Ефимова, Нина Аркадьевна

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Ефимов.
Нина Аркадьевна Ефимова
Ефимова, Нина Аркадьевна.jpg
Шочмо кече 1953 ий 6 сӱрем(1953-07-06) (73 ий)
Шочмо вер Санчурск, Киров кундем, РСФСР, СССР
Гражданлык  СССР →  Россий
Паша сомыл журналист, искусствовед, краевед
Награде да премий

Нина Аркадьевна Ефимова (1953 ий 6 июль, Санчурск, Киров кундем, РСФСР, СССР) — совет да российысе журналист, сымыктышъеҥ, краевед. «Марийская правда» республикысе газетын тӱҥ редакторын алмаштышыже (1983—2000). Историй шанче кандидат, Марий кугыжаныш университетын доцентше. Россий Федераций тӱвыран сулло пашаеҥже (2003).

Илыш корныжо

1953 ий 6 июльышто РСФСР-ын Киров областьысе Санчурск посёлкышто шочын[1][2].

1975 ийыште Озаҥысе тӱвыра кугыжаныш институтым тунем пытарен[1][2].

1975 ийыште Марий АССР-ысе Йошкар-Олаш толын: корреспондент, тӱвыра, сылнымут да сымыктыш пӧлкан вуйлатышыже, 1983—2000 ийлаште — «Марийская правда» республикысе газет редакцийын тӱҥ редакторын алмаштышыже[1][2][3].

2001 ий гыч — Марий кугыжаныш университетын руш да йот сылнымут кафедрын доцентше. «1985—2000 ийласе мер илышын вашталтмыж годым Марий Эл Республикын периодике печатьше» кандидатлык диссертацийым арален[4], историй шанче кандидат (2001)[1][2].

2003 ий гыч — Марий Элыште «Аргумент ден факт-влак» кундемысе савыктышын тӱҥ редакторжо[1][2].

«Марий Эл таче» (1990)[5][6], «Марий язычествын тайныже» (1991)[7], «Марий Эл: Шочмо мланде да тудын еҥ-влак нерген корнысо возымаш-влак» (1997)[8] да моло краевед книга-влакын авторжо улеш[1][2][3].

«Йошкар-Ола театральная» фестивальын жюри йыжъеҥже[9].

1998 ийыште тудлан «Марий Эл Республикын сулло журналистше» чаплӱмым, а 2003 ийыште — «Россий Федераций тӱвыран сулло пашаеҥже» чаплӱмым пуымо. Медаль да чапкагаз-влак дене суапландарыме[1][2].

Кызыт Йошкар-Олаште — Марий Эл Республикын рӱдолаштыже ила.

Суаптарже

  • Россий Федераций тӱвыран сулло пашаеҥже (2003 ий 24 октябрь)[1][2] — тӱвыра аланыште суапшылан да шуко ий пашам тыршен ыштымыжлан[10]
  • Марий Эл Республикын сулло журналистше (1998)[1][2]
  • Марий Эл Республикысе журналист-влак ушемын премийыжын лауреатше[3][3]

Палемдымаш

  1. ↑ 1 2 3 4 5 6 7 8 9 Мочаев, 2017, с. 143.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 355.
  3. ↑ 1 2 3 4 ЕФИМОВА Нина Аркадьевна - Биография - БД "Лабиринт". labyrinth.ru. Тергыме кече: 10 пургыж 2024.
  4. ↑ Нина Аркадьевна Ефимова. Периодическая печать Республики Марий Эл в условиях трансформации общества, 1985-2000 годы. — Казань, 2001.
  5. ↑ Нина Аркадьевна Ефимова. Марий эл сегодня. — Йошкар-Ола: Марийское кн. изд-во, 1990. — 213 с. — ISBN 978-5-7590-0251-2.
  6. ↑ Информационно-библиотечный центр Поволжского государственного технологического университета. ecatalog.volgatech.net. Тергыме кече: 10 пургыж 2024.
  7. ↑ Сам себе знахарь Тайны марийского языческого целительства, штрих-код: 5759004018 - Ean13.info, информация о товаре. ean13.info. Тергыме кече: 10 пургыж 2024.
  8. ↑ Нина Аркадьевна Ефимова. Марий Эл: Путевые заметки о земле родной и ее людях. — Йошкар-Ола: Марийс. кн. изд-во, 1997. — 101 с. — ISBN 978-5-7590-0820-0.
  9. ↑ Союз театральных деятелей. Марийское отделение. - Жюри. std-mari.ru. Тергыме кече: 10 пургыж 2024.
  10. ↑ Ефимова Нина Аркадьевна – Награды России, 2003-10-24. ru.nagrady.by. Тергыме кече: 10 пургыж 2024.

Литератур

  • Ефимова Нина Аркадьевна // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 184. — 2000 экз. — ISBN 5-87898-197-1.
  • Мочаев В. А. Ефимова Нина Аркадьевна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 124. — 2032 экз. — ISBN 5-87898-357-0.
  • Ефимова Нина Аркадьевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 355. — 872 с. — 3505 экз. — ISBN 978-5-94950-049-1.
  • Мочаев В. А. Ефимова Нина Аркадьевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 143. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Ефимова,_Нина_Аркадьевна&oldid=1198879" гыч налме