Диете ваштареш тӱнямбал кече
| Диете ваштареш тӱнямбал кече | |
|---|---|
 | |
| Тӱрлылык | тӱнямбал |
| Официал | International No Diet Day |
| Вес семын | Диете деч посна калыкле кече, Диете деч посна кече |
| Палемдат | ий еда |
| Кече | 6 ага |
| Пайремлымаш | лекций ден семинар-влак |
Диете ваштареш тӱнямбал кече (англ. International No Diet Day) — таза, пайдале кочкыш-йӱыш да пӱртӱс моторлыкым чапландарыше пайрем, ий еда 6 майыште палемдалтеш.
Диете ваштареш тӱнямбал кече таза илыш-йӱла дене палдара да чын кочмо-йӱмӧ шот-радам, кочкаш чарыме, чот шыгыремдылме дене кылдалтшаш огыл манын, еҥ-влаклан ушештара.
Историй
Икымше гана диете деч шӧрлымӧ тӱнямбал кечым Великобританийыште палемденыт. Толкынлан тӱҥалтышым Diet Breakers компанийын директоржо Мэри Эванс Янг пыштен, маныт. Тудын мутшо почеш, школышто тунеммыж годым уто нелылыкшылан кӧра тудым игылтыныт, тидыже нерв анорексийым вияҥден. Илен-толын Янг черым сеҥен да тыгай проблеман еҥ-влаклан полшаш шонен пыштен.
Диете ваштареш улмо кечын икымше кечыжым 1992 ий 5 майыште палемденыт[1]. Тиде изирак мероприятийыш 21 гыч 76 ияш марте ӱдырамаш-влак ушненыт, нуно чыланат «Тиде диетым кудалтыза»[2] возыман наклейке-влакым нумалыныт. Пайремын тӱҥ шонымашыже тыгай лийын: еҥ-влак могай улыт, шкеныштым тугайымак йӧратышаш улыт, яра жапыште уто нелытым пытараш тӧчымӧ ок кӱл, а таза илыш-йӱлам кучен, пиалан лияш тыршыман[3].
Ончыч Мэри Эванс Янг Диете ваштареш кече Великобританийыште гына палемдалташ тӱҥалеш манын шонен, но тиде пайремым тӱнян тӱрлӧ элже гыч ӱдырамаш-влак сайлан шотленыт. 1993 ийыште ты толкын кумдан шарлен, тудым США, Австралий, Канада, Англий, Германий, У Зеландий, Норвегий, Россий да моло эллаштат палемденыт[4]. Мексикысе Синко де Майо пайрем дене ик кечын ынышт логал манын, ты кечым 6 майыш кусареныт. 1998 ий гыч пайремым тӱнямбал кӱкшытым налын.
Тӱҥ шонымаш
Диете ваштареш тӱнямбал кечын еҥ-влак тыршат:
- Кочмо-йӱмӧ шотышто культур ваштареш шогалаш;
- Кочкышым кочмо шотым шараш;
- Коммерций диете-влакын лӱдыкшыдымылык да пайдашт нерген йодыш-влакым нӧлталаш;
- Кочмо шотын пужлымо деч да нелытым иземдыме шотышто операций годым колышо-влакым шарналташ;
- Кече мучко шке кап нелыт шотышто шонаш огыл[5];
Мероприятий ден акций-влак
Илен-толын пайрем воткылласе кампанийыш савырнен, тудын спонсоржо — Кочмо шотым пудыртылмо шотышто калыкле ассоциаций[6]. Пайрем жапыште социал кылысе лаштыклаште, платформылаште кочкыш-йӱыш фотосӱрет-влак йымалан «#NoDietDay» хэштегым вераҥдат. Ресторанын озаже-влакат южгунам тыгай маркетинг йӧным кучылтыт.
Тиде кечын тӱрлӧ мероприятий-влак эртат, нуно диетын лӱдыкшӧ улмыж нерген каласкалат, кочмо шот-радам локтылалтмын механизмже нерген, уто нелыт шотышто дискриминаций да моло тӱрлӧ йодышым каҥашат.
Тыгак ончо
- Ӱдырамаш-влакын калыкле организацийышт
- Мландын кечыже
- Черепахын тӱнямбал кечыже
- Иза-шольо, ака-шӱжар кече
Палемдымаш
- ↑ International No Diet Day – May 6, 2024 (англ.). About National Today. Дата обращения: 24 вӱдшор 2024.
- ↑ Nibandh Vinod. International No Diet Day 2023: History, Significance, and How To Celebrate (англ.). NEWS18.com (10 ага 2023). Дата обращения: 24 вӱдшор 2024.
- ↑ Simple Vishwakarma. International No Diet Day 2023: History, significance and how to celebrate the occasion (англ.). Republic. Дата обращения: 24 вӱдшор 2024.
- ↑ 6 мая – какой сегодня день? Сетевое издание «Орловские новости» (6 ага 2023). Дата обращения: 24 вӱдшор 2024.
- ↑ International No Diet Day (англ.). Centre For Integrative Health (5 ага 2017). Дата обращения: 24 вӱдшор 2024.
- ↑ International No Diet Day (англ.). World Celebration Days. Дата обращения: 24 вӱдшор 2024.