Горохов, Аркадий Михайлович
| Аркадий Михайлович Горохов | |
|---|---|
 | |
| Шочмо кече | 1927 ий 27 пургыж |
| Шочмо вер | РСФСР, Марий автоном область, Кужэҥер кундем, Кӱшыл Регеж ял |
| Колымо кече | 1994 ий 29 шорыкйол (66 ий) |
| Колымо вер | Йошкар-Ола ола |
| Гражданлык |
 СССР Россий |
| Паша сомыл | серызе, почеламутчо, журналист |
Аркадий Михайлович Горохов (27 пургыж 1927, Кӱшыл Регеж, Марий Автоном Совет Социализм Республик — 29 шорыкйол 1994, Йошкар-Ола) — марий серызе, почеламутчо, журналист, СССР журналист-влак ушемын йыжъеҥже[1].
Илыш корныжо
Аркадий Горохов 1927 ийын пургыж тылзын 27-ше кечынже Марий автоном область Кужэҥер кундем Кӱшыл Регеж (Изи Регеж) ялеш кресаньык ешеш шочын. Артист да серызе В. М. Регеж-Гороховын кугурак изаже. 1937 ийыште ачажым арестоватленыт, тиде ешлан кугу да неле тергымаш лийын[1].
Пашалык шинчымашым Шернур педагогике училищыште налын, тудым тунем пытарымеке (1950), тӱҥалтыш класслаште туныктышылан тыршен. 1954 ий гыч — журналист пашаште. Шернур, Советский районласе газетлаште пашам ыштен. Пашам кодыде, Озаҥ кугыжаныш университетын журналистике пӧлкажым тунем пытарен (1969). 1974 ийыште «Пачемыш» журналын пашаеҥже лийын, Телерадиокомитетыште пашам ыштен[1].
Аркадий Горохов сылнымутлан Шернур педучилищыште тунеммыж годым кумылаҥын. Тудын поэзий дебютшо 1947 ийыште лийын. Тудо тыглай, куштылгын шарналт кодшо йоча почеламут-влакым возен, кудышт вара букварьлашке, учебниклашке пурталтыныт. 1960 ийыште «Оҥай книга» аршашым савыктен луктын. Марий сылнымутышто уста йоча поэт семын палыме. Шке пашаштыже тудо палыме тӱҥ негызым шукташ тыршен: «Йоча-влаклан кугыеҥ-влаклан возымо семынак серыман, но эше сайрак возаш кӱлеш»[1].
Аркадий Гороховын почеламутшо-влак чыла республикысе газет ден журналлаште, тӱшкан сборник ден альманахлаште савыкталтыныт. Икмыняр почеламутшо рушлаш кусаралтын. Шочмо йылме дене шым книгам луктын. СССР журналист-влак ушемын еҥже. 1994 ийыште колен[1].
Тӱҥ произведенийже-влак
- Теле ; Тигр ; Його ӱдыр : почеламут-вл. // Ончыко. 1957. № 6. С. 61.
- Оҥай книга : почеламут-вл. [Интересная книга : стихи]. Йошкар- Ола, 1960. 40 с.
- Мемнан классыште : ойлымаш-вл. [В нашем классе : рассказы]. Йошкар-Ола, 1964. 60 с.
- Карандаш : йоча ойлымаш-вл. [Карандаш : дет. рассказы]. Йошкар-Ола, 1965. 44 с.
- Май эрдене ; Поян теле ; Олач : почеламут-вл. // Кечан эрдене. Йошкар-Ола, 1965. С. 18, 55, 62.
- Шӱм салам : почеламут-вл. сб. [Привет сердца : стихи]. Йошкар- Ола, 1967. 36 с.
- Илышын чеверже : почеламут, поэма [Красота жизни : стихи, поэма]. Йошкар-Ола, 1978. 48 с.
- Шӧртньӧ ате : йомак [Золотой кувшин : сказка]. Йошкар-Ола, 1980.32 с.
- Мыйын пӧлекем : почеламут-вл. [Детям я дарю : стихи]. Йошкар- Ола, 1987. 16с.
Руш йылмыш кусарыме произведенийже-влак
- Мелиораторы ; Прерванная песня : стихи / пер. В. Панова //Дружба. Йошкар-Ола, 1977. С. 43—44.
- Яков-якалыцик: сатиреска/ пер. И.Законова// Юмор мари. Йошкар-Ола, 1979. С. 172—173.
Палемдымаш
Литератур
- Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. — Йошкар-Ола, 2007. С. 94.
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 178—179.
- Данилов Б. Аркадий Гороховый икмыняр почеламутшо нерген // Рвезе коммунист. 1961.4 февр.
- Писатели Марийской АССР : биобиблиогр. справочник. Йошкар- Ола, 1976. С. 85-86.
- Исенеков В. Чаткалыкым саскаже // Марий коммуна. 1978. 26 авг.
- Галютин Ю. Чонжо мо верч йӱлыш? // Марий Эл. 1997. 27 февр.
- Регеж-Горохов В. Поэтын йӧсӧ илыш корныжо // Марий Эл. 2007. 27 февр.
- МБЭ. Йошкар-Ола, 2007. С. 94.