Горинов, Андрей Иосифович
| Андрей Иосифович Горинов | |
|---|---|
 | |
| Шочмо кече | 1940 ий 20 идым |
| Шочмо вер | РСФСР, Марий АССР, Кужэҥер кундем, Лажмучаш ял |
| Колымо кече | 2000 ий 5 ага (59 ий) |
| Колымо вер | Йошкар-Ола ола |
| Гражданлык |
 СССР Россий |
| Паша сомыл | серызе, почеламутчо, драматург |
Андрей Иосифович Горинов (20 идым 1940, Лажмучаш, Марий Автоном Совет Социализм Республик — 5 ага 2000, Йошкар-Ола) — марий серызе, почеламутчо, драматург, СССР журналист-влак ушемын йыжъеҥже[1].
Илыш корныжо
Андрей Горинов 1940 ийын идым тылзын 20-шо кечынже Марий АССР Кужэҥер кундем Лажмучаш ялеш кресаньык ешеш шочын[1].
Йывансола кыдалаш школым тунем пытарымеке, Андрей Горинов Йошкар-Оласе техник училищыште тунемын. Заводышто пашам ыштен, Совет Армийыште служиен. Н. К. Крупская лӱмеш МКПИ-ште тунемын, институтым 1966 ийыште пашам кодыде тунем пытарен. Илыш корныжо журналистике, сылнымут паша дене эртен. Марий телевиденийыште редакторлан пашам ыштен. 1973 ийыште ӱшаным пуышо журналистым Угарманысе кӱшыл партий школыш колтеныт. «Марий коммуна» газет редакцийыште, заводысо шуко тиражан газетыште, «Пачемыш» журналыште пашам ыштен[1].
Андрей Горинов поэзийлан самырык пагытыштыже кумылаҥын. 1960 ий гыч савыкталтын. Ончыч тудын нерген поэт-лирик семын ойленыт. «Кумыл нӧлтмаш» (1969) икымше книгажат тидым пеҥгыдемден. Вара тудын сылнымут ончалтышыже кумдаҥын. Пашазе-влак коклаште илен, тудо завод паша кече, ыштен лукмашын новаторжо-влак нерген возен. Тудо ийлаште «граждан лирике» манме сылнымутым сайын акленыт. 1975 ийыште «Ончыко» журналыште «Волгыдыш» поэмым савыктен, тидын дене марий поэзийысе ленинианым пойдарен. Кок книгам йоча-влаклан пӧлеклен[1].
СССР журналист-влак ушемын йыжъеҥже. 2000 ийыште колен[1].
Тӱҥ произведенийже-влак
- Кумыл нӧлтмаш : почеламут-вл. [Вдохновение : стихи]. Йошкар- Ола, 1969. 48 с.
- Мыйын курым ; Мый эрык элыште илем ; Илыш корно : почеламут-вл.//Ончыко. 1972. № 1 С. 31—32.
- Кечан кугорно ; Могай сай ; Уш-акыл памаш ; Куженер : поче- ламут-вл. // Ончыко. 1973. № 6. С. 3—4.
- Мыйын курым : почеламут-вл. // Шонанпыл. Йошкар-Ола, 1975. С. 145—187.
- Волгыдыш : поэма // Ончыко. 1975. № 1 С. 40—49.
- Колятуш : йомак-поэма [Малайыш : поэма-сказка]. Йошкар-Ола, 1978.32 с.
- Канде муро : почеламут, поэма [Голубая песня : стихи, поэма]. Йошкар-Ола, 1990. 88 с.
- Торалык мо чарак йӧратымашлан…; Кече шичме годым…: почеламут-вл. //Тылат. Йошкар-Ола, 1994. С. 81—83.
- Маска ӧрын : икшыве-вл. почеламут аршаш [Удивленный медведь : стихи для детей]. Йошкар-Ола, 1995. 24 с.
- Мланде ; Айда, шӱмем … ; Огеш кӱл ! ; Кленчалан уке капитал : почеламут-вл. // Ончыко. 1997. № 4. С. 72—74.
Руш йылмыш кусарыме произведенийже-влак
- Рабочий день : стихи и поэма. Йошкар-Ола, 1980. 80 с.
- Комсомолу ; За горизонт скатилось солнце : стихи / пер. А.Кор- шунова, В.Панова //Дружба. Йошкар-Ола, 1977. С. 7—8.
Палемдымаш
Литератур
- Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. — Йошкар-Ола, 2007. С. 94.
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 178—179.
- Андрей Горинов// Шонанпыл. Йошкар-Ола, 1975. С. 144.
- Казаков М. Шонанпыл // Ончыко. 1975. № 4. С. 110—112.
- Писатели Марийской АССР : биобиблиогр. справочник. Йошкар- Ола, 1976. С. 81-82.
- Крылов В. Кумылым вашлийын ылыжтат // Марий Эл. 1996. 1 фев.
- МБЭ. Йошкар-Ола, 2007. С. 94.