Загайнов, Игорь Александрович

В Рувики есть статьи о других людях с такой фамилией, см. Загайнов.

Игорь Александрович Загайнов
Шочмо кече	20 пургыж 1982(1982-02-20) (44 ий)
Шочмо вер	Йошкар-Ола, РСФСР, СССР
Эл	СССР  Россий
Награде да премий	Почётная грамота Министерства спорта Российской Федерации[d] Марий Эл Республикын сулло туныктыш пашаеҥже[d] Россий Федераций туныктыш да шанче министерствын чапкагазше[d]

Игорь Александрович Загайнов (шоч. 20 пургыж 1982, Йошкар-Ола) — российысе туныктыш пашаеҥ, спортсмен. Педагогике шанче кандидат (2007), доцент (2013). 2014 ий гыч — Кундем-влак кокласе почылтшо илышйӧн институтын ректоржо.

Илыш корныжо

1982 ий 20 пургыжышто Йошкар-Олаште шочын.

Шинчымаш

2004 ийыште визытан дене Н. К. Крупская лӱмеш Марий кугыжаныш педагогике институтын технолог-экономике факультетын кечывалымсе пӧлкажым «Технологий да амалклче паша» специальность дене тунем лектын, «Технологий да амалкалче пашалан туныктышо» квалификацийым налын.

2007 ийыште Москосо психолог-илышйӧн институтын йошкар дипломжым налын, психологий факультетыште тунемын, специальностьшо «Психологий», квалификацийже «Психолог. Психологийым туныктышо», специализацийже «Юрист психологий».

2007 ийыште Н. К. Крупская лӱмеш Марий кугыжаныш педагогике институтын аспирантурысо пӧлкажым «Пашалык шинчымашын теорийже да методикыже» специальность дене тунем пытарен, педагогике шанче кандидат шанче лумпалым налын. Кандидатлык диссертацийын темыже: «Пашалан туныктымаште туныктышын гендер йодышым тӱткын ончымаш».

2011 ий — Права да виктарымаш академийын (институт) юридист факультетшым тунем лектын, специальностьшо «Юриспруденций», квалификацийже «Юрист», специализацийже «Граждан права».

Шке пашаштыже тӱрлӧ программе почеш уэш ямдылалтмашым эртен.

Паша корныжо

2002 ий гыч 2003 ий марте — посна еҥын организацийыштыже психолог-консультант.

2002 ий гыч 2007 ий марте — Йошкар-Оласе кыдалаш шинчымашым пуышо школышто экономике да обществознаний туныктышо, педагог-психолог.

2004 ий гыч кызыт марте — Марий кугыжаныш университетын (2008 ий марте — Н. К. Крупская лӱмеш Марий кугыжаныш педагогике институт) лӱмын ыштыме педагогике да психологий кафедрын доцентше да Педагогике шинчымашын сайлыкшым ситарыме шотышто шанче-шымлыше рӱдерын шанче пашаеҥже.

2007 ий гыч кызыт марте — Регион кокласе почылтшо илышйӧн институтын тӱшка да лӱмын ыштыме педагогике да психологий кафедрын доцентше, пашалык шинчымашым психологий велым эскортироватлыме кафедрым вуйлатыше.

2008 ий гыч 2009 ий марте тӱҥ пашаж дене пырля «РосАкредАгентство» федерал кугыжаныш оксавиктыш тӧнежыште кӱшыл категориян методистлан, кыдалаш профессионал шинчымашлан «Илышйӧн психологий» дене аттестацийым эртараш висыме материал-влакым ямдылыше тӱшкан вуйлатышыжлан пашам ыштен.

2010 ий гыч 2014 ий марте — Кундем-влак кокласе почылтшо илышйӧн институтын проректоржо.

2015 ий гыч 2016 ий марте тӱҥ паша дене пырля «Туныктымашым вияҥдыше да калык-влак кокласе паша рӱдерын» («Интеробразование») экспертшылан пашам ыштен.

2013 ий гыч 2014 ий марте — Кундем-влак кокласе почылтшо илышйӧн институт ректорын пашажым шуктышо.

2014 ий гыч кызыт марте — Кундем-влак кокласе почылтшо илышйӧн институтын ректоржо да «Рӱдоласе бизнес колледжын» директоржо.

Политик да мер паша

«Ик Россий» партий деч «Йошкар-Ола» ола округышто 33 №-ан Васильевысе ик мандатан сайлыме йырвел дене депутат-влак погынын депутатшылан сайлалтын.

Еш

• Ешан, кок ӱдырым ончен кушта.

Спорт сеҥымаш-влак

• 25 ий утла кучедалме сымыктышыште профессионал кӱкшытан вийым ончыкта — шем ӱштым нумалеш, айкидо айкикай дене 2-шо дан, кендо дене 2-шо дан, иайдо дене 1-ше кю.

Чаплӱм да суаптар

• Марий Эл Республик Виктерын Чапкагазше;
• Марий Эл Республик Вуйлатышын Таумутшо;
• Марий Эл Республик Вуйлатыше администрацийын Чапкагазше;
• Марий Эл Республик Кугыжаныш Погынын Чаптаныкше;
• Марий Эл Республикысе шанче да туныктыш министерствын Чапкагазше;
• «Йошкар-Ола» ола округын депутат-влак погынын Чаптаныкше;
• «Йошкар-Ола» ола округ администрацийын Чаптаныкше;
• «Йошкар-Ола» ола округ администрацийысе туныктыш виктемын Чапкагазше;
• Марий Эл Республикысе спорт министерствын Чаптаныкше;
• Марий Эл Республикысе элгӧргӧ паша министерствын Чапкагазше;
• Марий Эл Республикысе элгӧргӧ паша министерствын «Полицийлан полыш» тамгаже;
• «Россий Федераций следствий комитетын Марий Эл Республикысе следствий виктемжылан 5 ий» тамга;
• РФ МВД-ын корнысо лӱдыкшыдымылыкым ситарыме шотышто тӱҥ виктемын Таумутшо;
• Муниципал образований-влакын Российысе конгрессшын Таумутшо;
• «Кадр шапаш — Элын пашаче командыже» проектысе лауреатлан темлымаш серыш.

Палемдымаш

Кылвер-влак

• Загайнов Игорь Александрович (руш.). mosi.ru.