Колесников, Геннадий Алексеевич

Геннадий Алексеевич Колесников
Шочмо кече	27 пургыж 1936(1936-02-27)
Шочмо вер	Грозный, Чечен-Ингуш АССР, РСФСР, СССР
Колымо кече	18 пургыж 2021(2021-02-18) (84 ий)
Пурымаш	СССР
Войскан родшо	Элын ПВО войскаже, Стратегий кӱлешлыкан ракет войска
Службо жап	1955—1993
Званий	генерал-полковник
Награде да премий
Отставкыште	1993 ий гыч

Геннадий Алексеевич Колесников (27 пургыж 1936, Грозный, Йӱдвел-Кавказ край^[d] — 18 пургыж 2021) — совет сарзе вуйлатыше, генерал-полковник (1991 ий 7 февраль). Технике шанче кандидат (1987).

Ӱмыргорно

1955 ий сентябрь гыч СССР Сарзе Вийыште. 1958 ийыште Харьковысе сар авиаций-техник училищым тунем лектын. 1955 ий гыч Элын ПВО войскалаштыже 326-шо истребитель авиаций полкышто авиаций техниклан служиен. 1966 ийыште Стратегий кӱлешлыкан ракет войскашке кусарыме да тунемаш колтымо.

1968 ийыште А. Ф. Можайский лӱмеш Йошкар Тистан Ленинградысе сар-инженер академийым тунем лектын. СКРВ-ште инженер да команде олмылаште служиен: регламент тӱшкан командирже, 1973 ий гыч — командирын алмаштышыже, а 1974 ий гыч — 14-ше ракет дивизийын (Йошкар-Ола) техник ракете базыжын командирже; 1975 ий декабрь гыч — 10-шо ракет дивизийысе (Кострома) командирын алмаштышыже. 1976 ий август гыч — 14-ше ракет дивизийын (Йошкар-Ола) командирже.

1982 ийыште СССР Сарзе Вийысе Тӱҥ штабын К. Е. Ворошилов лӱмеш сар академийжым тунем лектын. 1982 ий гыч — 50-ше ракет армийын командующийжын сарлан ямдылалтме шотышто алмаштышыже (Смоленск), 1983 ий гыч — тиде ракет армийын командующийжын икымше алмаштышыже. 1984 ий июнь гыч — 53-шо шанче-тергыше полигонын («Плесецк» космодром) начальникше. 1985 ий ноябрь гыч — Витебскысе Йошкар Тистан 27-ше гвардий ракет армийын командующийже (Владимир ола). Армийын командующий олмышто улмыж годым армийысе часть-влакым у, континент кокласе «Тополь» баллистик ракете саркурал дене уэштарен пойдарыме пашам пеш сайын шуктен. 1988 ий декабрь гыч 1992 ий сентябрь марте Ракет саркуралым кучылтмо шотышто Тӱҥ виктарымашын начальникше — Стратегий кӱлешлыкан ракет войскан Тӱҥкомандующийжын ракет саркуралым кучылтмо шотышто алмаштышыже. Тунамак СКРВ-н Сар каҥашын йыжъеҥже (26.12.1988-30.9.1992). 1992 ий октябрь гыч — СКРВ-н Тӱҥкомандующийжын распоряженийыштыже. 1993 ий гыч шапашыште.

2021 ийыште колен. Троекурово шӱгарлаште тойымо.

Суаптарже

• II степенян «СССР Сарзе Вийыште Шочмо Элылан служымылан» орден (1985)
• III степенян «СССР Сарзе Вийыште Шочмо Элылан служымылан» орден (1975)
• Медаль-влак

Палемдымаш

Литератур

• Военный энциклопедический словарь ракетных войск стратегического назначения / Министерство обороны РФ; Гл. ред.: И. Д. Сергеев, В. Н. Яковлев, Н. Е. Соловцов. — М.: Большая Российская энциклопедия, 1999. — С. 231. — 632 с. — 8500 экз. — ISBN 5-85270-315-X.
• Северный космодром России. Т. 1 / Под общ. ред. А. А. Башлакова. — Мирный: космодром «Плесецк», 2007.
• Сухина Г.А., Маслий С.Б. Военный совет Ракетных войск стратегического назначения / Под редакцией Ивкина В.И.. — М.: ЦИПК РВСН, 2007.
• Колесников Геннадий Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 177. — 2032 экз. — ISBN 5-87898-357-0.
• Носов В. Т. Стратеги. Командующие ракетными армиями, командиры ракетных корпусов. — ЦИПК РВСН, 2008. — 276 с.
• Носов В. Т., Резник А. В. Стратеги. Командиры ракетных дивизий Т. 1.. — М.: ЦИПК РВСН, 2009.

Кылвер-влак

• Владимирская ракетная стратегическая. Глава 1. Продолжение (неопр.). rvsn.ruzhany.info. Тергыме кече: 31 сӱрем 2025.
• Кто есть кто в РВСН. Колесников Геннадий Алексеевич (неопр.). rvsn.ruzhany.info. Тергыме кече: 31 сӱрем 2025.