентина Николаевна Котельникова лийын, ондак тудо Коми кадр рӱдерым вуйлатен [5][6]. Академийлан кугыжаныш службын персоналже-влакым ямдылыме, угыч ямдылыме да квалификацийыштым нӧлтымӧ функцийым, тыгак Коми Республикыште кугыжаныш службым тунемме-методике, шанче, информаций да аналитике йӧным ыштыме функцийым ӱшанен пуымо[7]. Академийын темлыме специализаций-влак республикысе нимогай  вузышто лийын огытыл: «Госслужбо системыште персонал дене пашам ыштымаш», «Административ управлений», «Экономикым Кугыжаныш велым тӧрлымаш», «Кугыжаныш службо», «Муниципал виктем»[3].

2002-шо ийыште у ректорым — политике шанче доктор, профессор Валерий Владимирович Грибановым ‑ шогалтыме. Коми Вуйлатыше Торлопов Владимир Александровичын ӱжмыж почеш тудо Санкт-Петербург гыч Сыктывкарыш толын, тушто кугыжаныш службын Йӱдвел-Касвел академийжын региональный программыже-влак шотышто проректор должностьышто шоген[7].. Академийыште кӱшыл образованийын 4 программыж дене туныкташ тӱҥалыныт: «Кугыжаныш да муниципал управлений», «Персонал дене пашам ыштымаш», «Управленийыште документоведений да документаций йӧным кучылтмаш», «Юриспруденций». 2003-шо ийыште аспирантур почылтын[3].

2024-ше ийыште академий цифран грамотность шинчымашым тергыме шотышто Цифран диктант всероссийский акцийым эртараш регионысо площадке лийын[8].

2024-ше ий гыч академий ректорын пашажым Алёна Егоровна Квашнёва шукта[9].

Структур

2025 ийлан тунемме тӧнежын структурышкыжо 2 институт, 3 кафедр, рӱдер, лабораторий пурат[10].

Тунеммаш бакалавр, магистратур да аспирантур программе-влак почеш эртаралтеш[11].

Университет региональный вияҥмашын модернизаций, инноваций процессшым илышыш пурташ специалист ден менеджер-влакым ямдылен шога[2].

Институт-влак  

  • Кӱшыл шинчымашым пуышо институт
  • Ешартыш профессиональный образований да управленческий консалтинг институт

Кафедр-влак

  • Экономике да виктем кафедр
  • Правовой дисциплине-влак кафедр
  • Кугыжаныш да муниципал виктем кафедр

Рӱдер-влак

  • Практике да паша верым мумо рӱдер
  • Кадрым кӱрылтде ямдылыме рӱдер
  • Маркетинг, ончыко кайымаш да ужалымаш рӱдер
  • Отрасльлаште самырык-влакын управленческий резервыштым ямдылыме шотышто компетенций рӱдер
  • Технологийлан да инновацийлан полшышо рӱдер[12]
  • Медиаций рӱдер
  • Юридический клинике
  • Библиотечно-информационный рӱдер

Лабораторий

  • Мер-политик шымлымаш лабораторий[13]

Студент илыш

Илыме вер

Туныктымо тӧнежын тӱшкагудыжо уке[14].

Студент ушем-влак

Университетыште тыгай студент ушем-влак шке пашаштым виктарат[15]:

  • Студент каҥаш[16]
  • «Тÿня тый дечет тÿҥалеш» волонтёр толкын
  • Спортклуб
  • Куштышо студий
  • Вокал студий

Шанче-савыктыш паша

Вузын шанче лектышыже-влак коклаште[17]:

  • «Вестник Коми республиканской академии государственной службы и управления» журнал. 1998-ше ийыште ышталтын. 2021-ше ий гыч квартал еда лектеш[18].
  • Монографий-влак
  • Шанче паша сборник-влак
  • ГОУ ВО КРАГСиУ-н конференций материалже-влак

Тӱнямбал вашкыл

Тӱнямбал вашкыл пӧлкан тӱҥ задачыжлан шотлалтеш: йот элласе, тӱнямбал организаций да вуз-влак дене ойпидышым ыштымаш, тӱнямбал мероприятий ден проектлаште участвоватлымаш, тыгак тудым эртарымаш, пырля шанче да сотемдарыме пашам шуктымаш, академический мобильность программым шуктымаш, йот граждан-влакым туныктымаш[19].

2025-ше ийыште туныктымо тӧнеж йот элласе 4 тунемме тӧнеж дене ойпидышым ыштен[19]:

  • Тромсё Университет (Норвегий, Тромсё ола)
  • Далянь йот йылме-влак университет (Китай, Далянь ола)
  • «Коллегиум Финно-Угрикум» институт (Венгрий, Бадачоньтомай ола)
  • Уппсала Университет (Швеций, Уппсала ола)

Рейтинг

2024-ше  ийыште RAEX аналитике агентствын эртарыме Йӱдвел-Касвел федеральный округысо вуз-влакын локальный рейтингышт почеш Коми республикысе кугыжаныш службо да управлений академий 32-шо позицийыште лийын[20], 2025-ше ийыште ‑ 33 верыште[21][22].

Вуйлатыше-влак

Тӱрлӧ ийлаште вузын вуйлатышыже лийыныт:

  • Валентина Николаевна Котельникова (1996-2002)
  • Валерий Владимирович Грибанов (2002-2011)[23]
  • Нина Александровна Нестерова (2011-2015)[24]
  • Игорь Владимирович Минин (2015-2017)
  • Татьяна Александровна Фёдорова (2017-2018)
  • Аркадий Рубикович Эмексузян (2019-2021)[25]
  • Сергей Алексеевич Ткачев (2021-2024)[26]
  • Алёна Егоровна Квашнева (2024 – кызытсе жап марте)[9].

Вуйлатымаш

2025-ше ийыште вузым вуйлатат[27]:

  • Ректорын алмаштышыже ‑ Квашнёва Алёна Егоровна
  • Молодёжный политике да тунемме деч ӧрдыжсӧ паша шотышто проректор ‑ Чужмаров Андрей Иванович
  • Цифровой трансформаций шотышто проректор ‑ Левченко Дмитрий Александрович

Палемдымаш

  1. ↑ Основные сведения. Дата обращения: 8 ноября 2019. Архивировано 8 ноября 2019 года.
  2. ↑ 1 2 3 Основные сведения | krags.ru. www.krags.ru. Дата обращения: 16 апреля 2025.
  3. ↑ 1 2 3 4 От Коми кадрового центра до Академии при главе Республики Коми. https://25.krags.ru.
  4. ↑ Указ Главы Республики Коми от 18.04.1996 № 107 - Сейчас.ру. www.lawmix.ru. Тергыме кече: 16 вӱдшор 2025.
  5. ↑ День Рождения первого ректора Академии госслужбы | krags.ru (руш.). www.krags.ru. Тергыме кече: 16 вӱдшор 2025.
  6. ↑ На прочном фундаменте опыта и знаний - «Регион». Журнал о Республике Коми, 2021-04-30, <https://ourreg.ru/2021/04/30/na-prochnom-fundamente-opyta-i-znanij/>. Тергыме: 16 вӱдшор 2025. 
  7. ↑ Академии госслужбы – 26. С Днем рождения, любимая Академия | krags.ru. www.krags.ru. Дата обращения: 16 апреля 2025.
  8. ↑ Представители министерств Коми написали в Академии Цифровой диктант | krags.ru (руш.). www.krags.ru. Тергыме кече: 21 вӱдшор 2025.
  9. ↑ 1 2 В Академии — новый руководитель
  10. ↑ Структура и органы управления образовательной организацией | krags.ru (руш.). www.krags.ru. Тергыме кече: 16 вӱдшор 2025.
  11. ↑ Образование (образовательные программы) | krags.ru (руш.). www.krags.ru. Тергыме кече: 16 вӱдшор 2025.
  12. ↑ Центр поддержки технологий и инноваций (ЦПТИ) | krags.ru (руш.). www.krags.ru. Тергыме кече: 16 вӱдшор 2025.
  13. ↑ Лаборатория общественно-политических исследований | krags.ru (руш.). www.krags.ru. Тергыме кече: 16 вӱдшор 2025.
  14. ↑ Материально-техническое обеспечение и оснащенность образовательного процесса. Доступная среда | krags.ru (руш.). www.krags.ru. Тергыме кече: 16 вӱдшор 2025.
  15. ↑ Внеучебная деятельность | krags.ru (руш.). www.krags.ru. Тергыме кече: 16 вӱдшор 2025.
  16. ↑ Студенческий совет STUDCОВЕТ КРАГСиУ | krags.ru (руш.). www.krags.ru. Тергыме кече: 16 вӱдшор 2025.
  17. ↑ Научно-издательская деятельность | krags.ru (руш.). www.krags.ru. Тергыме кече: 16 вӱдшор 2025.
  18. ↑ Вестник Коми республиканской академии государственной службы и управления | krags.ru (руш.). www.krags.ru. Тергыме кече: 16 вӱдшор 2025.
  19. ↑ 1 2 Международное сотрудничество | krags.ru (руш.). www.krags.ru. Тергыме кече: 16 вӱдшор 2025.
  20. ↑ Рейтинг вузов Северо-Западного федерального округа (2024 г.) (руш.). raex-rr.com. Тергыме кече: 16 вӱдшор 2025.
  21. ↑ Рейтинг вузов Северо-Западного федерального округа (2025 г.) (руш.). raex-rr.com. Тергыме кече: 16 вӱдшор 2025.
  22. ↑ Коми республиканская академия государственной службы и управления (руш.). raex-rr.com. Тергыме кече: 16 вӱдшор 2025.
  23. ↑ В Петербурге скончался экс-ректор Академии госслужбы Коми Валерий Грибанов. Тергыме кече: 9 кылме 2019. Архивлыме 8 кылме 2019 ий.
  24. ↑ Республика Коми проводила в последний путь Нину Нестерову. Тергыме кече: 9 кылме 2019. Архивлыме 9 кылме 2019 ий.
  25. ↑ Академия госслужбы и управления Коми сменила ректора. Тергыме кече: 8 кылме 2019. Архивлыме 8 кылме 2019 ий.
  26. ↑ Сергей Ткачёв, проработавший в качестве руководителя Академии с 31 декабря 2021 года, объявил коллективу вуза о сложении полномочий по собственному желанию.
  27. ↑ Руководство | krags.ru (руш.). www.krags.ru. Тергыме кече: 16 вӱдшор 2025.
"https://mhr.ruwiki.ru/w/index.php?title=Коми_республикысе_кугыжаныш_службо_да_виктем_академий&oldid=1209299" гыч налме