Иоанн (Тимофеев)

Его Высокопреосвященство
Митрополит Иоанн
7 Йошкар-Олан да Марий Элын митрополитше 2017 ий 4 ноябрь марте — архиепископ, 2004 ий 29 февраль марте — епископ
c 1993 ий 25 июль гыч
Сайлымаш	1993 ий 11 июнь
Черке	Руш православий черке
Ончыч лийше	епархийым ыштыме
Озаҥ епархийым жаплан вуйлатыше
2020 ий 20 ноябрь — 2020 ий 8 декабрь
Ончыч лийше	Феофан (Ашурков)
Алмаштыше	Кирилл (Наконечный)
Чебоксар епархийым жаплан вуйлатыше
2020 ий 1 июнь — 25 август
Ончыч лийше	Варнава (Кедров)
Алмаштыше	Савватий (Антонов)
Волжск епархийым жаплан вуйлатыше
2017 ий 6 октябрь — 18 ноябрь
Ончыч лийше	епархийым ыштыме
Алмаштыше	Феофан (Данченков)
Виче епархийым жаплан вуйлатыше
2011 ий 5 январь — 22 март
Ончыч лийше	Хрисанф (Чепиль)
Алмаштыше	Марк (Тужиков)
Шанче степень	богословийын кандидатше[d]
Шочмо годым лӱм	Иван Иванович Тимофеев
Шочмаш	20 шорыкйол 1958(1958-01-20) (68 ий) Озаҥ, СССР
Диакон хиротоний	1987 ий 4 ноябрь
Пресвитер хиротоний	1990 ий 15 февраль
Монашествыш пурымаш	1989 ий 23 апрель
Епископ хиротоний	1993 ий 25 июль
Награде

Митрополи́т Иоа́нн (илышыште Иван Иванович Тимофеев; шоч. 20 шорыкйол 1958, Озаҥ) — Руш православий черкын епископшо, Йошкар-Олан да Марий Элын митрополитше, Марий митрополийым вуйлатыше.

Илыш корныжо

1958 ий 20 январьыште Озаҥ олаште шуко шочшан православий ешыште шочын.

Кыдалаш школым тунем пытарымек, Псков-Печера монастырьыш колыштшылан налыныт.

1978 ийыште Моско духовный семинарийыш, 1981 ийыште — Москосо духовный академийыш тунемаш пурен, тудым 1985 ийыште «Нравственно-аскетические воззрения прп. Синай нил» теме дене диссертацийым арален, богословий кандидат лӱмпалым налын, да Озаҥ епархийыш колтеныт.

1987 ий 4 ноябрьыште Озаҥ да Марий епископ Пантелеимон (Митрюковский) диаконлан шогалтеныт.

1989 ий 23 апрельыште Озаҥ да Марий епископ Анастасий (Меткин) монахлан тӱредын.

1990 ий 15 февральыште иеромонахлан, Озаҥ епархий виктемын секретарьжылан шогалтыме.

1991 ийысе Шнуй Кугече пайрем кечын Патриарх Алексий игумен саным пуэн.

1993 ий 11 июньышто Шнуй Синодын пунчалже дене игумен Иоаннлан (Тимофеевлан) Йошкар-Оласе да Марий епископ архимандрит саныш шогалаш ӱшаныме.

1993 ий 28 июньышто Моско Кремльын Успений соборыштыжо Патриарх Алексий II архимандрит саныш нӧлталын.

1993 ий 24 июльышто Семёновка селасе Шнуй Юмынаван Шорыкйол храмыштыже архимандрит Иоанным Йошкар-Ола да Марий епископлан шотлымо йӱлам Патриарх Алексий II, Чебоксар да Чуваш архиепископ-влак Варнава (Кедров), Ижевск да Одо Николай (Шкрумко), Озаҥ да Татарстан епископ Анастасий (Меткин) да Истрин Арсений (Епифанов) эртареныт. 1993 ий 25 июльышто Марий Эл Республикысе Семёновка селаште Шнуй Юмынаван Шочмыж лӱмеш черкыште нине архиерей-влакак Йошкар-Оласе да Марий епископ лӱмеш хиротонийым муреныт.

Шкенжын каласымыж почеш: "Тышке толмем годым Йошкар-Олаште ик кумалме пӧрт гына лийын — кызыт Воскресений храм, сандене служитлаш Семёновка селасе храмыште тӱҥалынам. Мый кидымат пыштенам ыле, тиде ялысе черкыште мыйым чыланат палат. Алексий Патриарх мыйым чӱчкыдынак ялысе епископ манын да йыр улшо калыклан эре ушештарен: тунам тудо хиротоний йӱлам икымше гана шуктен.

2004 ий 29 февральыште архиепископ саныш шогалтеныт.

Ик жап, митрополит Хрисанфын (Чепильын) колымекыже, 2011 ий 5 январь гыч 22 март марте, Виче да Слободасе епархийым вуйлатен. Колышо митрополитын шке секретарьже Диакон Михаил Казаковцевын, большевикын лӱмжым нумалше уремым митрополит Хрисанф лӱмеш лӱмдаш, темлымашыжым сайлан шотлен.

2017 ий 6 октябрьыште Марий митрополийын вуйлатышыжлан шогалтеныт.

2017 ий 4 ноябрьыште Моско Кремльын Успений соборыштыжо Патриарх Кирилл митрополит саныш шогалтен.

2020 ий 1 июньышто Шнуй деч Шнуй Патриарх Кириллын кӱштымыж почеш Чебоксар епархийым Чебоксар да Чуваш митрополит Варнаван (Кедровын) колымыжлан кӧра, жаплан виктараш кӱштымӧ да колышо архипастырьым тойымо чиным вуйлаташ ӱшаныме. 2020 ий 20 ноябрь гыч 8 декабрь марте жаплан Озаҥ епархийым виктарен.

Суаптар-влак

• Преподобный Сергий Радонежскийын II степенян орденже (2003);
• «Марий Эл ончылно суаплан» II степенян орден (2008 ий 17 январь);
• Преподобный Серафим Саровскийын II степенян орденже (2008 ий 25 февраль);
• Москосо святитель Иннокентийын II степенян орденже (2013 ий 20 январь);
• Блгв кн. Даниил Московскийын II степенян орденже (2018);
• Шнуй Макарий Московскийын II степенян орденже (2023);
• «Йошкар-Олан чапланыше гражданинже» чаплӱм (2019).

Книга

Нравственно-аскетические воззрения прп. Нил Синайский: Канд. дис. / МДА. Загорск, 1985. Ркп.

Палемдымаш

Литератур

• Иоанн, епископ Йошкар-Олинский и Марийский // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 233. — 2000 экз. — ISBN 5-87898-197-1.
• Иоанн // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 152. — 2032 экз. — ISBN 5-87898-357-0.
• Иоанн (Тимофеев Иван Иванович) // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 398. — 872 с. — 3505 экз. — ISBN 978-5-94950-049-1.
• Иоанн (Тимофеев) // Православная энциклопедия. — М., 2010. — Т. XXIII : «Иннокентий — Иоанн Влах». — С. 461—462. — 752 с. — 39 000 экз. — ISBN 978-5-89572-042-4.

Кылвер-влак

• Иоанн, архиепископ Йошкар-Олинский и Марийский (Тимофеев Иван Иванович).
• Архиепископу Йошкар-Олинскому и Марийскому Иоанну — 50 лет.
• Архиепископ Йошкар-Олинский и Марийский Иоанн: «Чтобы Имя Божие не хулилось через моё недостоинство».