Гаврилова, Изольда Степановна
| Изольда Степановна Гаврилова | |
|---|---|
 | |
| Шочмо кече | 1945 ий 1 шыжа (80 ий) |
| Шочмо вер | Караганда, Казах ССР, СССР |
| Гражданлык |
 СССР →  Россий |
| Паша сомыл | |
| Награде да премий |
|
Изольда Степановна Гаврилова (шоч. 1 шыжа 1945, Караганда, Казах ССР[d], СССР) — совет да россий библиограф, краевед. Марий АССР-ысе / Марий Элысе С. Г. Чавайн лӱмеш Калыкле книгагудын краеведений литератур шотышто тӱҥ библиографше, краеведений да калыкле литератур пӧлкан вуйлатышыже (1985—2001). Россий тӱвыран сулло пашаеҥже (2007). 1987 ий гыч КПСС йыжъеҥ.
Илыш корныжо
1945 ий 1 октябрьыште Казахстанысе Караганда олаште комсомол да партий пашаеҥ С. И. Соловьёвын ешыштыже шочын[1][2][3].
1968 ийыште Ленинградысе тӱвыра институтым тунем пытарен[1][2].
1973 ий гыч — Марий АССР-ысе Йошкар-Олаште: библиограф, 1985—1990 ийлаште — краеведений литератур аланын тӱҥ библиографше; 1995—2001 ийлаште — С. Г. Чавайн лӱмеш Калыкле книгагудын краеведений да калыкле литератур пӧлкажым вуйлатен[1][2].
2001—2007 ийлаште — Марий Элын республикысе йоча библиотекын методист-библиографше[1][2].
2007 ийыште тудлан «Россий Федерацийысе тӱвыран сулло пашаеҥже» чап лӱмым пуымо[1][2]. РСФСР да Марий Эл Республикын Чап грамотшо дене суапландарыме[4].
Библиографий да краеведений пашаже
Библиографий указатель-влакым 17 гана чумырышыжо да 3 гана редактироватлыше семын палыме (ончыктыш серий «Марий Элын писательже-влак йочалан» («Валентин Христофорович Колумб», «Василий Григорьевич Орлов», «Василий Фёдорович Сапаев», «Сергей Григорьевич Чавайн», «М. Шкетан», «Осып Шабдар»))[4], 1987—2001 ийлаште — «Марий Эл: жап, событий, еҥ-влак» палемдыме да шарныме календарьым савыкташ ямдылен[1][2][5].
2004 ийыште «Йоча литератур» тӱҥ тунемме пособийым[1][2], «Листая страницы войны»[6][7], «Марий автономийлан 85 ий» сборник-влакым чумырен[4].
Пагалымаш
- Россий Федерацийысе тӱвыран сулло пашаеҥже (2007 ий 31 январь) — тӱвыра аланыште надырлан да шуко ияш поро пашалан[1][2] — за заслуги в области культуры и многолетнюю плодотворную работу[8]
- Марий Эл Республикысе тӱвыран сулло пашаеҥже (1992)[1][2]
- РСФСР Тӱвыра министерствын Чап грамотыжо[4]
- Марий Эл Республикын Чап грамотыжо[4]
Палемдымаш
- ↑ 1 2 3 4 5 6 7 8 9 Мочаев, 2017, с. 93.
- ↑ 1 2 3 4 5 6 7 8 9 Энциклопедия Республики Марий Эл, 2009, с. 297.
- ↑ Бессмертный полк. Звениговский район. Соловьев Степан Иванович (руш.). www.moypolk.ru (30 вӱдшор 2015). Тергыме кече: 25 ӱярня 2024.
- ↑ 1 2 3 4 5 ГАВРИЛОВА Изольда Степановна (неопр.). Марийская история в лицах. Тергыме кече: 25 ӱярня 2024.
- ↑ Карточка издания: ... на 1999 год, ... на 1999 год. unis.shpl.ru. Тергыме кече: 25 ӱярня 2024.
- ↑ Листая страницы войны: к 60-летию Победы советского народа в Великой Отечественной войне / Изольда Степановна Гаврилова, Марийская республиканская детская библиотека (Йошкар-Ола). — Йошкар-Ола: Респ. детская б-ка, 2005. — 136 с.
- ↑ листая страницы войны (руш.). calameo.com. Тергыме кече: 25 ӱярня 2024.
- ↑ Гаврилова Изольда Степановна – Награды России, 2007-01-31. ru.nagrady.by. Тергыме кече: 25 ӱярня 2024.
Литератур
- Востриков В. Г., Краснов П. В. Гаврилова Изольда Степановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 82. — 2032 экз. — ISBN 5-87898-357-0.
- Гаврилова Изольда Степановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 297. — 872 с. — 3505 экз. — ISBN 978-5-94950-049-1.
- Петрова Т. А. Становление и развитие библиотечного дела в Марийском крае (аналитический обзор). В 2 ч. Ч. 2. 1965—2007 годы: монография / Марийс. гос. ун-т; Т. А. Петрова. — Йошкар-Ола, 2013. — С. 620—621.
- Востриков В. Г., Краснов П. В. Гаврилова Изольда Степановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 93. — 606 с. — 1500 экз. — ISBN 978-5-905314-35-3.