Веселов, Пётр Яковлевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Веселов.
Пётр Веселов-Сталь
Веселов, Пётр Яковлевич.jpg
Шочмо годсо лӱм Пётр Яковлевич Иванов
Шолыплӱм-влак Пётр Веселов-Сталь
Тичмаш лӱм Пётр Яковлевич Веселов
Шочмо кече 13 шорыкйол 1904(1904-01-13)
Шочмо вер
Колымо кече 30 сӱрем 1942(1942-07-30) (38 ий)
Колымо вер
Гражданстве  Россий империй  СССР
Паша сомыл
писатель, прозаик, кусарыше, корректор
Усталык ий-влак 1927—1942
Произведений йылме курыкмарий, руш

Пётр Яковлевич Весело́в, шочмыж годым Пётр Яковлевич Иванов (13 шорыкйол 1904, Сарансола, Пӹзӹкныр ял шотан илем[d] — 30 сӱрем 1942, Ржев муниципал округ[d], Пётр Веселов-Сталь семын палыме) — марий совет писатель, кусарыше, корректор, Кугу Ачамланде сарын салтакше.

Илыш корныжо

Пётр Яковлевич Иванов 1904 ий шорыкйол тылзын 13 (26) кечынже Озаҥ губернийысе Сарансола ялеш (кызыт Марий Элысе Курыкмарий кундем) шочын. Ачаже Яков Иванович Иванов поян кресаньык лийын. Аваже — Евдокия Петровна. Тӱҥалтыш шинчымашым Пӹзӹкныр ялысе черке-приход школышто налын. Вара, 1922 ийыште, раскулачиватлыме жапыште, Пётр Яковлевич шке фамилийжым Веселовлан вашталтен. 1923 ийыште Зоя Ефимовна Ершовам марлан налын. 1924 ийыште Анна ӱдырышт шочын. 1924 ий сентябрьыште Курыкмарий педагогике техникумыш тунемаш пурен. 1926 ийыште тудым тунем пытарен[1].

Сылнымут пашаже

«Ик кугу пашам — икымше пашам — нуно иквереш ыштенытат, нойымыштат ок кой» / «Ик кого пӓшам — тӹнгалтыш пӓшам — икуэш ӹштенытат, янгылымыштат ак кай» — П. Веселов-Сталь.

Сылнымут пашам 1927 ийыште тӱҥалын. Социализм шӱлышан сылнымутым возен. Шке произведенийлажым курыкмарла тӱрлӧ изданийыште савыктен. Икымше очерк-влакым «Кыралшы» газетыште возен. Ойлымаш-влакым «У сем» да «Якшар знамя» журналлаште савыктен[1].

1927 гыч 1932 ий марте Пётр Яковлевич Курыкмарий да Марий туныктымо савыктышлаште пашам ыштен. 1927 гыч 1929 ий марте «Кыралшы» газет редакцийыште, 1930 гыч 1932 ий марте «У сем» журналын тӱҥ корректоржо.

1933 ий кыдалне Москош илаш куснен. Тӱрлӧ печать савыктышыште корректорлан пашам ыштен. 1934 ийыште «На путь к социализму» произведенийжым Москосо Кугыжаныш сылнымут издательствыш колтен. 1935 ий марте Медицине кугыжаныш савыктышыште, Калык просвещений комиссариатыште, Сарзе да Ялозанлык савыктышыште корректорлан пашам ыштен. 1933 гыч 1941 ий марте марий йылмыш тӱрлӧ книгам кусарен. 1934 ий гыч Моско Кугыжаныш сылнымут издательствыште, 1935 ий гыч Москосо Йоча кугыжаныш свыктышыште[1].

1933 гыч 1941 ий марте Калык просвещений Комиссариатыште да Туныктымо педагогике савыктышыште пашам ыштен, марий школлан тунемме материал-влакым кусарен.

1966 ийыште курыкмарий серызе-влакын «Сотыш лӓкна» повесть сборникыштышт тудын «Пӱштӹр» произведенийже лектын. 1980 ийыште «Патыр курым» книгаште «Кӹртни кӧк» ойлымашыже савыкталтын.

Кугу Ачамланде сар жапыште

1941 ий июльышто шке кумылын фронтыш каен. Тазалык начарраклан кӧра, ончыч Моско ола кумдыкышто аралалтме сооруженийым чоҥен. Варарак тудым 376-шо стрелок-влак дивизийыш  (руш.) (мар. колтеныт. 220-шо стрелок-влак дивизийын 376-шо стрелок-влак полкын фронтысо типографийыштыже корректорлан пашам ыштен. Старший сержант. 1942 ий 30 июльышто Калинин (кызыт Тверь) кундемын Ржев районысо  (руш.) (мар. Бельково ял воктене колен[2].

Тверь кундемын Ржев вел Глебово ял воктене иза-шольо шӱгарлаште тойымо[3].

Тӱҥ произведений-влак

Марла:

Ӹлӹмӓшнӓм тӧрлӹшӓш.png
  • «Жерӓ»: рассказ. Козьмодемьянск, 1930 (У сем. 1930. — № 3. — С. 23—34)
  • «Ӹлӹмӓшнӓм тӧрлӹшӓш»: стих. Козьмодемьянск, 1930 (У сем. 1930. — № 3. — С. 34)
  • «1917 и»: очерк. Козьмодемьянск, 1930 (У сем. 1930. — № 4-5. — С. 8—13)
  • «Йымы валыш»: рассказ. Козьмодемьянск, 1930 (У сем. 1930. — № 6. — С. 9—15)
  • «Негӹцӹм оптат»: рассказ. Козьмодемьянск, 1931 (У сем. 1931. — № 3. — С. 4—12)
  • «Пӱштӹр»: повесть. Козьмодемьянск, 1931 (У сем. 1931. — № 9. — С. 22—36)
  • «Кӹртни кӧк»: рассказ. Козьмодемьянск, 1931 (У сем. 1931. — № 10-11. — С. 33—47)
  • «Суд»: рассказ. Козьмодемьянск, 1932 (У сем. 1932. — № 3. — С. 15—18)
  • «Прорыв»: рассказ. Козьмодемьянск, 1932 (У сем. 1932. — № 9. — С. 3—11)
  • «Социализм корнышкы» (На путь к социализму: рассказы). Москва, 1934. 69 с.

Кусарыме пашаже

Сылынымутан литератур (П. Я. Веселовын марлаш кусарымыже)

  • Максим Горький «Изергиль папи»: рассказ. Гослитиздат, 1934. 46 с.[4]
  • Максим Горький «Мордовкы»: рассказ. Художественное литературное издательство, 1934. 55 с.
  • Сергей Григорьевич Розанов «Травкин йамын кашмашыжы»: рассказ. ОГИЗ Детгиз, 1935. 64 с.[5]
  • Аркадий Петрович Гайдар «Нылымшы блиндаж»: рассказ. ОГИЗ Детгиз, 1935. 32 с.
  • Максим Горький «Шайыштмашвла»: рассказы. Художественное литературное издательство, 1935. 202 с.
  • Александр Сергеевич Пушкин «Станции смотритель»: повесть. Йошкар-Ола: Гослитиздат, 1935. 23 с.
  • Юрий Павлович Герман «Часойвла»: рассказы. Детиздат, 1939. 56 с.[6]
  • Иван Сергеевич Тургенев «Муму»: рассказ. Детиздат, 1940. 32 с.
  • Антон Павлович Чехов «Шылшы»: рассказ. Детиздат, 1940. 16 с.

Тунемме материал-влак (П. Я. Веселовын марлашке кусарымыже)

  • Тетюрев В. А. «Природым палымаш». Учпедгиз, 1933. — 148 с.[7]
  • Верховский В. Н. «Хими» (6 класс). Учпедгиз, 1934. — 120 с.
  • Браиловская С. М. «Литературы хрестоматьи» (1 класс). Учпедгиз, 1935. — 152 с.
  • Терехова Л. Г. «Географи» (4 класс). Учпедгиз, 1936. — 147 с.
  • Рыбкин Н. «Геометрический задачник»: Сборник задач по геометрии. (6—9 классы). Учпедгиз, 1941. 124 с.

Шанче сылнымут (П. Я. Веселовын марлашке кусарымыже)

  • Киндеев К. Я. Иквӓрэш пӓшӓ ӹштӹмы хозанлӹкӹшкӹ кыцэ ванжӹмӹла. Маробиздат, 1930. — 98 с.[8]
  • Отпускышкы кэшылӓн Осовиахимын ӓшындӓртышыжы. Горномарийское издательство, 1930. — 32 с.
  • Александровский А. Пушӓны гишӓн идӓ монды. Наркомпром, 1933. — 48 с.
  • Собинин В. Ныр пӓшӓштӹ пӹтариш палшык. Медгиз, 1933 — 54 с.
  • Артамонов М. Н. Чучын лӱаш кыцэ тымэнь шомыла. Государственное военное издательство, 1934. — 88 с.
  • Горский С. М. Строитьэльсвышты пу хӓдыр ыштымы пӓшӓ: Плотньык цэх. Наркомпром, 1934. — 120 с.
  • Копейкин С. И. Кырпыц ыштымӓш. Наркомпром, 1934. — 64 с.
  • Орлов А. А. Вольыкым цэргыц пэрэгымӓш да вольыкым лицымӓш: (вэтьэрина). Сельхозгиз, 1934. — 147 с.

Палемдымаш

  1. ↑ 1 2 3 Петр Веселов-Сталь (Веселов при рождении Иванов) Петр Яковлевич, <https://marihistory.ru/2011-01-01-19-53-52/32342-petr-veselov-stal-veselov-pri-rozhdenii-ivanov-petr-yakovlevich.html>. Тергыме: 25 шыжа 2025. 
  2. ↑ Веселов Петр Яковлевич. Донесения о безвозвратных потерях (руш.). Память народа 1941—1945. Тергыме кече: 26 шыжа 2025.
  3. ↑ Веселов Петр Яковлевич. Место захоронения (руш.). Память народа 1941—1945. Тергыме кече: 26 шыжа 2025.
  4. ↑ Список книг на марийском языке (1934 г.) (руш.). nbmariel.ru. Тергыме кече: 25 шыжа 2025.
  5. ↑ Список книг на марийском языке (1935 г.) (руш.). nbmariel.ru. Тергыме кече: 25 шыжа 2025.
  6. ↑ Список книг на марийском языке (1939 г.) (руш.). nbmariel.ru. Тергыме кече: 25 шыжа 2025.
  7. ↑ Список книг на марийском языке (1933 г.) (руш.). nbmariel.ru. Тергыме кече: 25 шыжа 2025.
  8. ↑ Список книг на марийском языке (1930 г.) (руш.). nbmariel.ru. Тергыме кече: 25 шыжа 2025.

Литератур

  • Сотыш лакна. Шайыштмаш дон повестьвла. Йошкар-Ола, Книгам лыкшы мары издательство, 1966. 176 с.
  • Патыр курым. Кырык мары антологий. Йошкар-Ола, Книгам лыкшы мары издательство, 1980.

Кылвер-влак

"https://mhr.ruwiki.ru/w/index.php?title=Веселов,_Пётр_Яковлевич&oldid=1232914" гыч налме