Интеллектуал поянлыкын тӱнямбал кечыже

ВФОИС-ште улшо эл-влак

Интеллектуал поянлыкын тӱнямбал кечыже (ООН-ын моло официал йылмыж дене: англ. World Intellectual Property Day, араб. اليوم العالمي للملكية الفكرية, ‎исп. Día Mundial de la Propiedad Intelectual, кит. 世界知识产权日, фр. Journée Mondiale de la Propriété Intellectuelle ) — 2001 ий гыч ий еда 26 апрельыште палемдалтеш.

Историй ден пайремлымаш

«Стив Джобсын интеллектуал погыжо» ончержым Интеллектуал поянлыкын тӱнямбал кечыже вашеш Женевыште почмаш (30 март 2012)

2000 ий сентябрьыште «Интеллектуал пого шотышто тӱнямбал организацийын» Генерал Ассамблейже Интеллектуал поянлыкын тӱнямбал кечыжым увертарен.

Интеллектуал поянлыкын тӱнямбал кечыжым 2001 ий гыч палемдаш тӱҥалыныт. Тиде тӱнямбал кечылан жапым тыглай ойырымо огыл. Лач тиде кечын, 26 апрельыште, 1970 ийыште, Тӱнямбал Конвенций вийыш пурен, туштыжо «Интеллектуал пого шотышто тӱнямбал организаций» (ВОИС) тӧнежлалтын. «ВОИС » — тиде усталык да интеллектуал пого шотышто йодыш-влак дене ООН-ын лӱмын почмо организацийже, нунын пашашт эн ончычак пӱтынь тӱняште интеллектуал погым вияҥдымашке да тудын дене тӱня мучко пайдаланыме кышкар кумдыкым шарымашке виктаралтын.

Интеллектуал поянлыкын тӱнямбал кечыже ий еда посна темылан пӧлеклалтеш. Теме почеш мероприятий-влак эртат, усталык шӱлышан еҥ-влак, кампаний-влак вашлийын, ыштышаш паша нерген каҥашат: «Интеллектуал пого шотышто тӱнямбал организацийын», шке задачыжым шуктышыжла, вашлиялтше йодыш-влакым тӱнясе калык-влак дек шукташ тырша, мо тыгай ИС манын, интеллектуал погым аралыме кышкар дене палдара, ончык вияҥмаште ятыр йогынышто могай йӧн дене полшен кертмыжым ончыкта: сымыктыш деч инноваций технологий марте. ВОИС тӱрлӧ плакатым савыкта, телевиденийыш рекламе ролик-влакым луктеш, моло СМИ-лаштаn Интеллектуал поянлыкын тӱнямбал кечыж дене калыкым палдараш тырша.

«Интеллектуал пого шотышто тӱнямбал организацийын» Генерал директоржо Интеллектуал поянлыкын тӱнямбал кечыж вашеш кажне кундемысе ӱшанеҥже-влаклан пайрем серышым колта.

Кечын темыже-влак

2022 ий — «ИС да самырык-влак: инноваций ончыкылык лӱмеш»
2021 ий — «ИС ден МСП: шонымаш-влак лектышт пазарыш»
2020 ий — «Инноваций ужар ончыкылык верч»
2019 ий — «Шӧртньӧ верч тыршымаш: Пи да спорт»
2018 ий — «Вашталтышым кондышо вий: ӱдырамаш-влак инноваций да усталык сферыште»
2017 ий — «Инноваций: илыш сайлыкшым нӧлтымаш»
2016 ий — «Цифр тӱняште усталык: тӱвырам у семын умылымаш»
2015 ий — «Кынел, тарване» Музык верч!»
2014 ий — «Усталык — кинематографын тӱнямбал культшо»
2013 ий — «Усталык — вес тукым»
2012 ий — «Шинчанужшо новатор-влак»
2011 ий — «Ончыкылыкым палемден»
2010 ий — «Инноваций-влак — тӱня ушат»
2009 ий — «Ужар инноваций-влак»
2008 ий — «Инноваций-влак да интеллектуал погым пагалаш йӧным ыштымаш»
2007 ий — «Усталыкым кумылаҥдымаш»
2006 ий — «Чыла шонымаш гыч тӱҥалеш»
2005 ий — «Шонаш, лияш, ышташ»
2004 ий — «Усталыкым кумылаҥдымаш»
2003 ий — «Интеллектуал пого лийже тендан пашада»
2002 ий — «Усталыклан йӧным ыштымаш»
2001 ий — «Таче ончыкылык ышталтеш»

Тыгак ончо

Книган да авторын праваж шотышто тӱнямбал кече.

ИС-ын праважым шарыше ваштареш шогышо-влакын пайремышт

Мер поянлыкын кечыже (1 январь)
1=Эрыкан тӱвыран кечыже (майын кумшо шуматкечыже)
Эрыкан программе обеспеченийын кечыже (сентябрын кумшо шуматкечыже)
1=Аппарат обеспеченийын эрыкан кечыже

Кылвер-влак